Հայաստանի Հանրապետության էլեկտրոնային կառավարում | e-gov

Ղեկավարվելով «Իրավական ակտերի մասին» Հայաստանի Հանրապետության օրենքի 14-րդ հոդվածի դրույթներով` Հայաստանի Հանրապետության կառավարությունը ո ր ո շ ու մ է.

1. Հաստատել`

ա) Հայաստանի Հանրապետության պետական (գանձապետական) կարճաժամկետ պարտատոմսերի թողարկման պայմանները՝ համաձայն N 1 հավելվածի.

բ) Հայաստանի Հանրապետության պետական (գանձապետական) կարճաժամկետ պարտատոմսերի տեղաբաշխման, շրջանառության և մարման սպասարկման կարգը՝ համաձայն N 2 հավելվածի.

գ) Հայաստանի Հանրապետության պետական (գանձապետական) միջին ժամկետայնության մասնակի մարումներով արժեկտրոնային պարտատոմսերի թողարկման պայմանները՝ համաձայն N 3 հավելվածի.

դ) Հայաստանի Հանրապետության պետական (գանձապետական) միջին ժամկետայնության մասնակի մարումներով արժեկտրոնային պարտատոմսերի տեղաբաշխման, շրջանառության և մարման սպասարկման կարգը՝ համաձայն N 4 հավելվածի.

ե) Հայաստանի Հանրապետության պետական (գանձապետական) միջին ժամկետայնության արժեկտրոնային պարտատոմսերի թողարկման պայմանները՝ համաձայն N 5 հավելվածի.

զ) Հայաստանի Հանրապետության պետական (գանձապետական) միջին ժամկետայնության արժեկտրոնային պարտատոմսերի տեղաբաշխման, շրջանառության և մարման սպասարկման կարգը՝ համաձայն N 6 հավելվածի.

է) Հայաստանի Հանրապետության պետական (գանձապետական) երկարաժամկետ արժեկտրոնային պարտատոմսերի թողարկման պայմանները՝ համաձայն N 7 հավելվածի.

ը) Հայաստանի Հանրապետության պետական (գանձապետական) երկարաժամկետ արժեկտրոնային պարտատոմսերի տեղաբաշխման, շրջանառության և մարման սպասարկման կարգը՝ համաձայն N 8 հավելվածի:

2. Սահմանել, որ`

ա) սույն որոշման հավելվածներում նշված` Հայաստանի կենտրոնական դեպոզիտարիայի կողմից ենթապահառուի գործառույթների իրականացման վերաբերյալ դրույթներն ուժի մեջ են մտնում 2006 թվականի հունվարի 1-ից.

բ) սույն որոշման 1-ին կետով հաստատված պայմանները և կարգերը, ինչպես նաև դրանցում լրացումներ և փոփոխություններ կատարելու մասին Հայաստանի Հանրապետության կառավարության որոշումների նախագծերը Հայաստանի Հանրապետության ֆինանսների և էկոնոմիկայի նախարարության կողմից` կարող են ներկայացվել Հայաստանի Հանրապետության կառավարություն` համաձայնեցնելով Հայաստանի Հանրապետության կենտրոնական բանկի հետ:

3. Առաջարկել Հայաստանի Հանրապետության կենտրոնական բանկի նախագահին Հայաստանի Հանրապետության կենտրոնական բանկի խորհրդի կողմից ընդունվող պետական պարտատոմսերի կարգավորման վերաբերյալ բոլոր իրավական ակտերը, դրանց մեջ լրացումները և փոփոխությունները կատարել` համաձայնեցնելով Հայաստանի Հանրապետության ֆինանսների և էկոնոմիկայի նախարարության հետ: