Հայաստանի Հանրապետության էլեկտրոնային կառավարում | e-gov

Համաձայն «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետի՝ Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2014 թվական դեկտեմբերի 18-ի «Հայաստանի Հանրապետության 2015 թվականի պետական բյուջեի կատարումն ապահովող միջոցառումների մասին» N 1515-Ն որոշման N 11 հավելվածի NN 11.32 ու 12 աղյուսակներում և N 12 հավելվածում կատարել փոփոխություններ՝ համաձայն NN 1, 2 և 3 հավելվածների:
2. Հայաստանի Հանրապետության 2015 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից 2015 թվականին Հայաստանի Հանրապետության գյուղատնտեսության նախարարության ջրային տնտեսության պետական կոմիտեին Արզնի-Շամիրամ ջրանցքում վթարի հետևանքների վերացման աշխատանքներն իրականացնելու նպատակով հատկացնել 30500.0 հազ. դրամ՝ բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով (այդ թվում` տեխնիկական հսկողության համար՝ 400.0 հազ. դրամ, հեղինակային հսկողության համար՝ 100.0 հազ. դրամ) և 1500.0 հազ. դրամ՝ «Նախագծահետազոտական ծախսեր» հոդվածով:
3. Սահմանել, որ սույն որոշման 2-րդ կետով նախատեսված աշխատանքների գնումները, այդ թվում՝ տեխնիկական հսկողությունը, Հայաստանի Հանրապետության գյուղատնտեսության նախարարության ջրային տնտեսության պետական կոմիտեի կողմից իրականացվելու են՝ կիրառելով «Գնումների մասին» Հայաստանի Հանրապետության օրենքի 20-րդ հոդվածի 3-րդ մասի 2-րդ կետով սահմանված բանակցային ընթացակարգ գնումների հայտարարությունը նախապես հրապարակելու (ԲԸՀ) գնման ձևը, իսկ ծառայությունները՝ «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով սահմանված բանակցային ընթացակարգ՝ առանց գնումների հայտարարությունը նախապես հրապարակելու (ԲԸԱՀ) գնման ձևը՝ շինարարական աշխատանքները և ծառայությունները դասակարգելով որպես անհետաձգելի:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հավելված