Հայաստանի Հանրապետության էլեկտրոնային կառավարում | e-gov

Ղեկավարվելով 2014 թվականի մայիսի 29-ի «Եվրասիական տնտեսական միության մասին» պայմանագրի 25-րդ հոդվածի և «Հայաստանի Հանրապետության՝ «Եվրասիական տնտեսական միության մասին» 2014 թվականի մայիսի 29-ի պայմանագրին միանալու մասին» պայմանագրի 2-րդ հոդվածի դրույթներով՝ Հայաստանի Հանրապետության կառավարությունը ո ր ո շ ու մ է.
1. Հաստատել՝
1) թանկարժեք քարերի՝ Հայաստանի Հանրապետության տարածքից երրորդ երկրներ արտահանման և Հայաստանի Հանրապետության տարածք երրորդ երկրներից ներմուծման ժամանակ պետական վերահսկողության ակտ տրամադրելու կարգը` համաձայն N 1 հավելվածի.
2) թանկարժեք քարերի՝ Հայաստանի Հանրապետության տարածքից երրորդ երկրներ արտահանման և Հայաստանի Հանրապետության տարածք երրորդ երկրներից ներմուծման պետական վերահսկողության ակտի ձևը` համաձայն N 2 հավելվածի.
3) թանկարժեք մետաղների` Հայաստանի Հանրապետության տարածքից երրորդ երկրներ արտահանման և Հայաստանի Հանրապետության տարածք երրորդ երկրներից ներմուծման ժամանակ պետական վերահսկողության ակտ տրամադրելու կարգը` համաձայն N 3 հավելվածի.
4) Հայաստանի Հանրապետության տարածքից արտահանվող թանկարժեք մետաղներ և թանկարժեք քարեր պարունակող ապրանքների պետական վերահսկողության և արժեքի գնահատման ակտի ձևը` համաձայն N 4 հավելվածի.
5) Հայաստանի Հանրապետության տարածք ներմուծվող թանկարժեք մետաղներ և թանկարժեք քարեր պարունակող ապրանքների պետական վերահսկողության և արժեքի գնահատման ակտի ձևը` համաձայն N 5 հավելվածի.
6) Հայաստանի Հանրապետության տարածքից արտահանվող թանկարժեք մետաղների պետական վերահսկողության և արժեքի գնահատման ակտի ձևը` համաձայն N 6 հավելվածի.
7) այն թանկարժեք մետաղների և թանկարժեք քարերի, չմշակված մետաղների, թանկարժեք մետաղների ջարդոնի և թափոնների, թանկարժեք մետաղներից հանքաքարերի և խտանյութերի և թանկարժեք մետաղներ պարունակող հումքային ապրանքների ցանկը, որոնք Հայաստանի Հանրապետության մաքսային սահմանով տեղափոխելիս ունեն սահմանափակումներ` համաձայն N 7 հավելվածի.
8) վերամշակման նպատակով Հայաստանի Հանրապետության տարածքից երրորդ երկրներ արտահանման և Հայաստանի Հանրապետության տարածք երրորդ երկրներից ներմուծման ժամանակ թանկարժեք մետաղների, թանկարժեք քարերի և թանկարժեք մետաղներ պարունակող հումքային ապրանքների վերամշակման ելքի նորմերը որոշելու կարգը` համաձայն N 8 հավելվածի.
9) մաքսային նպատակներով բնական ալմաստների և ադամանդների վերամշակման արտադրանքի ելքի նորմերի որոշման կարգը` համաձայն N 9 հավելվածի:
2. Սահմանել, որ սույն որոշման 1-ին կետի 2-րդ, 4-րդ, 5-րդ և 6-րդ ենթակետերով սահմանված ակտերը տրամադրելու մասով լիազոր մարմին է ճանաչվում Հայաստանի Հանրապետության էկոնոմիկայի նախարարությունը (այսուհետ` լիազոր մարմին):
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
Հավելված