Հայաստանի Հանրապետության էլեկտրոնային կառավարում | e-gov

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածներով՝ Հայաստանի Հանրապետության կառավարությունը ո ր ո շ ո ւ մ է.
1. Հայաստանի Հանրապետության կառավարության 2017 թվականի սեպտեմբերի 7-ի «Լսողական սարք և հաշմանդամի սայլակ ձեռք բերելու համար պետական հավաստագրեր տրամադրելու, դրանց գնային արժեքը որոշելու կարգը և պետական հավաստագրերի ձևերը հաստատելու, Հայաստանի Հանրապետության կառավարության 2015 թվականի սեպտեմբերի 10-ի N 1035-Ն որոշման մեջ փոփոխություններ ու լրացումներ կատարելու, 2013 թվականի հունվարի 10-ի N 20-Ն որոշումն ուժը կորցրած ճանաչելու և գնման ընթացակարգը չկայացած հայտարարելու թույլտվություն տալու մասին» N 1151-Ն որոշման մեջ կատարել հետևյալ փոփոխությունները և լրացումները՝
1) հաստատել որոշման՝
ա. N 5 հավելվածը՝ համաձայն N 1 հավելվածի,
բ. N 6 հավելվածը՝ համաձայն N 2 հավելվածի.
2) որոշման՝
ա. վերնագրում «Լսողական սարք և հաշմանդամի սայլակ» բառերը փոխարինել «Պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկակական միջոցներ» բառերով,
բ. 1-ին կետի 1-ին ենթակետում «լսողական սարք և հաշմանդամի սայլակ» բառերը փոխարինել «Պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկակական միջոցներ (այսուհետ՝ աջակցող միջոցներ)» բառերով,
գ. 1-ին կետի 3-րդ ենթակետում «հաշմանդամի սայլակը» բառերը փոխարինել «աջակցող միջոցները» բառերով.
դ. 2-րդ կետն ուժը կորցրած ճանաչել.
3) որոշման 1-ին կետի 2-րդ ենթակետում, N 1 hավելվածի 25-րդ կետում «հաշմանդամի սայլակի և լսողական սարքի», N 1 hավելվածի 2-րդ կետում «հաշմանդամի սայլակը և լսողական սարքը», 6-րդ կետում «հաշմանդամի սայլակ և լսողական սարք», 26-րդ կետում «հաշմանդամի սայլակ կամ լսողական սարք», 27-րդ կետում «հաշմանդամի սայլակի կամ լսողական սարքի» և N 4 հավելվածի 1-ին կետում «լսողական սարք և հաշմանդամի սայլակ» բառերը փոխարինել «աջակցող միջոցներ» բառերով՝ համապատասխան հոլովաձևերով.
4) որոշման N 1 hավելվածի վերնագրում «լսողական սարք և հաշմանդամի սայլակ» բառերը փոխարինել «Պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկակական միջոցներ» բառերով.
5) որոշման N 1 hավելվածի 1-ին կետում «լսողական սարք ու հաշմանդամի սայլակ» բառերը փոխարինել «Պրոթեզաօրթոպեդիկ և վերականգնողական պարագաներ, վերականգնմանն աջակցող այլ տեխնիկակական միջոցներ (այսուհետ՝ աջակցող միջոցներ)» բառերով.
6) որոշման N 1 hավելվածի՝
ա. 13-րդ կետում «հաշմանդամի սայլակի և լսողական սարքի» բառերը փոխարինել «աջակցող միջոցների և իրականացված վերանորոգման ծառայության» բառերով,
բ. 20-րդ կետում «լրացվում է «Հանգրվան» ՊՈԱԿ-ի կողմից» բառերը փոխարինել «վերբեռնվում է (կցվում է) տեղեկատվական համակարգին հավաստագիր տրամադրող մարմնի կողմից» բառերով,
գ. 29-րդ կետում «սայլակ կամ լսողական սարք» և 30-րդ կետում «սայլակի կամ լսողական սարքի» բառերը փոխարինել «աջակցող միջոցներ» բառերով՝ համապատասխան հոլովաձևերով,
դ. 32-րդ կետում «սայլակն», «սայլակը», «սայլակներն» բառերը փոխարինել «աջակցող միջոց» բառերով՝ համապատասխան հոլովաձևերով.
7) որոշման N 3 hավելվածի վերնագրում և ամբողջ հավելվածում «սայլակ» և «հաշմանդամի սայլակ» բառերի բոլոր հալովաձևերով բառերը փոխարինել «աջակցող միջոց» բառերով՝ համապատասխան հոլովաձևով.
8) որոշման N 1 հավելվածի 4-րդ և 5-րդ կետերը շարադրել հետևյալ խմբագրությամբ.
«4. Հավաստագրի տրամադրման գործընթացն իրականացվում է պետական լիազոր մարմնի ղեկավարի հրամանով սահմանված՝ սոցիալական ծառայություններ տրամադրող կազմակերպությունների (այսուհետ՝ հավաստագիր տրամադրող մարմին) կողմից: Ընդ որում, հավաստագիրը տրամադրվում է անձի դիմումի հիման վրա՝ լրացվելով և լրացված հավաստագրի էլեկտրոնային լուսապատճենը կամ դրա էլեկտրոնային տարբերակը «Պրոթեզաօրթպեդիկ և վերականգնողական պարագաների տրամադրման տեղեկատվական համակարգ» (այսուհետ՝ տեղեկատվական համակարգ) վերբեռնելու (կցելու) միջոցով:
5. Յուրաքանչյուր աջակցող միջոցի համար տրամադրվում է մեկ հավաստագիր: Եթե անձն իրավունք ունի ստանալու միևնույն պարագայից 2 հատ (հենակներ, աջ և ձախ վերջույթների օրթեզներ, աջ և ձախ վերջույթների, ակնագնդերի, կրծքագեղձերի պրոթեզներ, աջ և ձախ ականջի լսողական սարքեր կամ դրանց ներդիրներ և այլն), ապա տրամադրվում է 2 հավաստագիր՝ հավաստագրում կատարելով աջ և ձախ նշումը:».
9) որոշման N 1 հավելվածի 12-րդ կետը շարադրել հետևյալ խմբագրությամբ.
«12. Յուրաքանչյուր ամսվա ավարտից հետո մինչև հաջորդող ամսվա 10-ը, տրամադրված աջակցող միջոցների և (կամ) իրականացված վերանորոգման ծառայության դիմաց վճարում կատարելու նպատակով, կազմակերպությունը Հայաստանի Հանրապետության աշխատանքի և սոցիալական հարցերի նախարարություն է ներկայացնում հաշվետվություն, որում ներառված են տրամադրված աջակցող միջոցի և (կամ) վերանորոգման ծառայության անվանումը, քանակը, գինը, դրանք ստացողի անձանց անձնական տվյալները, հաշիվ-ապրանքագիրը և տրամադրման ժամկետները:».
10) որոշման N 1 հավելվածի 14-րդ կետը շարադրել հետևյալ խմբագրությամբ.
«14. Շահառուն կամ նրա ներկայացուցիչը հավաստագիր ձեռք բերելու նպատակով առձեռն կամ փոստային կապի միջոցով կամ առցանց (էլեկտրոնային) եղանակով գրավոր դիմում է ներկայացնում նախարարություն կամ հավաստագիր տրամադրող մարմին՝ ներկայացնելով նաև հետևյալ փաստաթղթերը (այսուհետ՝ փաստաթղթեր)`
1) հավաստագրի տրամադրում հայցող անձի՝ Հայաստանի Հանրապետության քաղաքացի հանդիսանալու դեպքում՝
ա. անձնագիրը կամ նույնականացման քարտը կամ ծննդյան վկայականը՝ մինչև 16 տարեկան երեխաների համար,
բ. նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը.
2) հավաստագրի տրամադրում հայցող անձի՝ Հայաստանի Հանրապետությունում բնակության իրավունք (կացության կարգավիճակ) ունեցող օտարերկրյա քաղաքացի կամ քաղաքացիություն չունեցող անձ հանդիսանալու դեպքում՝ Հայաստանի Հանրապետությունում բնակվելու իրավունքը հաստատող փաստաթուղթը (կացության քարտը), իսկ փախստականի կարգավիճակ ունենալու դեպքում՝ կոնվենցիոն ճամփորդական փաստաթուղթը.
3) հավաստագրի տրամադրում հայցողի՝ հաշմանդամություն ունեցող անձ հանդիսանալու դեպքում՝
ա. բժշկասոցիալական փորձաքննական որոշումը,
բ. ՎԱԾ-ը կամ տեղեկանք աջակցող միջոցների երաշխավորության վերաբերյալ՝ համաձայն N 5 հավելվածի՝ Հայաստանի Հանրապետության կառավարության 2015 թվականի սեպտեմբերի 10-ի N 1035-Ն որոշման N 1 հավելվածի 15-րդ կետով սահմանված դեպքերում, կամ Հայաստանի Հանրապետության օրենսդրությամբ սահմանված այլ փաստաթուղթ.
4) որոշման N 1 հավելվածի 12-րդ կետի 2-5-րդ և 7-րդ ենթակետերում նշված այլ անձինք՝ իրավասու մարմնի կողմից տրված համապատասխան կարգավիճակը հավաստող փաստաթուղթը.
5) որոշման N 1 հավելվածի 15-րդ կետով չսահմանված աջակցող միջոցներ ձեռք բերելու հավաստագիր տրամադրելու համար՝ համապատասխան պարագայի տրամադրման անհրաժեշտության վերաբերյալ բժշկական կազմակերպության (հաստատության) կողմից տրված մասնագիտական եզրակացությունը.
6) լսողական սարքերի հավաստագրի տրամադրման համար՝ անձի բնակության վայրի առաջնային բժշկական օգնությունը և սպասարկումն իրականացնող կամ մասնագիտացված բժշկական կազմակերպության (հաստատության) կողմից տրված տեղեկանք լսողական սարքի անհրաժեշտության վերաբերյալ` համաձայն N 6 հավելվածի, աուդիոգրամման (աուդիոմետրիայի տվյալները).
7) լսողական սարքերի ներդիրների համար՝ լսողական սարք կրելու մասին բժշկական կազմակերպության կողմից տրամադրված փաստաթղթի հիման վրա՝ տրամադրող կազմակերպության ներկայացուցչի ստորագրությամբ և կնիքով հաստատված.
8) հավաստագրերի ձեռքբերման վերաբերյալ դիմումն անձի ներկայացուցչի կողմից ներկայացնելիս՝ նաև ներկայացուցչի նույնականացման համար անհրաժեշտ փաստաթղթերը՝ սույն կարգի 14-րդ կետի 1-ին կամ 2-րդ ենթակետերին համապատասխան և շահառուի գրավոր լիազորությունը.
9) առձեռն դիմելու դեպքում՝ շահառուն կամ նրա ներկայացուցիչը հավաստագիր տրամադրող մարմնին է ներկայացնում փաստաթղթերի բնօրինակները, փոստային առաքման դեպքում՝ բոլոր փաստաթղթերի բնօրինակները, բացառությամբ սույն կարգի 14-րդ կետի 1-ին կամ 2-րդ ենթակետերով սահմանված փաստաթղթերի, իսկ առցանց (էլեկտրոնային) եղանակով փաստաթղթերը ներկայացնելու դեպքում՝ դրանց գունավոր լուսապատճենները:».
11) որոշման N 1 հավելվածը լրացնել հետևյալ բովանդակությամբ նոր՝ 14.1-ին ենթակետով.
«14.1. Առողջական վիճակով պայմանավորված շահառուն կարող է հեռախոսազանգի կամ փոստային առաքման միջոցով դիմում ներկայացնել ՍԾՏՄ՝ հավաստագիր ստանալու համար դիմումն իր բնակության վայրում լրացնելու նպատակով տունայց կազմակերպելու վերաբերյալ: Դիմումը կամ հեռախոսազանգն ստանալուց հետո եռօրյա ժամկետում կազմակերպվում է տնային այցելություն և համապատասխան դիմումի լրացման գործընթացը:».
12) որոշման N 1 հավելվածում՝
ա. 6-րդ կետի 3-րդ ենթակետը «հարմարեցնելու համար» բառերից հետո լրացնել «, իսկ պրոթեզների և օրթեզների պատրաստման և վերին և ստորին վերջույթների պրոթեզների ու օրթոպրոթեզների վերանորոգման համար առնվազն մեկ տարվա մասնագիտական փորձառություն ունեցող կամ մասնագիտական վերապատրաստում անցած մասնագետներ» բառերով,
բ. 7-րդ կետը «հայտարարությամբ» բառից հետո լրացնել «, իսկ պրոթեզների և օրթեզների պատրաստման դեպքում նաև համապատասխան մասնագետներ ունենալու վերաբերյալ փաստը հավաստող փաստաթղթերով» բառերով,
գ. 15-րդ կետը լրացնել հետևյալ նախադասությամբ.
«Հավաստագիր տրամադրող մարմինը, դիմումի և փաստաթղթերի հիման վրա, հավաստագիրը վերբեռնում (կցում) է տեղեկատվական համակարգին և փոստային առաքմամբ դրա մասին տեղեկացնում դիմողին երեք աշխատանքային օրվա ընթացքում, իսկ քաղաքացու ներկայանալու դեպքում՝ նույն օրը:»,
դ. 19-րդ կետը «տվյալները» բառից հետո լրացնել «, ինչպես նաև տեղեկատվություն յուրաքանչյուր հավաստագրի գնային արժեքի վերաբերյալ» բառերով,
ե. 28-րդ կետը «սայլակ» բառից հետո լրացնել « , լսողական սարք, վերին կամ ստորին պրոթեզ» բառերով,
զ. 29-րդ կետը «համար» բառից հետո լրացնել «, իսկ սեղմիրանների և աղեկապերի դեպքում նաև երկրորդ սեղմիրանը կամ աղեկապը՝ որպես փոխնորդ» բառերով.
13) որոշման N 1 հավելվածի 18-րդ, 21-րդ, 24-րդ և 31-րդ կետերն ուժը կորցրած ճանաչել.
14) որոշման N 1 հավելվածի 15-րդ, 16-րդ և 32-րդ կետերում, ինչպես նաև N N 3 և 4 հավելվածներում «Հանգրվան» ՊՈԱԿ» բառը փոխարինել «հավաստագիր տրամադրող մարմին» բառերով՝ համապատասխան հոլովաձևերով.
15) որոշման N 1 հավելվածը լրացնել հետևյալ բովանդակությամբ նոր՝ 33-րդ կետով.
«33. Վերադարձված վերին և ստորին վերջույթի պրոթեզները կարող են ենթարկվել վերամշակման պետական լիազոր մարմնի կողմից սահմանված դեպքերում և կարգով և տրամադրվել աշխատանքային հարաբերությունների մեջ գտնվող և պրոթեզն ակտիվ շահագործող հաշմանդամություն ունեցող անձանց՝ որպես փոխնորդ՝ բուժատեխնիկական հանձնաժողովի եզրակացության հիման վրա:».
16) որոշման N 2 հավելվածը շարադրել նոր խմբագրությամբ՝ համաձայն N 3 հավելվածի.
17) որոշման N 3 հավելվածի N N 3 և 4 ձևերը շարադրել նոր խմբագրությամբ՝ համաձայն N 4 հավելվածի:
2. Հայաստանի Հանրապետության կառավարության 2015 թվականի սեպտեմբերի 10-ի «Վերականգնողական օգնության տրամադրման կարգը և պայմանները սահմանելու և Հայաստանի Հանրապետության կառավարության 2006 թվականի սեպտեմբերի 22-ի N 1369-Ն և 2007 թվականի ապրիլի 12-ի N 453-Ն որոշումներն ուժը կորցրած ճանաչելու մասին» N 1035-Ն որոշման մեջ կատարել հետևյալ լրացումները և փոփոխությունները՝
1) որոշման N 1 հավելվածում՝
ա. 12-րդ կետը «հանգամանքից» բառից հետո լրացնել հետևյալ բովանդակությամբ նոր՝ 7-րդ ենթակետով.
«7) ծառայողական պարտականությունները կատարելիս անհայտ կորած, ինչպես նաև Հայաստանի Հանրապետության օրենսդրությամբ սահմանված կարգով անհայտ բացակայող կամ մահացած ճանաչված զինծառայողների ընտանիքների անդամներին»,
բ. 14-րդ կետը «համապատասխան» բառից հետո լրացնել «, բացառությամբ սույն հավելվածի 17-րդ կետով նախատեսված դեպքերի:» բառերով,
գ. 15-րդ կետից հանել «և քայլակները» և «16-րդ և» բառերը, իսկ «կետերով» բառը փոխարինել «կետով» բառով,
դ. 17-րդ կետը «դեպքերում» բառից հետո լրացնել «, ժամկետներում» բառով,
ե. 16-րդ, 18-րդ և 34-րդ կետերն ուժը կորցրած ճանաչել,
զ. 20-րդ և 21-րդ կետերը շարադրել հետևյալ խմբագրությամբ.
«20. Հաշմանդամություն չունեցող և պարագաների ժամանակավոր կարիք ունեցող անձանց պարագաներ կարող են տրամադրվել Հայաստանի Հանրապետության կառավարության 2017 թվականի սեպտեմբերի 7-ի N 1151-Ն որոշմամբ սահմանված դեպքերում և կարգով:
21. Հաշմանդամություն ունեցող անձանց օրթեզավորման և օրթեզի տեսակի նշանակման, առաջին անգամ վերին և (կամ) ստորին վերջույթների պրոթեզավորման և պրոթեզի տեսակի նշանակման, վերին և (կամ) ստորին վերջույթների կրկնակի անդամահատման դեպքում նոր պրոթեզ տրամադրելու, վերին և ստորին վերջույթի պրոթեզների տեսակի փոփոխության, երաշխիքային սպասարկման ժամկետից դուրս գտնվող աջակցող միջոցները սահմանված ժամկետից շուտ տրամադրելու, երաշխիքային ժամկետում գտնվող աջակցող միջոցների տրամադրման հետ կապված վիճահարույց դեպքերի աջակցող միջոցների վերանորոգման ծառայության և դրա տեսակի, սահմանված ժամկետից շուտ վերանորոգման ծառայություններ տրամադրելու, ինչպես նաև Հայաստանի Հանրապետության օրենսդրությամբ սահմանված այլ դեպքերի վերաբերյալ գրավոր եզրակացության տրամադրումն իրականացնում է սույն կարգի 43-րդ կետում նշված բուժատեխնիկական հանձնաժողովը (այսուհետ՝ բուժատեխնիկական հանձնաժողով):»,
է. 22-րդ կետում «12-18 տարեկան երեխաներին» բառերը փոխարինել «12-29 տարեկան (ներառյալ) անձանց» բառերով,
ը. 23-րդ կետում «Լսողական սարքեր և հաշմանդամի սայլակներ» բառերը փոխարինել «Աջակցող միջոցներ (բացառությամբ պրոթեզի և օրթեզի կոշիկների)» բառերով,
թ. 24-րդ կետը շարադրել հետևյալ խմբագրությամբ.
«24. Պետական հավաստագրի հիման վրա աջակցող միջոցներ, ինչպես նաև բուժատեխնիկական հանձնաժողովի եզրակացության հիման վրա վերին և ստորին վերջույթի պրոթեզների և օրթոպրոթեզների վերանորոգման ծառայությունները տրամադրվում են որակավորման ընթացակարգի արդյունքում ընտրված այն կազմակերպությունների կողմից, որոնք լիազորված մարմնի հետ կնքել են պետական հավաստագրի հիման վրա աջակցող միջոցներ կամ վերին և ստորին վերջույթի պրոթեզների և օրթոպրոթեզներ վերանորոգելու ծառայությունները տրամադրելու մասին համապատասխան պայմանագրեր:»,
ժ. 25-րդ կետի երկրորդ նախադասությունը հանել,
ժա. 28-րդ և 29-րդ կետերը շարադրել հետևյալ խմբագրությամբ.
«28. Օրթոպեդիկ կոշիկներ տրամադրվում են միայն հաշմանդամություն ունեցող և սոցիալապես անապահով անձանց: Յուրաքանչյուր տարի տրամադրվում է երկու զույգ օրթոպեդիկ կոշիկ՝ մեկ զույգն առանց տաքացված տակդիրների, իսկ մյուս զույգը՝ կիսաճիտք կամ երկարաճիտք: Օրթոպեդիկ կոշիկներ ստանալու իրավունք ունեցող անձանց, իրենց ցանկությամբ, տարեկան կարող է տրամադրվել միայն առանց տաքացվող տակդիրների, կամ միայն երկու զույգ կիսաճիտք կամ երկարաճիտք օրթոպեդիկ կոշիկ: Օրթոպեդիկ կոշիկներն անձին կարող են տրամադրվել երկու զույգը միաժամանակ: Մեկ ոտնաթաթի անդամահատման դեպքում անձին տրամադրվում է նաև մեկ ոտնաման (բաշմակ), իսկ երկու ոտնաթաթի անդամահատման դեպքում՝ 2 ոտնաման (բաշմակ):
29. Ստորին վերջույթը պրոթեզավորված կամ օրթեզավորված անձանց յուրաքանչյուր տարի տրամադրվում է երկու զույգ պրոթեզի կամ օրթեզի կոշիկներ, մեկ զույգն առանց տաքացված տակդիրների, իսկ մյուս զույգը՝ կիսաճիտք կամ երկարաճիտք: Պրոթեզի և օրթեզի կոշիկներն անձին կարող են տրամադրվել երկու զույգը միաժամանակ: Պրոթեզի կամ օրթեզի կոշիկ ստանալու համար շահառուն կամ նրա օրինական ներկայացուցիչը դիմում է սույն հավելվածի 24-րդ կետով սահմանված որակավորված կազմակերպություն ներկայացնելով անձնագիրը կամ նույնականացման քարտը կամ ծննդյան վկայականը՝ մինչև 16 տարեկան երեխաների համար, իսկ նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը:»,
ժբ. 31-րդ կետում «անհրաժեշտության» բառը փոխարինել «նրա դիմելու» բառերով,
ժգ. 35-րդ կետը շարադրել հետևյալ խմբագրությամբ.
«35. Տրամադրված վերին և ստորին վերջույթների պրոթեզների և օրթոպրոթեզների վերանորոգումն իրականացվում է բուժատեխնիկական հանձնաժողովի եզրակացության հիման վրա: Բուժատեխնիկական հանձնաժողովը գրավոր եզրակացություն է տրամադրում պարագաների վերանորոգման ծառայության և դրա տեսակի, պարագաները սահմանված ժամկետից շուտ վերանորոգման ծառայություններ տրամադրելու և դրա տեսակի վերաբերյալ այդ մասին դիմում ստանալուց հետո 10-օրյա ժամկետում, իսկ նեղ մասնագետներ կամ լրացուցիչ փորձագետներ ընդգրկելու անհրաժեշտության կամ շահառուի գտնվելու վայրի այցելության դեպքում՝ առավելագույնը 24 աշխատանքային օրվա ընթացքում: Վերանորոգման ծառայություն ստանալու համար շահառուն կամ նրա օրինական ներկայացուցիչը բուժատեխնիկական հանձնաժողով է ներկայացնում՝
1) շահառուի անձնագիրը կամ նույնականացման քարտը կամ ծննդյան վկայականը՝ մինչև 16 տարեկան երեխաների համար.
2) նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը.
3) շահառուի բժշկասոցիալական փորձաքննական որոշումը.
4) վերանորոգման կարիք ունեցող պարագան.
5) ներկայացուցչի դիմելու դեպքում՝ նաև նրա անձնագիրը կամ նույնականացման քարտը, իսկ նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը:»,
ժդ. 36-րդ կետը շարադրել հետևյալ խմբագրությամբ.
«36. Պարագաների տրամադրման համար անձն անձամբ կամ ներկայացուցչի միջոցով գրավոր դիմում է կազմակերպություն՝ դիմումին կից ներկայացնելով հետևյալ փաստաթղթերը՝
1) պարագայի տրամադրում հայցող անձի՝ Հայաստանի Հանրապետության քաղաքացի հանդիսանալու դեպքում՝
ա. անձնագիրը կամ նույնականացման քարտը կամ ծննդյան վկայականը՝ մինչև 16 տարեկան երեխաների համար,
բ. նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը.
2) պարագայի տրամադրում հայցող անձի՝ Հայաստանի Հանրապետությունում բնակության իրավունք (կացության կարգավիճակ) ունեցող օտարերկրյա քաղաքացի կամ քաղաքացիություն չունեցող անձ հանդիսանալու դեպքում՝ Հայաստանի Հանրապետությունում բնակվելու իրավունքը հաստատող փաստաթուղթը (կացության քարտը), իսկ փախստականի կարգավիճակ ունենալու դեպքում՝ կոնվենցիոն ճամփորդական փաստաթուղթը.
3) լսողական սարքերի տրամադրման համար՝ տեղեկանք լսողական սարքի անհրաժեշտության վերաբերյալ՝ համաձայն Հայաստանի Հանրապետության կառավարության 2017 թվականի սեպտեմբերի 10-ի N 1151-Ն որոշման N 6 հավելվածի և աուդիոգրամման (աուդիոմետրիայի տվյալները).
4) ներկայացուցչի դիմելու դեպքում՝ նաև նրա անձնագիրը կամ նույնականացման քարտը, իսկ նույնականացման քարտ չունենալու դեպքում՝ բնակչության պետական ռեգիստր վարող մարմնի կողմից տեղեկանքի տեսքով հատկացված հանրային ծառայությունների համարանիշը կամ հանրային ծառայությունների համարանիշ չստանալու վերաբերյալ տեղեկանքը, իսկ դրանց բացակայության դեպքում՝ սոցիալական քարտը կամ Հայաստանի Հանրապետության օրենսդրությամբ սահմանված կարգով տրամադրված՝ սոցիալական քարտ չունենալու մասին տեղեկանքը:»,
ժե. 37-րդ կետը «2-րդ» բառից հետո լրացնել « կամ 3-րդ» բառով,
ժզ. 39-րդ կետը «տեղեկությունը» բառից հետո լրացնել հետևյալ բովանդակությամբ նոր՝ 5-րդ ենթակետով.
«5) դիմումը ներկայացնելու օրը, ամիսը, տարեթիվը՝ բացառությամբ պետական հավաստագրերի հիման վրա տրամադրվող պարագաների:»,
ժէ. 44-րդ կետի 1-ին և 4-րդ ենթակետերից հանել «կառուցվածքային և» բառերը, իսկ 3-րդ ենթակետը շարադրել հետևյալ խմբագրությամբ.
«3) գրավոր եզրակացություն է տալիս՝
ա. օրթեզավորման և օրթեզի տեսակի նշանակման վերաբերյալ,
բ. առաջին անգամ վերին և (կամ) ստորին վերջույթների պրոթեզավորման և պրոթեզի տեսակի նշանակման վերաբերյալ,
գ. վերին և (կամ) ստորին վերջույթների կրկնակի անդամահատման դեպքում նոր պրոթեզ տրամադրելու վերաբերյալ,
դ. վերին և ստորին վերջույթի պրոթեզների տեսակի փոփոխության վերաբերյալ,
ե. երաշխիքային սպասարկման ժամկետից դուրս գտնվող աջակցող միջոցները սահմանված ժամկետից շուտ տրամադրելու վերաբերյալ,
զ. երաշխիքային ժամկետում գտնվող աջակցող միջոցների տրամադրման հետ կապված վիճահարույց դեպքերի վերաբերյալ,
է. վերանորոգման ծառայության և դրա տեսակի վերաբերյալ,
ը. սահմանված ժամկետից շուտ վերանորոգման ծառայություններ տրամադրելու վերաբերյալ,
թ. Հայաստանի Հանրապետության օրենսդրությամբ սահմանված այլ դեպքերի վերաբերյալ:»,
ժը. 45-րդ կետը լրացնել հետևյալ բովանդակությամբ նոր՝ 3-րդ ենթակետով.
«3) իրավասու մարմնի կողմից տրված համապատասխան կարգավիճակը հավաստող փաստաթուղթը:»,
ժթ. 47-րդ կետը «ընթացքում» բառից հետո լրացնել «,իսկ նեղ մասնագետներ կամ լրացուցիչ փորձագետներ ընդգրկելու անհրաժեշտության կամ շահառուի գտնվելու վայրի այցելության դեպքում՝ առավելագույնը 24 աշխատանքային օրվա ընթացքում» բառերով.
2) որոշման N 2 հավելվածը շարադրել նոր խմբագրությամբ՝ համաձայն N 5 հավելվածի:
3. Սույն որոշումն ուժի մեջ է մտնում 2019 թվականի հունվարի 1-ից:
Հավելված