Հայաստանի Հանրապետության էլեկտրոնային կառավարում | e-gov

Ղեկավարվելով Հայաստանի Հանրապետության քաղաքացիական օրենսգրքի 163-րդ հոդվածի, «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի և 11-րդ հոդվածի 1-ին մասի «գ» կետի, «Ավելացված արժեքի հարկի մասին» Հայաստանի Հանրապետության օրենքի 7-րդ հոդվածի 2-րդ մասի պահանջներով, հիմք ընդունելով 2005 թվականի դեկտեմբերի 14-ին կնքված Երևանի «Ջրմուղ-կոյուղի» փակ բաժնետիրական ընկերության սպասարկման տարածքի ջրային համակարգերի վարձակալության մասին պայմանագրի 4-րդ ու 5-րդ հոդվածների դրույթները և 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալական պայմանագրի 4-րդ հոդվածի դրույթները, ինչպես նաև «Երևանի ջրամատակարարման բարելավում» ծրագրի 2013 թվականի հուլիսի 19-ին Հայաստանի Հանրապետության կառավարության ու Վերակառուցման և զարգացման եվրոպական բանկի կողմից կնքված N 43253 վարկային համաձայնագրի, 2014 թվականի հունիսի 24-ին Հայաստանի Հանրապետության կառավարության և Եվրոպական ներդրումային բանկի կողմից կնքված N 82036 ֆինանսական համաձայնագրի և Հայաստանի Հանրապետության կառավարության ու Եվրոպական միության (ի դեմս Եվրոպական հանձնաժողովի) 2014 թվականի օգոստոսի 6-ին կնքված ֆինանսական համաձայնագրի շրջանակներում «Երևան Ջուր» փակ բաժնետիրական ընկերության միջոցով Հայաստանի Հանրապետության կառավարության 2015 թվականի մայիսի 7-ի N 477-Ն որոշմամբ պատվիրակված պատվիրատուի գործառույթների համաձայն իրականացված աշխատանքների և մատուցված ծառայությունների՝ «Բակային պոմպերի նախագծում, մատակարարում և տեղադրում» ծրագրով կառուցված ու ավարտված՝ պետական սեփականություն հանդիսացող գույքի (ակտիվների) հանձնման և դրանց հետագա տնօրինման ու հաշվառման նպատակով Հայաստանի Հանրապետության կառավարությունը ո ր ո շ ու մ է.
1. «Երևանի ջրամատակարարման բարելավում» ծրագրի շրջանակներում «Երևան Ջուր» փակ բաժնետիրական ընկերության միջոցով Հայաստանի Հանրապետության կառավարության 2015 թվականի մայիսի 7-ի N 477-Ն որոշման համաձայն հաշվառված վարկային ու դրամաշնորհային, ինչպես նաև Հայաստանի Հանրապետության կառավարության համաֆինանսավորման միջոցներով 2015 թվականի սեպտեմբերի 18-ից մինչև 2016 թվականի հուլիսի 1-ը ներառյալ իրականացված շինարարական աշխատանքների և մատուցված ծառայությունների արդյունքում ձևավորված ակտիվները` 481,399,040.29 դրամ արժողությամբ գույքը, սահմանված կարգով ամրացնել «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին` համաձայն հավելվածի:
2. Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի նախագահին՝ սույն որոշման 1-ին կետում նշված գույքը (ակտիվները) «Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին ամրացնելուց հետո քսանօրյա ժամկետում հանձնել վարձակալության «Վեոլիա Ջուր» փակ բաժնետիրական ընկերությանը՝ 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալական պայմանագրի շրջանակներում:
3. Ընդունել ի գիտություն, որ անհրաժեշտության դեպքում` սույն որոշումից բխող գույքային իրավունքների պետական գրանցման ծախսերը կատարվելու են «Երևան Ջուր» փակ բաժնետիրական ընկերության միջոցների հաշվին:

Հավելված