22 Հոկտեմբերի 2015, 1228 - Ա
ԳՈՒՅՔ ՄԱՍՆԱՎՈՐԵՑՆԵԼՈՒ ՄԱՍԻՆ
Հիմք ընդունելով «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 14-րդ հոդվածի 2-րդ մասը և 18-րդ հոդվածը` Հայաստանի Հանրապետության կառավարությունը ո ր ո շ ու մ է.
1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` Հայաստանի Հանրապետության Շիրակի մարզի Արթիկ քաղաքի Անկախության 4/3 հասցեում գտնվող՝ 366.38 քառ. մետր մակերեսով անշարժ գույքը (բաղնիքի շենքը) (այսուհետ՝ գույք) ուղղակի վաճառքի ձևով մասնավորեցնել Մարիետա Վիլհեմի Աբրահամյանին (այսուհետ՝ գնորդ) (բնակության վայրը՝ Հայաստանի Հանրապետություն, քաղ. Արթիկ, Տոնականյան 34, բն. 4, անձնագիր` AM0480369, տրված՝ 028-ի կողմից):
2. Սահմանել`
1) գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2015 թվականի հունիսի 10-ին գնահատված արժեքը` 902800 դրամ.
2) ուղղակի վաճառքի ձևով մասնավորեցման ենթակա գույքի վաճառքի գինը` 902800 դրամ.
3) որ գնորդին է մասնավորեցվում նաև գույքին հատկացված 520 քառ. մետր մակերեսով հողամասը` 421200 դրամ կադաստրային արժեքով:
3. Հայաստանի Հանրապետության կառավարությանն առընթեր պետական գույքի կառավարման վարչության պետին` գույքի վաճառքի գումարի, գույքին հատկացված հողամասի կադաստրային արժեքի, ինչպես նաև գույքի արժեքի որոշման համար նախատեսված 123931 դրամ գումարի (ներառյալ ավելացված արժեքի հարկը) վճարումից հետո մեկամսյա ժամկետում գնորդի հետ կնքել մասնավորեցման մասին պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել գույքային իրավունքների պետական գրանցման հետ կապված վճարներն ու տուրքերը` Հայաստանի Հանրապետության օրենսդրությամբ սահմանված կարգով:
4. Սահմանել, որ գնորդը վճարումները կատարում է սույն որոշումն ուժի մեջ մտնելուց հետո եռամսյա ժամկետում, Հայաստանի Հանրապետության արժույթով` գույքի վաճառքի գումարի 70 տոկոսն ուղղելով Հայաստանի Հանրապետության պետական բյուջե, 30 տոկոսը` համապատասխան համայնքի ֆոնդային բյուջե` ըստ գույքի գտնվելու վայրի, իսկ հողամասի կադաստրային արժեքը սույն որոշումն ուժի մեջ մտնելուց հետո մեկամսյա ժամկետում վճարում է համայնքի բյուջե:
