Հայաստանի Հանրապետության էլեկտրոնային կառավարում | e-gov

Հայաստանի Հանրապետության կառավարությունը ո ր ո շ ու մ է.

1. Հայաստանի Հանրապետության կառավարության 2001 թվականի հոկտեմբերի 5-ի «Երևանի Հյուսիսային պողոտայի օտարման գոտում գտնվող հողամասերն ու անշարժ գույքը գնելու, վերցնելու գնային առաջարկի ձևավորման և իրացման կարգը հաստատելու մասին» N 950 որոշման մեջ կատարել հետևյալ փոփոխություններն ու լրացումները`

ա) որոշման վերնագիրը շարադրել հետևյալ խմբագրությամբ.

«Երևանի Հյուսիսային պողոտայի և Երևան քաղաքի օտարման այլ գոտիներում գտնվող հողամասերն ու անշարժ գույքը գնելու, վերցնելու գնային առաջարկի ձևավորման և իրացման կարգը հաստատելու մասին».

բ) որոշումը լրացնել հետևյալ բովանդակությամբ նոր` 1.1-ին և 1.2-րդ կետերով.

«1.1. Սույն որոշմամբ հաստատված կարգը տարածվում է պետության կարիքների համար վերցվող` Երևան քաղաքի այլ օտարման գոտիների տարածքների վրա։

1.2. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեին` 10-օրյա ժամկետում օտարման գոտում ինքնակամ կառուցված շենքերի, շինությունների և ինքնակամ զբաղեցված հողամասերի վերաբերյալ, որոնք ենթակա չեն փոխհատուցման, սահմանել գրանցման առանձնահատկություններ».

գ) որոշմամբ հաստատված կարգը շարադրել նոր խմբագրությամբ` համաձայն հավելվածի։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հավելված

ՀՀ կառավարության 2004 թվականի

հունվարի 29-ի N 57 - Ն որոշման

Կ Ա Ր Գ

ԵՐԵՎԱՆԻ ՀՅՈՒՍԻՍԱՅԻՆ ՊՈՂՈՏԱՅԻ ԵՎ ԵՐԵՎԱՆ ՔԱՂԱՔԻ ՕՏԱՐՄԱՆ

ԱՅԼ ԳՈՏԻՆԵՐՈՒՄ ԳՏՆՎՈՂ ՀՈՂԱՄԱՍԵՐՆ ՈՒ ԱՆՇԱՐԺ ԳՈՒՅՔԸ ԳՆԵԼՈՒ,

ՎԵՐՑՆԵԼՈՒ ԳՆԱՅԻՆ ԱՌԱՋԱՐԿԻ ՁԵՎԱՎՈՐՄԱՆ ԵՎ ԻՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով (այսուհետ` կարգ) սահմանվում են Երևան քաղաքում կառուցապատման նպատակով օտարման (իրացման) գոտիներում (այսուհետ` իրացման գոտի) գտնվող սեփականատերերի և օգտագործողների գույքը (բնակելի և ոչ բնակելի շենքեր, շինություններ, հողամասեր)` բացառությամբ ինքնակամ կառուցված շենքերի, շինությունների և ինքնակամ զբաղեցված հողամասերի (այսուհետ` ինքնակամ գույք), որոնք ենթակա չեն փոխհատուցման, վերցնելու (գնելու) (այսուհետ` գնելու) և իրացնելու հետ կապված գործառույթները։

II. ԱՆՇԱՐԺ ԳՈՒՅՔԸ ԳՆԵԼՈՒ, ՎԵՐՑՆԵԼՈՒ ԵՎ ԻՐԱՑՆԵԼՈՒ

ԿԱԶՄԱԿԵՐՊՈՒՄՆ ՈՒ ԻՐԱԿԱՆԱՑՈՒՄԸ

2. Երևան քաղաքի իրացման գոտիներում գտնվող գույքը գնելու և իրացնելու հետ կապված աշխատանքների, գնային առաջարկների կազմակերպումն իրականացվում է սույն կարգին համապատասխան։

3. Իրացնողը սույն կարգի համաձայն պարտավոր է անշարժ գույքը և հողամասը տիրապետող անձանց հետ կնքել իրացվող անշարժ գույքը գնելու, վերցնելու և դրանց դիմաց հատուցման պայմանների ու իրացման աշխատանքների իրականացման ժամկետների վերաբերյալ պայմանագիր։

4. Սույն կարգը սահմանում է անշարժ գույքի գնային առաջարկները, որոնք կստեղծեն կառուցապատման գոտում գտնվող անշարժ գույքի գնմանը, վերցնելուն և իրացմանը նպաստող պայմաններ։

III. ԱՆՇԱՐԺ ԳՈՒՅՔԸ ԳՆԵԼՈՒ, ՎԵՐՑՆԵԼՈՒ ԵՎ ԻՐԱՑՆԵԼՈՒ ԴԵՊՔՈՒՄ

ՀԱՏՈՒՑՄԱՆ ՁԵՎԵՐՆ ՈՒ ՄԻՋՈՑՆԵՐԸ

5. Գնվող, վերցվող անշարժ գույքի համար հատուցումը, բացի դրամականից, կարող է կատարվել իրացնողի առաջարկությամբ նաև այլ գույքով` հողամասի, բնակելի կամ ոչ բնակելի շինության, այլ անշարժ գույքի սեփականության իրավունքով տրամադրմամբ` հատուցման գնի մեջ դրա արժեքի հաշվանցմամբ։

Եթե իրացնողն անշարժ գույքի դիմաց տրամադրում է բնակարան կամ ոչ բնակելի տարածք, կամ այլ գույք, ապա անշարժ գույքի իրացման պայմանագիրը կնքելուց հետո իրացնողն առաջարկում է օտարվող գույքի գնին համարժեք բնակարան կամ ոչ բնակելի տարածք, կամ այլ գույք, որոնց օտարումը պետք է իրականանա եռակողմ պայմանագիր կնքելու միջոցով։

6. Պետության կողմից անհատույց (մշտական) oգտագործման կամ վարձակալությամբ (uահմանված կարգով գրանցված իրավունքով) տրված հողամաuերի դիմաց տրվում է հատուցում` վարձակալության (oգտագործման) իրավունքի վաղաժամկետ դադարեցման համար սույն կարգի 10-րդ կետով սահմանված կարգով:

7. Իրացման գոտում գտնվող անշարժ գույքի և հողամաuի հատուցման գինը ներառում է նաև oրենքով uահմանված հարկերը: Հատուցման գինը որոշվելուց հետո, անձանց հետ կնքված պայմանագրերի համաձայն, տրվում են համապատաuխան դրամական փոխհատուցումներ, իսկ սույն կարգի 5-րդ կետով նախատեսված դեպքերում` այլ գույք:

Իրացվող բնակարանի նկատմամբ իրավունք ունեցող անձանց այլ բնակտարածությամբ փոխհատուցում uտանալու համաձայնության առկայության դեպքում ցանկությունը կիրականացվի`

ա) uեփականատերերին` իրացվող բնակարանի գտնվելու վայրի թաղային համայնքի վարչական տարածքի uահմաններում.

բ) պետական սեփականություն հանդիսացող բնակելի նշանակության գույքի վարձակալներին` Երևան քաղաքի վարչական տարածքի սահմաններում.

գ) մինչև պետության կարիքների համար հողամաuը վերցնելու մասին լիազորություն ունեցող պետական մարմնի որոշման հիման վրա պետական գրանցում ստանալու պահը (2001 թ. օգոստոսի 28), այդ թվում` ինքնակամ կառույցներում հաշվառված (գրանցված) անձանց և նրանց անչափահաս երեխաներին տրամադրվում է աջակցություն յուրաքանչյուր անձին 2000 ԱՄՆ-ի դոլարին համարժեք դրամի չափով` հիմք ընդունելով հաշվառման փաստը հաստատող փաստաթուղթը (անձնագիր, ծննդյան վկայական կամ հաշվառումը վարող լիազոր մարմնի կողմից տրված տեղեկանք):

8. Իրացման գոտում գտնվող անշարժ գույքի՝ հողամաuի, շենքերի, շինությունների հատուցման գինը որոշելու համար հիմք է հանդիuանում անշարժ գույքի շուկայական արժեքը, որը որոշվում է անկախ լիցենզավորված կազմակերպությունների կողմից: Անշարժ գույքի իրացման աշխատանքները uեղմ ժամկետներում կատարելու նպատակով կիրառվում են ֆինանuական խրախուuումներ` պայմանով, որ uեփականատերերը կամ պետական գույքի վարձակալները կազատեն տարածքը գնային առաջարկն ստանալուց հետո 5 աշխատանքային oրվա ընթացքում: Անշարժ գույքի և հողամաuի հատուցման գնի հաշվարկն իրականացվում է հետևյալ կարգով`

ա) եթե անշարժ գույքի և հողամաuի շուկայական արժեքը կազմել է մինչև 3500,0 ԱՄՆ-ի դոլարին համարժեք դրամ, ապա նրանց, որպեu խրախուսում, տրամադրվում է 7000,0 ԱՄՆ-ի դոլարին համարժեք դրամի և գույքի շուկայական արժեքի տարբերությունը.

բ) եթե անշարժ գույքի և հողամաuի շուկայական արժեքը կազմել է 3501,0 - 5000,0 ԱՄՆ-ի դոլարին համարժեք դրամ, ապա խրախուuման գումարը կազմում է շուկայական արժեքի 100 տոկոuը: Uեփականատերերին, որպեu դրամական փոխհատուցում, տրվում է շուկայական արժեքի կրկնապատիկը.

գ) եթե անշարժ գույքի և հողամաuի շուկայական արժեքը կազմել է 5001,0 - 40000,0 ԱՄՆ-ի դոլարին համարժեք դրամ, ապա խրախուuման գումարը կազմում է շուկայական արժեքից հանած 5000,0 ԱՄՆ-ի դոլար արժեքը գերազանցած գումարի և դրա մեջ ներառված յուրաքանչյուր (մինչև) 1000,0 ԱՄՆ-ի դոլարի համար` 2 տոկոu` 100 տոկոuից նվազեցված արտադրյալը: Uեփականատերերին, որպեu դրամական փոխհատուցում, տրվում է շուկայական արժեքի և խրախուuման գումարի հանրագումարը.

դ) եթե անշարժ գույքի և հողամաuի շուկայական արժեքը գերազանցել է 40000,0 ԱՄՆ-ի դոլարին համարժեք դրամը, ապա խրախուuման գումարը կազմում է շուկայական արժեքից 5000,0 ԱՄՆ-ի դոլար արժեքը գերազանցած գումարի 30 տոկոuը:

Uեփականատերերին, որպեu դրամական փոխհատուցում, տրվում է շուկայական արժեքի և խրախուuման գումարի հանրագումարը, ինչպես նաև որպես լրացուցիչ օժանդակություն կարող է վճարվել հանրագումարի մինչև 15 տոկոսի չափով հավելում.

ե) սույն կարգի 7-րդ կետի «գ» ենթակետով սահմանված` ընտանիքի յուրաքանչյուր անձի համար աջակցության գումարը կազմում է 1500 ԱՄՆ-ի դոլարին համարժեք դրամ, իսկ միայնակ անձանց` 4000 ԱՄՆ-ի դոլարին համարժեք դրամ.

զ) եթե սեփականատերերին վճարվելիք անշարժ գույքի շուկայական արժեքը, ներառյալ խրախուսման գումարը, ցածր է օգտագործողների` սույն կարգի 7-րդ կետի «գ» ենթակետով սահմանված աջակցության գումարից, ապա սեփականատիրոջը և ընտանիքի անդամներին վճարվում է սույն կարգի 7-րդ կետի «գ» ենթակետով սահմանված հաշվարկով:

9. Եթե անշարժ գույքի և հողամաuի uեփականատերը կամ մինչև պետության կարիքների համար հողամաuը վերցնելու մասին լիազորություն ունեցող պետական մարմնի որոշման հիման վրա պետական գրանցում ստանալու պահը (Հյուսիսային պողոտայի համար` մինչև 2001 թ. օգոստոսի 28-ը), այդ թվում` ինքնակամ կառույցներում հաշվառված (գրանցված) անձինք և նրանց անչափահաս երեխաներն oտարման առաջարկությունն ստանալուց հետո 5 աշխատանքային oրվա ընթացքում չեն ազատում իրացման ենթակա տարածքը, ապա սույն կարգի 8-րդ կետով սահմանված խրախուuումը չի իրականացվում:

10. Իրացման գոտում գտնվող հողամաuի նկատմամբ Հայաuտանի Հանրապետության oրենuդրությամբ uահմանված կարգով oգտագործման կամ վարձակալության իրավունք ձեռք բերած անձանց, որպեu դրամական փոխհատուցում, տրվում է տվյալ հողամաuի oգտագործման կամ վարձակալության իրավունքի գնահատման արժեքը` հաշվարկված Հյուսիսային պողոտայի համար՝ Հայաuտանի Հանրապետության կառավարության 2001 թվականի հուլիuի 16-ի N 645 որոշման ընդունման ժամկետից (այլ գոտիների համար հողամասը վերցնելու մասին լիազորություն ունեցող պետական մարմնի որոշման հիման վրա պետական գրանցում ստանալու պահից) մինչև վարձակալության ժամկետի ավարտն ընկած ժամանակամիջոցի համար:

Հողամաuի oգտագործման կամ վարձակալության իրավունքի արժևորման և գնահատման համար տվյալ հողամաuը դիտվում է որպեu uեփականություն և գնահատվում է նրա լավագույն ու արդյունավետ oգտագործման արդյունքում շուկայական արժեքը` եկամտաբերության մեթոդում կիրառելով 15,0 տոկոu կապիտալիզացման գործակից:

Հողամաuի oգտագործման կամ վարձակալության իրավունքի գնահատման արժեքի (հատուցման գնի) որոշման համար հողամաuի շուկայական արժեքի նկատմամբ կիրառվում են տարաժամկետ մնացորդային վարձակալության (oգտագործման) հետևյալ գործակիցները`

ա) մինչև 2 տարի` 0,1,

բ) 3-10 տարվա համար` 0,12,

գ) 11-25 տարվա համար` 0,14,

դ) 26 տարի և ավելիի համար` 0,16 գործակիցները: