Հայաստանի Հանրապետության էլեկտրոնային կառավարում | e-gov

Ղեկավարվելով «Խաղաղ նպատակներով ատոմային էներգիայի անվտանգ օգտագործման մասին» ու «Արտակարգ իրավիճակներում բնակչության պաշտպանության մասին» Հայաստանի Հանրապետության օրենքներով և հիմք ընդունելով Հայաստանի Հանրապետության կառավարության 2004 թվականի դեկտեմբերի 30-ի «Հայաստանի Հանրապետությունում միջուկային և ճառագայթային վթարային հակազդման պատասխանատվության մասին» N 1953-Ն որոշումը` Հայաստանի Հանրապետության կառավարությունը ո ր ո շ ու մ է.

1. Հաստատել`

ա) Հայկական ատոմային էլեկտրակայանի միջուկային և (կամ) ճառագայթային վթարների դեպքում բնակչության պաշտպանության ազգային պլանը (Հայկական ատոմային էլեկտրակայանի արտաքին վթարային պլան)` համաձայն N 1 հավելվածի,

բ) Հայկական ատոմային էլեկտրակայանի վթարի դեպքում բնակչության պաշտպանության միջոցառումների քարտեզը` համաձայն N 2 հավելվածի,

գ) Հայկական ատոմային էլեկտրակայանի վթարի դեպքում կապի կազմակերպման սխեման` համաձայն N 3 հավելվածի,

դ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիների բնակչության նյութատեխնիկական ապահովման միջոցների հաշվարկը` ըստ բնակավայրերի` համաձայն N 4 հավելվածի,

ե) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիների բնակչության տարահանման տրանսպորտային միջոցների և վառելիքաքսուքային նյութերի հաշվարկը` ըստ բնակավայրերի` համաձայն N 5 հավելվածի,

զ) Հայկական ատոմային էլեկտրակայանում տեղի ունեցած ճառագայթային վթարի մասին դասակարգված տեղեկատվություն ստանալու համար օգտագործվող ծածկագրերը` համաձայն N 6 հավելվածի, 

է) Հայկական ատոմային էլեկտրակայանի վթարի դեպքում ազդարարման կազմակերպման սխեման` համաձայն N 7 հավելվածի,

ը) Հայկական ատոմային էլեկտրակայանի վթարի դեպքում նախնական ազդարարման փաստաթղթի ձևը` համաձայն N 8 հավելվածի,

թ) Հայկական ատոմային էլեկտրակայանի վթարի դեպքում հետագա հաղորդագրությունների փաստաթղթի ձևը` համաձայն N 9 հավելվածի,

ժ) բնակչության պաշտպանության պլանավորման համակարգի կառուցվածքային սխեման` համաձայն N 10 հավելվածի,

ժա) Հայկական ատոմային էլեկտրակայանի վթարի դեպքում բնակչության տարահանման միջոցառումների կառավարման սխեման` համաձայն N 11 հավելվածի,

ժբ) Հայկական ատոմային էլեկտրակայանի ընդհանուր վթարի դեպքում շտապ պաշտպանական միջոցառումների իրականացման մասին որոշումների ընդունման չափանիշները` համաձայն N 12 հավելվածի,

ժգ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիների բնակչության վահանաձև գեղձի արգելափակման մասին հաշվարկը` համաձայն N 13 հավելվածի,

ժդ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիներում բնակչությանն անհատական պաշտպանության միջոցներով ապահովման մասին հաշվարկը` համաձայն N 14 հավելվածի,

ժե) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիներում բնակչության պատսպարման մասին հաշվարկը` համաձայն N 15 հավելվածի,

ժզ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիների բնակչության տարահանման մասին հաշվարկը` համաձայն N 16 հավելվածի,

ժէ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիներից բնակչության տարահանման միջանկյալ կետերի հաշվարկը` համաձայն N 17 հավելվածի,

ժը) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիներում հակահրդեհային ուժերի ու միջոցների հաշվարկը` համաձայն N 18 հավելվածի,

ժթ) նախահարձակ պաշտպանական միջոցառումների իրականացման և շտապ պաշտպանական միջոցառումների պլանավորման գոտիներում ոստիկանության ու բժշկական հակազդման ուժերի և միջոցների հաշվարկը` համաձայն N 19 հավելվածի:

2. Հայաստանի Հանրապետության տարածքային կառավարման նախարարին` անհրաժեշտության դեպքում` Հայաստանի Հանրապետության օրենսդրությամբ սահմանված կարգով Հայաստանի Հանրապետության կառավարություն ներկայացնել սույն որոշման համապատասխան հավելվածներում փոփոխություններ և լրացումներ կատարելու մասին Հայաստանի Հանրապետության կառավարության որոշման նախագիծ:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: