Հայաստանի Հանրապետության էլեկտրոնային կառավարում | e-gov

Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածով, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածով, 8-րդ հոդվածի 1-ին մասով և հաշվի առնելով «Սիլվա Կապուտիկյան» գրական հիմնադրամի հոգաբարձուների խորհրդի որոշումը` Հայաստանի Հանրապետության կառավարությունը ո ր ո շ ու մ է.
1. Ընդունել Հայաստանի Հանրապետությանը նվիրաբերված «Սիլվա Կապուտիկյան» գրական հիմնադրամի սեփականությունը հանդիսացող թանգարանային առարկաները` համաձայն հավելվածի, և Երևանի Մարշալ Բաղրամյան 1-ին անցուղի, շենք 1 հասցեում գտնվող 160,7 քառ.. մետր մակերեսով N 26 բնակարանը (այսուհետ` անշարժ գույք)` տուն-թանգարան մասնաճյուղ ստեղծելու պայմանով:
2. Սույն որոշման 1-ին կետով նշված թանգարանային առարկաները և անշարժ գույքը Հայաստանի Հանրապետության օրենսդրությամբ սահմանված կարգով անհատույց, անժամկետ օգտագործման իրավունքով ամրացնել «Ե. Չարենցի անվան գրականության և արվեստի թանգարան» պետական ոչ առևտրային կազմակերպությանը:
3. Հայաստանի Հանրապետության կառավարությանն առընթեր պետական գույքի կառավարման վարչության պետին`
1) սույն որոշումն ուժի մեջ մտնելուց հետո մեկամսյա ժամկետում «Սիլվա Կապուտիկյան» գրական հիմնադրամի հետ կնքել սույն որոշման 1-ին կետում նշված անշարժ գույքի նվիրաբերության պայմանագիր` դրանում նախատեսելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերը ենթակա են իրականացման Հայաստանի Հանրապետության կառավարությանն առընթեր պետական գույքի կառավարման վարչության միջոցների հաշվին.
2) սույն որոշման 3-րդ կետի 1-ին ենթակետում և 4-րդ կետի 2-րդ ենթակետում նշված աշխատանքներն ավարտելուց հետո երկամսյա ժամկետում «Ե. Չարենցի անվան գրականության և արվեստի թանգարան» պետական ոչ առևտրային կազմակերպության (այսուհետ` կազմակերպություն) հետ կնքել սույն որոշման 1-ին կետում նշված անշարժ գույքի անհատույց, անժամկետ օգտագործման պայմանագիր` դրանում նախատեսելով, որ պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերը ենթակա են իրականացման կազմակերպության միջոցների հաշվին:
4. Հայաստանի Հանրապետության մշակույթի նախարարին` սույն որոշումն ուժի մեջ մտնելուց հետո հնգամսյա ժամկետում`
1) ապահովել «Սիլվա Կապուտիկյան» գրական հիմնադրամի հետ թանգարանային առարկաների նվիրաբերության պայմանագրի կնքումը և այդ առարկաների անհատույց, անժամկետ օգտագործման իրավունքով հանձնումը «Ե. Չարենցի անվան գրականության և արվեստի թանգարան» պետական ոչ առևտրային կազմակերպությանը.
2) ստեղծել «Ե. Չարենցի անվան գրականության և արվեստի թանգարան» պետական ոչ առևտրային կազմակերպության «Ս. Կապուտիկյանի տուն-թանգարան» մասնաճյուղ և ապահովել դրա հաշվառումը Հայաստանի Հանրապետության իրավաբանական անձանց պետական ռեգիստրում և համապատասխան փոփոխություն կատարել «Ե. Չարենցի անվան գրականության և արվեստի թանգարան» պետական ոչ առևտրային կազմակերպության կանոնադրության մեջ:
5. Սույն որոշման 4-րդ կետում նշված թանգարանային առարկաների նվիրաբերության պայմանագրից բխող, ինչպես նաև կանոնադրության փոփոխության գրանցման աշխատանքների հետ կապված բոլոր ծախսերն իրականացնել «Ե. Չարենցի անվան գրականության և արվեստի թանգարան» պետական ոչ առևտրային կազմակերպության միջոցների հաշվին:

Հավելված