29 Մարտի 2018, 322 - Ա
ՇԱՀԱԳՈՐԾՄԱՆ ՀԱՄԱՐ ՈՉ ՊԻՏԱՆԻ ԱՆՇԱՐԺ ԳՈՒՅՔԸ ՔԱՆԴԵԼՈՒ Մ Ա Ս Ի Ն
Համաձայն «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի, «Քաղաքաշինության մասին» Հայաստանի Հանրապետության օրենքի 24-րդ հոդվածի և Հայաստանի Հանրապետության կառավարության 2015 թվականի մարտի 19-ի N 596-Ն որոշման՝ Հայաստանի Հանրապետության կառավարությունը ո ր ո շ ու մ է.
1. Թույլատրել Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության «Հեռահաղորդակցության հանրապետական կենտրոն» պետական ոչ առևտրային կազմակերպությանը (այսուհետ՝ կազմակերպություն) իր միջոցների հաշվին Հայաստանի Հանրապետության օրենսդրությամբ սահմանված կարգով կազմակերպել Հայաստանի Հանրապետության սեփականությունը հանդիսացող՝ «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկի տնօրինությանը հանձնված՝ քաղ. Երևան, Նուբարաշեն 3-րդ փողոցի N 23 հասցեում գտնվող, հետագա շահագործման համար ոչ պիտանի (վթարային), 87.9 քառ. մետր մակերեսով N 2 վարչական մասնաշենքի (վկայական N 2595445, տրված` 20.04.09 թ.) քանդման (ապամոնտաժման) աշխատանքների կատարման գործընթացը:
2. Հայաստանի Հանրապետության կառավարությանն առընթեր պետական գույքի կառավարման վարչության պետին՝ սույն որոշման 1-ին կետով նախատեսված անշարժ գույքի քանդման (ապամոնտաժման) աշխատանքների ավարտից հետո կազմակերպությանն անհրաժեշտ գույքը (շինանյութ) սեփականության իրավունքով հանձնել «Հեռահաղորդակցության հանրապետական կենտրոն» պետական ոչ առևտրային կազմակերպությանը՝ համապատասխան հանձնման-ընդունման ակտով:
3. «Հեռահաղորդակցության հանրապետական կենտրոն» պետական ոչ առևտրային կազմակերպությանը՝ աշխատանքների ավարտից հետո շինարարական փաստաթղթերի բնօրինակները տրամադրել Հայաստանի Հանրապետության կառավարությանն առընթեր պետական գույքի կառավարման վարչությանը:
