8 Հուլիսի 2004, 1278 - Ն
«ԵՐԵՎԱՆԻ ԱՆԱՍՆԱԲՈՒԺԱԿԱՆ ՍՊԱՍԱՐԿՄԱՆ ԿԵՆՏՐՈՆ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ
«Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետին և «Պետական ոչ առևտրային կազմակերպությունների մասին» Հայաստանի Հանրապետության օրենքի 9-րդ հոդվածին համապատասխան՝ Հայաստանի Հանրապետության կառավարությունը ո ր ո շ ու մ է.
1. «Երևանի անասնաբուժական սպասարկման կենտրոն» պետական փակ բաժնետիրական ընկերության բաժնետոմսերը հանձնել «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկի տիրապետմանը:
2. Հայաստանի Հանրապետության գյուղատնտեսության նախարարին և Երևանի քաղաքապետին՝ մեկամսյա ժամկետում` Հայաստանի Հանրապետության օրենսդրությամբ սահմանված կարգով «Երևանի անասնաբուժական սպասարկման կենտրոն» պետական փակ բաժնետիրական ընկերության ակտիվների կազմից առանձնացնել 287,1 հազ. դրամ հաշվեկշռային արժեքով շենքերն ու շինությունները` համաձայն N 1 հավելվածի, և դրանք որպես պետական սեփականություն ամրացնել «Հայաստանի Հանրապետության գյուղատնտեսության նախարարության աշխատակազմ» պետական կառավարչական հիմնարկին՝ Հայաստանի Հանրապետության օրենսդրությամբ սահմանված կարգով` համապատասխան չափով նվազեցնելով ընկերության կանոնադրական կապիտալը:
3. Սահմանել, որ սույն որոշման 2-րդ կետում նշված շենքերի ու շինությունների առանձնացման ժամանակ հաշվարկվող ավելացված արժեքի հարկի վճարումն իրականացվում է «Հայաստանի Հանրապետության 2004 թվականի պետական բյուջեի մասին» Հայաստանի Հանրապետության օրենքի 9-րդ հոդվածով սահմանված կարգով:
4. «Երևանի անասնաբուժական սպասարկման կենտրոն» պետական փակ բաժնետիրական ընկերությունը վերակազմավորման ձևով վերակազմակերպել Հայաստանի Հանրապետության գյուղատնտեսության նախարարության «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպության:
5. «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպությունը հանդիսանում է «Երևանի անասնաբուժական սպասարկման կենտրոն» պետական փակ բաժնետիրական ընկերության իրավահաջորդը և փոխանցման ակտին համապատասխան նրան են փոխանցվում 6536038 դրամ հաշվեկշռային արժեքով գույքի (համաձայն N 2 հավելվածի) նկատմամբ սեփականության իրավունքը, 11502,0 քառ. մետր մակերեսով հողատարածքի անհատույց անժամկետ օգտագործման իրավունքն ու «Երևանի անասնաբուծության սպասարկման կենտրոն» պետական փակ բաժնետիրական ընկերության պարտականությունները:
6. «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպության գործունեության հիմնական նպատակներն են՝
ա) տարածաշրջանում կենդանիների սերոմոնիտորինգի աշխատանքների կազմակերպումն ու դրանց արդյունքների մասին հաշվետվություններ կազմելը և Հայաստանի Հանրապետության գյուղատնտեսության նախարարություն ներկայացնելը.
բ) տարածաշրջանում անասնահակահամաճարակային միջոցառումների կազմակերպումը և իրականացումը.
գ) տարածաշրջանում անասնահակահամաճարակային կայուն ֆոնի ապահովմանն ուղղված անասնաբուժական և գյուղատնտեսական կենդանիների վարակիչ հիվանդությունների ներթափանցման կանխարգելման միջոցառումների իրականացմանը մասնակցությունը.
դ) Հայաստանի Հանրապետության գյուղատնտեսության նախարարությունից պատվաստանյութերի և ախտորոշիչ միջոցների ստացումը, դրանց` անասնաբուժասանիտարական նորմերին համապատասխան մասնաճյուղեր տեղափոխումը, պահպանումը և բաշխումը տարածաշրջանի համայնքների անասնաբույժներին.
ե) տարածաշրջանի համայնքների անասնաբույժներից պատվաստանյութերի և ախտորոշիչ միջոցների ու ախտահանիչ նյութերի ստացման, անասնաբուժասանիտարական նորմերին համապատասխան հակահամաճարակային միջոցառումների իրականացման մասին հաշվետվությունների ստացումը, ամփոփումը և դրանք Հայաստանի Հանրապետության գյուղատնտեսության նախարարություն ներկայացնելը.
զ) տարածաշրջանում կենդանական ծագում ունեցող մթերքի անվտանգությունն ապահովող միջոցառումների իրականացումը` հաստատված և գրանցված անասնաբուժասանիտարական կանոններին և նորմերին համապատասխան.
է) Հայաստանի Հանրապետության գյուղատնտեսության նախարարությունից հաշվառման ենթակա անասնաբուժական տեղեկանքների ձևաթղթերի ստացումը, տնտեսավարող սուբյեկտներին դրանց տրամադրումը, հաշվառումը և տուրքերի գանձման ապահովումը.
ը) տարածաշրջանում առկա հակահամաճարակային իրավիճակի մասին ամենամսյա հաշվետվությունները Հայաստանի Հանրապետության գյուղատնտեսության նախարարություն ներկայացնելը.
թ) տարածաշրջանում գյուղատնտեսական կենդանիների համարակալման ու հաշվառման, դրանց գրանցամատյանների վարման աշխատանքների կազմակերպումը.
ժ) տարածաշրջանում տիրող գյուղատնտեսական կենդանիներից մարդկանց փոխանցվող վարակիչ և մակաբուծային հիվանդությունների հետ կապված անասնահամաճարակային իրավիճակի մասին Հայաստանի Հանրապետության առողջապահության նախարարության պետական հիգիենիկ և հակահամաճարակային տեսչության մարզային կենտրոնին տեղեկացնելը` բնակչության շրջանում կանխարգելիչ և հակահամաճարակային միջոցառումներ կազմակերպելու և իրականացնելու համար.
ժա) տարածաշրջանում տոհմասելեկցիոն աշխատանքների կազմակերպումն ու իրականացումը:
7. Թույլատրել «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպությանն իրականացնել ձեռնարկատիրական գործունեության հետևյալ տեսակները`
ա) խորհրդատվություններ` առևտրային գործունեության և կառավարման հարցերով,
բ) անասնաբուժական գործունեություն,
գ) տեխնիկական փորձարկումներ և հետազոտումներ,
դ) հետազոտություններ և մշակումներ բնական գիտությունների բնագավառում:
8. Սահմանել, որ`
ա) սույն որոշման 2-րդ կետում նշված գույքն ամրացվում է «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպությանը՝ դրանց նպատակային նշանակությանը համապատասխան օգտագործելու նպատակով` Հայաստանի Հանրապետության կառավարությանն առընթեր պետական գույքի կառավարման վարչության հետ կնքված պայմանագրի հիման վրա.
բ) «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպության պետական ռեգիստրում գրանցման, կնիքի, դրոշմակնիքի ձեռքբերման, ինչպես նաև սույն որոշման համաձայն նրան հանձնվող գույքի գրանցման ծախսերը կատարվում են սեփական միջոցների հաշվին:
9. «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 8-րդ հոդվածի 1-ին կետով, 13-րդ հոդվածի 2-րդ կետի «դ», «ե» և «է» ենթակետերով ու 14-րդ հոդվածով նախատեսված լիազորությունները վերապահել Հայաստանի Հանրապետության գյուղատնտեսության նախարարությանը:
10. Հայաստանի Հանրապետության գյուղատնտեսության նախարարին՝ երկամսյա ժամկետում հաստատել «Երևանի անասնաբուժության, անասնաբուծության քաղաքային կենտրոն» պետական ոչ առևտրային կազմակերպության կանոնադրությունը, փոխանցման ակտերը և սեփականության իրավունքով նրան հանձնվող ու անհատույց օգտագործման իրավունքով ամրացվող գույքի կազմը:
