Հայաստանի Հանրապետության էլեկտրոնային կառավարում | e-gov

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 12, 16, 17, 18, 23-րդ և 24-րդ հոդվածներին համապատասխան՝ Հայաստանի Հանրապետության կառավարությունը ո ր ո շ ու մ է .

1.1. Անշարժ գույքի շուկայական արժեքով 132.000 դրամ գնահատված, Հայաստանի Հանրապետության կառավարությանն առընթեր պետական գույքի կառավարման վարչությանը պատկանող՝ Երևանի Մելիքյան 2/4 հասցեում գտնվող անավարտ շինարարության օբյեկտը և օբյեկտին հարող 0.01417 հեկտար հողատարածքը կադաստրային արժեքով մասնավորեցնել մրցույթով:

1.2. Սահմանել մրցույթով մասնավորեցման ենթակա անավարտ շինարարության օբյեկտի մեկնարկային գինը՝ 250.000 դրամ:

1.3. Հայաստանի Հանրապետության կառավարությանն առընթեր պետական գույքի կառավարման վարչության պետին՝

ա) մրցույթի անցկացման օրվանից առնվազն մեկ ամիս առաջ մամուլում և զանգվածային լրատվության մյուս միջոցներով հրապարակել ընդհանուր տեղեկություններ անավարտ շինարարության օբյեկտի, մրցույթի անցկացման պայմանների, ժամկետների, մրցույթի մասնակիցներին ներկայացվող պահանջների մասին,

բ) մրցույթը կազմակերպել և անցկացնել սույն որոշումն ուժի մեջ մտնելուց հետո մեկամսյա ժամկետում,

գ) մրցույթի անցկացման օրվանից երկամսյա ժամկետում և սույն որոշման 1.5-րդ կետի «ա» ենթակետի պահանջների կատարումից հետո մրցույթի հաղթողի հետ կնքել մասնավորեցման պայմանագիր:

1.3. Սահմանել մրցույթի հաղթողին որոշելու հետևյալ պայմանները՝

ա) անավարտ շինարարության օբյեկտի համար առաջարկվող գինը,

բ) շինարարության ավարտման ժամկետը,

գ) ներդրումների չափը:

1.4. Սահմանել, որ մրցույթի հաղթողն օբյեկտի վաճառքի գումարը պետք է վճարի մրցույթի արձանագրությունն ստանալու պահից մեկ ամսվա ընթացքում:

1.5. Սահմանել որ մրցույթի հաղթողը պարտավոր է՝

ա) իր միջոցների հաշվին վճարել գույքային իրավունքների պետական գրանցման հետ կապված վճարներն ու տուրքերը՝ Հայաստանի Հանրապետության օրենսդրությամբ սահմանված կարգով,

բ) վճարումները կատարել Հայաստանի Հանրապետության օրենսդրությամբ սահմանված կարգով՝ Հայաստանի Հանրապետության արժույթով:

2.1. «Կոտայքառսպաս» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Հայաստանի Հանրապետության Կոտայքի մարզի Բալահովիտ գյուղում գտնվող՝ 653,83 քառ. մետր ընդհանուր մակերեսով և 12054000 դրամ գնահատված «Չայկա միավորում» «փոքր» օբյեկտը՝ վերջինիս հաշվեկշռային արժեքի և առանձնացման արդյունքում հաշվարկվող ավելացված արժեքի հարկի հանրագումարի չափով նվազեցնելով ընկերության կանոնադրական կապիտալը:

2.2. «Չայկա միավորում» «փոքր» օբյեկտը՝ 12054000 դրամ արժեքով, և օբյեկտին հարող 1.4 հեկտար հողատարածքը՝ կադաստրային արժեքով, ուղղակի վաճառքի ձևով մասնավորեցնել աշխատավորական կոլեկտիվին:

2.3. Սահմանել, որ գնորդը պարտավոր է՝

ա) իր միջոցների հաշվին կատարել գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը՝ Հայաստանի Հանրապետության օրենսդրությամբ սահմանված կարգով,

բ) վճարումները կատարել Հայաստանի Հանրապետության օրենսդրությամբ սահմանված կարգով՝ Հայաստանի Հանրապետության արժույթով:

3.1. Հայաստանի Հանրապետության կառավարության 1997 թվականի դեկտեմբերի 5-ի «Հայաստանի Հանրապետության պետական ձեռնարկությունների, անավարտ շինարարության օբյեկտների սեփականաշնորհման, վարձակալած գույքի գնման թույլտվություն տալու և Հայաստանի Հանրապետության կառավարության մի շարք որոշումներում փոփոխություններ կատարելու մասին» N 561 որոշման 9.2-րդ կետով Սևանի կինոցանցի «Զանգու» կինոթատրոնի կազմից առանձնացված «Դավիթ» ընտանեկան ձեռնարկության կողմից վարձակալված 48.34 քառ.մետր մակերես ունեցող՝ «փոքր» օբյեկտների պետական գույքի գնահատման համար սահմանված կարգով 770 հազ. դրամ գնահատված պետական գույքը մասնավորեցնել դասական աճուրդով:

3.2. Սահմանել պետական գույքի աճուրդով վաճառքի մեկնարկային գինը՝ 192500 դրամ:

3.3. Հայաստանի Հանրապետության կառավարությանն առընթեր պետական գույքի կառավարման վարչության պետին՝ երկամսյա ժամկետում կազմակերպել և անցկացնել աճուրդ` Հայաստանի Հանրապետության օրենսդրությամբ սահմանված կարգով:

3.4. Սահմանել, որ աճուրդի հաղթողը պարտավոր է գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը վճարել Հայաստանի Հանրապետության օրենսդրությամբ սահմանված կարգով:

3.5. Վճարումները կատարել Հայաստանի Հանրապետության օրենսդրությամբ սահմանված կարգով` Հայաստանի Հանրապետության արժույթով:

4.1. «Փոքր» օբյեկտների պետական գույքի գնահատման համար սահմանված կարգով 1617 հազ. դրամ գնահատված՝ Վանաձորի Տիգրան Մեծի N 42 շենքի բացվածքում գտնվող՝ 31.2 քառ. մետր մակերես ունեցող Վանաձորի գրախանութների «Վանք-91» միավորման N 10 գրատունն ուղղակի վաճառքի ձևով մասնավորեցնել դրա աշխատավորական կոլեկտիվին (այսուհետ՝ գնորդ):

4.2. Սահմանել ուղղակի վաճառքի ձևով մասնավորեցվող պետական գույքի վաճառքի գինը՝ 1617 հազ. դրամ:

4.3. Սահմանել, որ գնորդը պարտավոր է՝

ա) վճարումները կատարել Հայաստանի Հանրապետության օրենսդրությամբ սահմանված կարգով՝ առաջին վճարը կատարելով երկամսյա ժամկետում,

բ) իր միջոցների հաշվին կատարել գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

4.4. Վճարումները կատարել Հայաստանի Հանրապետության արժույթով:

4.5. Հայաստանի Հանրապետության կառավարությանն առընթեր պետական գույքի կառավարման վարչության պետին՝ գույքի արժեքի որոշման հետ կապված վճարների կատարումից հետո գնորդի հետ կնքել մասնավորեցման պայմանագիր:

5. Հայաստանի Հանրապետության կառավարության 1997 թվականի դեկտեմբերի 5-ի «Հայաստանի Հանրապետության պետական ձեռնարկությունների, անավարտ շինարարության օբյեկտների սեփականաշնորհման, վարձակալած գույքի գնման թույլտվություն տալու և Հայաստանի Հանրապետության կառավարության մի շարք որոշումներում փոփոխություններ կատարելու մասին» N 561 որոշման մեջ կատարել հետևյալ փոփոխությունը՝

որոշման 9.2.-րդ կետից հանել «Դավիթ» ընտանեկան ձեռնարկությանը» բառերը:

6. Հայաստանի Հանրապետության կառավարության 2003 թվականի հոկտեմբերի 30-ի «Փոքր» օբյեկտներն ուղղակի վաճառքի ձևով մասնավորեցնելու մասին» N 1399-Ա որոշման մեջ կատարել հետևյալ փոփոխությունները՝

ուժը կորցրած ճանաչել որոշման 1.1-ին, 1.2-րդ և 1.3-րդ կետերը: