Հայաստանի Հանրապետության էլեկտրոնային կառավարում | e-gov

Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածը, Հայաստանի Հանրապետության կառավարության 2003 թվականի մարտի 13-ի N 314-Ն որոշման 1-ին կետի «ա» ենթակետով հաստատված կարգի 6-րդ կետը` Հայաստանի Հանրապետության կառավարությունը ո ր ո շ ո ւ մ է.
1. «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսություն պետական կոմիտեի աշխատակազմ» պետական կառավարչական հիմնարկին ամրացնել Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության առաջին ատյանի դատարանի վճռով տիրազուրկ և Հայաստանի Հանրապետության սեփականությունը ճանաչված Երևան քաղաքի Արաբկիր վարչական շրջանի տարածքում գտնվող Քանաքեռ ՀԷԿ-ի օրական կարգավորման ջրամբարից դեպի «Ռուսալ-Արմենա» փակ բաժնետիրական ընկերության տարածք գնացող 836 գծամետր ընդհանուր երկարությամբ ջրագիծը (այսուհետ՝ գույք)՝ 14700000 դրամ շուկայական արժեքով:
2. Գույքը Հայաստանի Հանրապետության օրենսդրությամբ սահմանված կարգով անհատույց օգտագործման իրավունքով հանձնել «Կոտայք» ջրօգտագործողների ընկերությանը:
3. Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի նախագահին`
1) մեկամսյա ժամկետում «Կոտայք» ջրօգտագործողների ընկերության հետ համատեղ կազմակերպել սույն որոշման 1-ին կետում նշված գույքի հանձնման-ընդունման աշխատանքները.
2) երկամսյա ժամկետում Հայաստանի Հանրապետության օրենսդրությամբ սահմանված կարգով ապահովել նշված գույքն անհատույց օգտագործման իրավունքով «Կոտայք» ջրօգտագործողների ընկերությանը հանձնելու վերաբերյալ համապատասխան պայմանագրի կնքումը` սահմանելով, որ պայմանագրի նոտարական վավերացման և դրանից ծագող գույքային իրավունքների պետական գրանցման ծախսերը ենթակա են իրականացման «Կոտայք» ջրօգտագործողների ընկերության միջոցների հաշվին: