6 Դեկտեմբերի 2018, 1386 - Ա
«ՊԱՏՄԱՄՇԱԿՈՒԹԱՅԻՆ ԺԱՌԱՆԳՈՒԹՅԱՆ ԳԻՏԱՀԵՏԱԶՈՏԱԿԱՆ ԿԵՆՏՐՈՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆՆ ԱՄՐԱՑՎԱԾ՝ ԵՐԵՎԱՆ ՔԱՂԱՔԻ ԹԱԻՐՈՎԻ ՓՈՂՈՑԻ N 9 ՀԱՍՑԵՈՒՄ ԳՏՆՎՈՂ ՇԵՆՔԻ ՄԱՍՆԱԿԻ ՎԵՐԱՆՈՐՈԳՄԱՆ ԱՇԽԱՏԱՆՔՆԵՐ ԻՐԱԿԱՆԱՑՆԵԼՈՒ ՄԱՍԻՆ
Ղեկավարվելով Կառավարության կառուցվածքի և գործունեության մասին Հայաստանի Հանրապետության օրենքի 11-րդ հոդվածի դրույթներով և հիմք ընդունելով Հայաստանի Հանրապետության նախագահի 2018 թվականի սեպտեմբերի 7-ի N 407-Ն հրամանագիրը՝ Հայաստանի Հանրապետության կառավարությունը ո ր ո շ ու մ է.
1. Առաջարկել Հայաստանի տարածքային զարգացման հիմնադրամին հիմնադրամի առևտրային բանկում պահվող միջոցների վրաեկ բանկային տոկոսներից գոյացած միջոցների հաշվին որը չի կարող գերազանցել 42172800 դրամը իրականացնել «Պատմամշակութային ժառանգության գիտահետազոտական կենտրոն» պետական ոչ առևտրային կազմակերպությանն ամրացված՝ Երևան քաղաքի Թաիրովի փողոցի N 9 հասցեում գտնվող շենքի մասնակի վերանորոգման աշխատանքները՝ համաձայն Հայաստանի Հանրապետության մշակույթի նախարարության ներկայացրած նախագծանախահաշվային փաստաթղթերի:
2. «Պատմամշակութային ժառանգության գիտահետազոտական կենտրոն» պետական ոչ առևտրային կազմակերպությանն ամրացված՝ Երևան քաղաքի Թաիրովի փողոցի N 9 հասցեում գտնվող շենքի մասնակի վերանորոգման աշխատանքների ավարտից հետո վերանորոգմանը վերաբերող փաստաթղթերը տրամադրել Հայաստանի Հանրապետության տնտեսական զարգացման և ներդրումների նախարարության պետական գույքի կառավարման կոմիտեին։
