8 Փետրվարի 2018, 113 - Ա
ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը ո ր ո շ ո ւ մ է.
1. Հայաստանի Հանրապետության սեփականությունը հանդիսացող, քանդակագործ Ռուբեն Նալբանդյանի հեղինակած, 1.617.000 դրամ արժողությամբ «Սուրբ երրորդություն» խաչքարը (խաչքար` նյութը կարմիր տուֆ, չափսը՝ 217x75x3, խաչքարի պատվանդան՝ նյութը կարմիր տուֆ, չափսը՝ 84x37x29, պատվանդանի տակդիր՝ նյութը բազալտ, չափսը՝ 78x33x18) նվիրաբերել Հայ Առաքելական եկեղեցու Ռուսաստանի և Նոր Նախիջևանի հայոց թեմին՝ Մոսկվայի հայկական եկեղեցական համալիրի տարածքում տեղադրելու և ցուցադրելու նպատակով:
2. Հայաստանի Հանրապետության մշակույթի նախարարին՝ սույն որոշումն ուժի մեջ մտնելուց հետո երկամսյա ժամկետում Հայ Առաքելական եկեղեցու Ռուսաստանի և Նոր Նախիջևանի հայոց թեմի հետ կնքել սույն որոշման 1-ին կետում նշված խաչքարի նվիրաբերության պայմանագիր:
