5 Ապրիլի 2007, 477 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՓԵՏՐՎԱՐԻ 1-Ի N 86-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասին համապատասխան` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2007 թվականի փետրվարի 1-ի «Հայաստանի Հանրապետության 2007 թվականի պետական բյուջեում վերաբաշխում, Հայաստանի Հանրապետության կառավարության 2006 թվականի դեկտեմբերի 21-ի
N 1851-Ն որոշման մեջ փոփոխություն կատարելու և Հայաստանի Հանրապետության տարածքային կառավարման նախարարությանը գումար հատկացնելու մասին» N 86-Ն որոշման մեջ կատարել հետևյալ փոփոխությունները՝
1) որոշման 1-ին կետում «համաձայն հավելվածի» բառերը փոխարինել «համաձայն N 1 հավելվածի» բառերով.
2) որոշման 2-րդ կետը շարադրել հետևյալ խմբագրությամբ.
«2. Հայաստանի Հանրապետության 2007 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից հատկացնել`
ա) Հայաստանի Հանրապետության տարածքային կառավարման նախարարությանը` 85,000.0 հազ. դրամ (բյուջետային ծախսերի տնտեսագիտական դասակարգման «Պետական բյուջեից համայնքների բյուջեներին տրվող նպատակային հատկացումներ՝ սուբվենցիաներ» հոդվածով) Հայաստանի Հանրապետության քաղաքային համայնքներին սուբվենցիա տրամադրելու նպատակով` համաձայն սույն որոշման N 2 հավելվածի, որից` 2007 թվականի առաջին կիսամյակում` 28,331.7 հազ. դրամ և ինն ամսում` 85,000.0 հազ. դրամ.
բ) Երևանի քաղաքապետարանին` 180,000.0 հազ. դրամ (բյուջետային ծախսերի տնտեսագիտական դասակարգման «Ընթացիկ ներքին այլ տրանսֆերտային վճարներ» հոդվածով)` Երևանի քաղաքապետարանի «Լուսանշան» պետական ոչ առևտրային կազմակերպությանը պետական աջակցություն ցուցաբերելու նպատակով, որից` 2007 թվականի առաջին կիսամյակում` 104,165.8 հազ. դրամ և ինն ամսում` 113,746.0 հազ. դրամ:».
3) ուժը կորցրած ճանաչել որոշման 3-րդ կետը.
4) որոշման հավելվածում «Հավելված» բառը փոխարինել «Հավելված N 1» բառերով.
5) որոշումը լրացնել N 2 հավելվածով, համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
