1 Մարտի 2007, 234 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԳՈՐԾՈՒՆԵՈՒԹՅԱՆ ԻՐԱԿԱ- ՆԱՑՄԱՆ ԼԻՑԵՆԶԻԱՆԵՐԻ ԳՈՐԾՈՂՈՒԹՅԱՆ ՎԱՅՐԵՐԸ ԵՎ ՇԱՀԱԳՈՐԾՎՈՂ ՀՈՍՔԱԳԾԵՐԻ ՆՎԱԶԱԳՈՒՅՆ ՔԱՆԱԿՆԵՐԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարությունը ո ր ո շ ու մ է.
1. Հաստատել Հայաստանի Հանրապետությունում տրանսպորտային միջոցների տեխնիկական զննության անցկացման գործունեության իրականացման լիցենզիաների գործողության վայրերը և դրանցում շահագործվող հոսքագծերի նվազագույն քանակները` համաձայն հավելվածի.
2. Հայաստանի Հանրապետության տրանսպորտի և կապի նախարարին` տեխնիկական զննության անցկացման գործունեության լիցենզավորման մրցույթների անցկացումը և մրցույթում հաղթողներին լիցենզիայի տրամադրումը կատարել սույն որոշման 1-ին կետով հաստատված լիցենզիաների գործողության վայրերին և դրանցում շահագործվող հոսքագծերի նվազագույն քանակներին համապատասխան:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
