28 Սեպտեմբերի 2006, 1491 - Ն
ՇՐՋԱԿԱ ՄԻՋԱՎԱՅՐԻ ԴԻՏԱՐԿՈՒՄՆԵՐԻ ՊԵՏԱԿԱՆ ՑԱՆՑԻ ՕԲՅԵԿՏՆԵՐԻ ՀԻՄՆՄԱՆ, ՊԱՀՊԱՆՈՒԹՅԱՆ, ԴՐԱՆՑ ՇՈՒՐՋ ՊԱՀՊԱՆԱԿԱՆ ԳՈՏԻՆԵՐԻ ՍՏԵՂԾՄԱՆ ԿԱՐԳԸ ԵՎ ՍԱՀՄԱՆԱՓԱԿՈՒՄՆԵՐԻ ՑԱՆԿԸ ՀԱՍՏԱՏԵԼՈՒ Մ Ա Ս Ի Ն
Համաձայն «Հիդրոօդերևութաբանական գործունեության մասին» Հայաստանի Հանրապետության օրենքի 19-րդ հոդվածի` Հայաստանի Հանրապետության կառավարությունը ո ր ո շ ու մ է.
1. Հաստատել շրջակա միջավայրի դիտարկումների պետական ցանցի օբյեկտների պահպանության, դրանց շուրջ պահպանական գոտիների ստեղծման կարգը և սահմանափակումների ցանկը` համաձայն հավելվածի:
2. Սահմանել, որ շրջակա միջավայրի դիտարկումների պետական ցանցի օբյեկտների հողամասերը տրամադրվում են Հայաստանի Հանրապետության հողային օրենսգրքով նախատեսված կարգով` հետևյալ չափերով`
օդերևութաբանական կայանի, այդ թվում` դիտահրապարակի համար` 0.5-1.0 հեկտար,
ջրաչափական դիտակետի համար` 0.10-0.15 հեկտար (առանց ջրային տարածքի),
բնակավայրերում օդի աղտոտվածության մոնիթորինգի դիտակայանի համար`
30-50 քառ. մետր:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
