21 Մայիսի 2020, 793 - Ա
«ԹՈՒՆԵԼ ՍԱԴ ԱՐԻԱՆԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԼԻՑԵՆԶԱՎՈՐՄԱՆ ԵՆԹԱԿԱ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Ղեկավարվելով «Լիցենզավորման մասին» Հայաստանի Հանրապետության օրենքի 7-րդ հոդվածի 6.1-ին մասի և 43-րդ հոդվածի 2-րդ մասի աղյուսակի 17-րդ բաժնի 3-րդ կետի պահանջներով՝ Հայաստանի Հանրապետության կառավարությունը ո ր ո շ ո ւ մ է.
Թույլատրել «Թունել Սադ Արիանա» փակ բաժնետիրական ընկերությանը (Իրանի Իսլամական Հանրապետություն) «Ոռոգման համակարգերի արդիականացման ծրագրի» շրջանակներում 2020 թվականի մարտի 31-ին շնորհված Լոտ 1՝ «Գողթի ջրանցքի, Քասախի ոռոգման համակարգի ձախ և աջ ճյուղերի, Դվինի ջրանցքի, Արտաշատի ջրանցքի N 49-ի բաժանարարի, Ոսկեվազի մայր ջրանցքի, Զեյթուն-Հաղթանակ պոմպակայանի 2-րդ աստիճանի ձախ ճյուղի ջրանցքի և Զեյթուն-Հաղթանակ պոմպակայանի 3-րդ աստիճանի ձախ ճյուղի ջրանցքի վերականգնում» No; ISMP/ICB/CW-17/001-1, Լոտ 2՝ «Մրգաշատի ջրանցքի վերջնամասի, Մարգարայի ջրանցքի, Ստորին Հրազդան ջրանցքի 2-րդ հերթի 5-րդ ճյուղի, Հացիկի 10-րդ բաժանարարի և Թալինի մայր ջրանցքի Ռ-4, Ռ-6, ՄՏ-3, ՄՏ-7 բաժանարարների վերականգնում» No; ISMP/ICB/CW-17/001-2 և Լոտ 3՝ «Սայաթ Նովա, Արբաթ և Շահ-արխ ջրանցքների, Արաքս-Ջրառատի պ/կ և Առատաշենի պ/կ հեռացնող ջրանցքների, Արեգի ջրանցքի վերականգնում» No; ISMP/ICB/CW-17/001-3 պայմանագրերի համաձայն իրականացնել «Լիցենզավորման մասին» Հայաստանի Հանրապետության օրենքի 43-րդ հոդվածի 2-րդ մասի աղյուսակի 17-րդ բաժնի 3-րդ կետով նախատեսված գործունեություն՝ շինարարության իրականացում (հիդրոտեխնիկական)։
