Հայաստանի Հանրապետության էլեկտրոնային կառավարում | e-gov

Պետության 2006 թվականի կարիքների բավարարման նպատակով Հայաստանի Հանրապետության 2006 թվականի պետական բյուջեով առանձին ծախսային ծրագրերի գծով նախատեսված հատկացումների գումարների օգտագործման արդյունքում տնտեսված գումարների տնօրինման նպատակով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան` Հայաստանի Հանրապետության կառավարությունը ո ր ո շ ու մ է.

1. «Հայաստանի Հանրապետության 2006 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում` համաձայն NN 1 և 2 հավելվածների:

2. Հայաստանի Հանրապետության կառավարության 2005 թվականի դեկտեմբերի 15-ի «Հայաստանի Հանրապետության 2006 թվականի պետական բյուջեի կատարումն ապահովող միջոցառումների մասին» N 2162-Ն որոշման N 5 հավելվածում կատարել փոփոխություններ` համաձայն NN 1 և 3 հավելվածների:

3. Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության Լոռու մարզպետարանին հատկացնել 14,186.2 հազ. դրամ, այդ թվում`

ա) գյուղական բնակավայրերում անօթևան մնացած ընտանիքների համար բնակարանային շինարարության նախագծանախահաշվային փաստաթղթերի մշակման աշխատանքների ֆինանսավորման համար` 11,000.0 հազ. դրամ (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով).

բ) Հայաստանի Հանրապետության Լոռու մարզի Հաղպատ գյուղի դպրոցի շենքի գազաֆիկացման աշխատանքների ֆինանսավորման համար` 1,500.0 հազ. դրամ (բյուջետային ծախսերի տնտեսագիտական դասակարգման «Կապիտալ շինարարության ծախսեր» հոդվածով).

գ) Հայաստանի Հանրապետության Լոռու մարզի Ձորագետ գյուղի դպրոցի շենքի գազաֆիկացման աշխատանքների ֆինանսավորման համար` 1,686.2 հազ. դրամ (բյուջետային ծախսերի տնտեսագիտական դասակարգման «Կապիտալ շինարարության ծախսեր» հոդվածով)։

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։