13 Օգոստոսի 2015, 915 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2015 ԹՎԱԿԱՆԻ ՄԱՅԻՍԻ 21-Ի N 567-Ա ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասով՝ Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2015 թվականի մայիսի 21-ի «Երևանի Վ. Բրյուսովի անվան պետական լեզվահասարակագիտական համալսարան» պետական ոչ առևտրային կազմակերպությանը գույք օտարելու թույլտվություն տալու մասին» N 567-Ա որոշումը լրացնել հետևյալ բովանդակությամբ նոր՝ 4-րդ կետով.
«4. Հայաստանի Հանրապետության ֆինանսների նախարարին՝ սույն որոշման 3-րդ կետի 1-ին ենթակետի համաձայն «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվեհամարին ստացված գումարից 200,000.0 հազ. դրամը, 2014 թվականի հուլիսի 16-ին «Երևանի Վ. Բրյուսովի անվան պետական լեզվահասարակագիտական համալսարան» պետական ոչ առևտրային կազմակերպության և Հայաստանի Հանրապետության ֆինանսների նախարարության միջև կնքված N 7/2014 պայմանագրի համաձայն, ուղղել կենտրոնական գանձապետարանում բացված N 900005052015 հաշվեհամարին՝ որպես վարկի մարում, իսկ 15,226.8 հազ. դրամն ուղղել՝ հաշվանցելով կազմակերպության եկամտային հարկի գումարները (ՀՏ գրանցման կոդ՝ 23, ՀՎՀՀ՝ 00005614)»:
