Հայաստանի Հանրապետության էլեկտրոնային կառավարում | e-gov

«Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասին, «Հանրային ծառայության մասին» Հայաստանի Հանրապետության օրենքի 26-րդ հոդվածի 3-րդ մասին և «Պետական պաշտոններ զբաղեցնող անձանց վարձատրության մասին» Հայաստանի Հանրապետության օրենքի 26-րդ հոդվածի 1-ին մասին համապատասխան` Հայաստանի Հանրապետության կառավարությունը ո ր ո շ ու մ է.
1. Հայաuտանի Հանրապետության կառավարության 2012 թվականի դեկտեմբերի 27-ի «Սոցիալական փաթեթի հատկացման կարգը և փաթեթի մեջ մտնող ծառայությունների բովանդակությունը հաստատելու, Հայաստանի Հանրապետության կառավարության 2011 թվականի դեկտեմբերի 29-ի N 1917-Ն և N 1923-Ն, ինչպես նաև 2012 թվականի ապրիլի 19-ի N 594-Ն որոշումներն ուժը կորցրած ճանաչելու մասին» N 1691-Ն որոշման մեջ կատարել հետևյալ լրացումները և փոփոխությունները`
1) որոշման 8.1-ին կետը «արձակուրդում» բառից առաջ լրացնել «ամենամյա» բառով.
2) որոշման N 1 հավելվածում`
ա. 2-րդ կետի 5-րդ ենթակետի «իէ» պարբերությունում «Դատական դպրոց» բառերը փոխարինել «Արդարադատության ակադեմիա» բառերով.
բ. ուժը կորցրած ճանաչել «իը» ենթակետը.
գ. 10-րդ կետից հանել «և 2.4.10-րդ» բառերը.
դ. լրացնել հետևյալ բովանդակությամբ նոր` 10.1-ին կետով.
«10.1. Սոցիալական փաթեթի հատկացումն ապահովելու մասին պայմանագիրը կողմերից մեկի նախաձեռնությամբ լուծվելու դեպքում բանկը շարունակում է սպասարկել սոցիալական փաթեթի այն շահառուների հաշիվները, որոնք որևէ ծառայության գծով ունեն չմարված պարտավորություններ, իսկ պատասխանատու ստորաբաժանումները շարունակում են սոցիալական փաթեթի գումարները փոխանցել շահառուների սոցփաթեթի այդ հաշիվներին` մինչև շահառուի պարտավորությունների լրիվ մարումը` սույն կարգի 11-րդ կետով նախատեսված կարգով: Պարտավորությունների մարումից հետո շահառուն իր սոցփաթեթի հաշիվը փակում է տվյալ բանկում և մինչև հաջորդ ամսվա սոցփաթեթի գումարի փոխանցումը, սոցիալական փաթեթի նոր հաշիվ է բացում այլ բանկում, որի մասին տեղեկանքը, ինչպես նաև սոցփաթեթի գումարի փոխանցման մասին դիմումը, սույն կարգի 6-րդ կետով նախատեսված կարգով ներկայացնում է սոցփաթեթի փոխանցման համար պատասխանատու ստորաբաժանում: Շահառուի դիմումի հիման վրա սոցփաթեթի գումարները հաջորդ ամսվանից փոխանցվում են նրա սոցփաթեթի նոր հաշվին:».
ե. լրացնել հետևյալ բովանդակությամբ նոր՝ 12.1-ին կետով.
«12.1. Սոցիալական փաթեթի հատկացումն ապահովելու մասին պայմանագիրը կողմերից մեկի նախաձեռնությամբ լուծելու դեպքում սույն կարգի 10.1-ին կետով նախա-տեսված սոցիալական փաթեթի նոր հաշվի մասին տեղեկանքը ներկայացնելիս պատասխանատու ստորաբաժանումը պահանջում է նաև սույն կարգի 12-րդ կետի 1-ին կամ 2-րդ ենթակետերով նախատեսված տեղեկանքը:»,
զ. 19-րդ կետի 3-րդ ենթակետի երրորդ նախադասությունը շարադրել հետևյալ խմբագրությամբ.
«Հարկային մարմնից համապատասխան տեղեկատվությունն ստանում է բանկը` առցանց եղանակով կատարված հարցման միջոցով:».
3) որոշման N 3 հավելվածը լրացնել հետևյալ բովանդակությամբ նոր՝ 2.4.15-րդ կետով.
«2.4.15. պայմանագիրը լուծելու դեպքում կատարողը շարունակում է սպասարկել սոցիալական փաթեթի այն շահառուների հաշիվները, որոնք որևէ ծառայության գծով ունեն չմարված պարտավորություններ:»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: