Հայաստանի Հանրապետության էլեկտրոնային կառավարում | e-gov

Ղեկավարվելով Հայաստանի Հանրապետության կառավարության 2017 թվականի մայիսի 4-ի N 526-Ն որոշմամբ հաստատված կարգի 3-րդ և 57-րդ կետերով և «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետով և 23-րդ հոդվածի 3-րդ մասով` Հայաստանի Հանրապետության կառավարությունը ո ր ո շ ու մ է.
1. Թույլատրել Հայաստանի Հանրապետության Սյունիքի մարզպետին «ԱՐԹ-ԿԱՐՇԻՆ» ՍՊԸ-ի հետ 2017 թվականի դեկտեմբերի 19-ին կնքված N ՍՄ-ԳՀԱՇՁԲ-17/1/1 և «Գևորգյան և Ներսիսյան» ՍՊԸ-ի հետ 2017 թվականի դեկտեմբերի 19-ին կնքված N ՍՄ-ԳՀԱՇՁԲ-17/1/2 ծածկագրերով պայմանագրերում կատարել փոփոխություններ` պայմանագրերի կատարման վերջնաժամկետները երկարաձգելով մինչև 2018 թվականի դեկտեմբերի 28-ը:
2. Որոշման 1-ին կետում նշված ընկերությունների հետ կնքված պայմանագրերով նախատեսված շինարարական ծրագիրն ավարտին հասցնելու նպատակով Հայաստանի Հանրապետության 2018 թվականի պետական բյուջեով նախատեսված՝ Հայաստանի Հանրապետության կառավարության պահուստային ֆոնդից 2018 թվականին Հայաստանի Հանրապետության Սյունիքի մարզպետարանին հատկացնել 973.2 հազար դրամ՝ համաձայն N 3 հավելվածի:
3. Սահմանել, որ սույն որոշման 1-ին կետում նշված ընկերությունների հետ կնքված պայմանագրերով նախատեսված շինարարական ծրագիրն ավարտին հասցնելու նպատակով Հայաստանի Հանրապետության Սյունիքի մարզպետարանին հատկացված 973.2 հազար դրամի ծախսման համար նոր մրցույթներ չեն անցկացվելու:
4. «Հայաստանի Հանրապետության 2018 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2017 թվականի դեկտեմբերի 28-ի «Հայաստանի Հանրապետության 2018 թվականի պետական բյուջեի կատարումն ապահովող միջոցառումների մասին» N 1717-Ն որոշման NN 5 և 11 հավելվածներում կատարել փոփոխություններ և լրացումներ՝ համաձայն NN 1 և 2 հավելվածների:
5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հավելված