24 Մայիսի 2007, 711 - Ն
ԳՈՒՅՔ ՕՏԱՐԵԼՈՒ, ՈՐՊԵՍ ՆՎԻՐԱԲԵՐՈՒԹՅՈՒՆ ՇԵՆՔ ԸՆԴՈՒՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ԴԵԿՏԵՄԲԵՐԻ 21-Ի N 1923-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը, «Պետական կառավարչական հիմնարկների մաuին» Հայաuտանի Հանրապետության oրենքի 4-րդ հոդվածը, «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասը և հաշվի առնելով Հայաստանի Հանրապետության Սյունիքի մարզի Կապանի քաղաքապետի առաջարկությունը` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության Սյունիքի մարզի Կապանի քաղաքային համայնքի սեփականությունը հանդիսացող` Կապան քաղաքի Մ. Հարությունյան 3 հասցեում գտնվող` 565 քառ. մետր ընդհանուր մակերես և 4796600 դրամ հավեկշռային արժեք ունեցող շենքը, ինչպես նաև շենքին հատկացված` զբաղեցրած, օգտագործման ու սպասարկման համար անհրաժեշտ 1140 քառ. մետր մակերես ունեցող հողամասը որպես նվիրաբերություն ընդունել Հայաստանի Հանրապետության սեփականություն և այն ամրացնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին` «Կապանի երկրագիտական թանգարան» պետական ոչ առևտրային կազմակերպությանն անհատույց օգտագործման իրավունքով տրամադրելու պայմանով:
2. Հայաստանի Հանրապետության կառավարությանն առընթեր պետական գույքի կառավարման վարչության պետին`
1) Կապանի քաղաքային համայնքի ղեկավարի հետ կնքել սույն որոշման 1-ին կետում նշված շենքի նվիրաբերության պայմանագիր` դրանում նախատեսելով դրույթ, համաձայն որի գույքային իրավունքների պետական գրանցման հետ կապված ծախսերը կատարվելու են Կապանի քաղաքային համայնքի միջոցների հաշվին.
2) սույն որոշման 2-րդ կետի 1-ին ենթակետում նշված աշխատանքների կատարումից հետո մեկամսյա ժամկետում` Հայաստանի Հանրապետության Սյունիքի մարզպետի հետ համատեղ ապահովել սույն որոշման 1-ին կետից բխող` «Կապանի երկրագիտական թանգարան» պետական ոչ առևտրային կազմակերպությանն անհատույց օգտագործման իրավունքով տրամադրվող գույքի հանձնման-ընդունման աշխատանքների կատարումը.
3) «Կապանի երկրագիտական թանգարան» պետական ոչ առևտրային կազմակերպության հետ կնքել սույն որոշման 1-ին կետում նշված շենքի անհատույց օգտագործման պայմանագիր` սահմանելով, որ պայմանագրից բխող գույքային իրավունքների պետական գրանցումն իրականացվում է թանգարանի միջոցների հաշվին.
4) Կապանի քաղաքային համայնքի ղեկավարի հետ կնքել սույն որոշման 4-րդ կետում նշված համապատասխան պայմանագիր` դրանում նախատեսելով դրույթ, համաձայն որի գույքային իրավունքների պետական գրանցման հետ կապված ծախսերը կատարվելու են Կապանի քաղաքային համայնքի միջոցների հաշվին.
5) մեկամսյա ժամկետում ապահովել սույն որոշման 4-րդ կետում նշված գույքի հանձնման-ընդունման աշխատանքների կատարումը:
3. Ուժը կորցրած ճանաչել Հայաստանի Հանրապետության կառավարության
2006 թվականի դեկտեմբերի 21-ի «Բազմաբնակարան բնակելի շենքերում տեղակայված ոչ բնակելի տարածքների (բացվածքների) պատկանելությունը սահմանելու մասին»
N 1923-Ն որոշման N 2 հավելվածի 66-րդ կետը:
4. Կապան քաղաքի Շահումյան 22 հասցեում գտնվող` 313,0 քառ. մետր մակերեսով` Հայաստանի Հանրապետության սեփականությունը հանդիսացող տարածքը և շենքի տակ գտնվող հողամասի նկատմամբ ընդհանուր բաժնային սեփականության իրավունքը սեփականության իրավունքով անհատույց փոխանցել Սյունիքի մարզի Կապանի քաղաքային համայնքին:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
