20 Մայիսի 2021, 809 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՀՈՒԼԻՍԻ 10-Ի N 735-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ Մ Ա Ս Ի Ն
Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ, 34-րդ և 36-րդ հոդվածները` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2013 թվականի հուլիսի 10-ի «Անհատույց օգտագործման իրավունքով գույք հանձնելու և անհատույց օգտագործման պայմանագրում փոփոխություն կատարելու թույլտվություն տալու մասին» N 735-Ա որոշման մեջ կատարել հետևյալ փոփոխությունները՝
1) 1-ին կետում «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին» բառերով.
2) 2-րդ կետում «Հայաստանի Հանրապետության կառավարությանն առընթեր պետական գույքի կառավարման վարչության պետին» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին» բառերով.
3) 3-րդ կետում «Հայաստանի Հանրապետության կառավարությանն առընթեր պետական գույքի կառավարման վարչությանը» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին» բառերով.
4) 1-ին կետում «Արշակունյաց 2ա հասցեում գտնվող շենքից 5 տարի» բառերը փոխարինել «Արշակունյաց 4 հասցեում գտնվող շենքից 10 տարի» բառերով.
5) ուժը կորցրած ճանաչել որոշման հավելվածի 2-րդ կետը։
2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ քառամսյա ժամկետում «Ուկրաինա» Հայաստանի ուկրաինացիների ֆեդերացիա» հասարակական կազմակերպության, «ՌյաԹազա» թերթի խմբագրություն» սահմանափակ պատասխանատվությամբ ընկերության և «Հայաստանի քրդական ազգային խորհուրդ» հասարակական կազմակերպության (այսուհետ՝ կազմակերպություններ) հետ կնքել համապատասխանաբար 2013 թվականի սեպտեմբերի 17-ին կնքված ոչ բնակելի տարածքի անհատույց օգտագործման N 141/0013, 2013 թվականի օգոստոսի 26-ին կնքված ոչ բնակելի տարածքի անհատույց օգտագործման N 130/0013, 2013 թվականի սեպտեմբերի
26-ին կնքված ոչ բնակելի տարածքի անհատույց օգտագործման N 145/0013 պայմանագրերում սույն որոշումից բխող փոփոխություններ կատարելու մասին համաձայնագրեր (այսուհետ՝ համաձայնագրեր)՝ դրանցում նախատեսելով, որ համաձայնագրերի նոտարական վավերացման և համաձայնագրերից ծագող գույքային իրավունքների պետական գրանցման ծախսերը ենթակա են իրականացման կազմակերպությունների միջոցների հաշվին:
