27 Հունվարի 2021, 101 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՕԳՈՍՏՈՍԻ 18-Ի N 1489-Ն ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ Մ Ա Ս Ի Ն
«Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության օրենքի 7-րդ հոդվածի 1-ին մասի «թ» կետին, «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներին համապատասխան` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2006 թվականի օգոստոսի 18-ի «Ճառագայթային անվտանգության կանոնները հաստատելու մասին» N 1489-Ն որոշման հավելվածի 14-րդ կետը «կազմակերպություններում:» բառից հետո լրացնել «Երկրորդ դասի ատամնաբուժական ախտորոշման գեներացնող ճառագայթման աղբյուրների հետ աշխատանքների իրականացման համար նախատեսված օբյեկտներ թույլատրվում է տեղադրել բնակելի շենքում, եթե ռադիոմետրիկ չափումների կամ ճառագայթային պաշտպանության հաշվարկների միջոցով հիմնավորվում է, որ գեներացնող ճառագայթման աղբյուրի առավելագույն ռեժիմով աշխատելու դեպքում աղբյուրի տեղադրման սենյակի հարակից սենքերում ճառագայթման դոզայի հզորությունը չի գերազանցում տվյալ սենքի բնական ֆոնը:» նախադասությամբ:
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
