1 Դեկտեմբերի 2005, 2136 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈԿՏԵՄԲԵՐԻ 31-Ի N 1753-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2002 թվականի հոկտեմբերի 31-ի «Ոստիկանության ծառայողի համազգեստի նկարագիրը և այն կրելու ժամկետները սահմանելու մասին» N 1753-Ն որոշման մեջ կատարել հետևյալ փոփոխությունները և լրացումները`
որոշման 1-ին կետով սահմանված N 1 հավելվածի`
ա) նախաբանը «ավագ» բառից հետո լրացնել «, միջին» բառով,
բ) 1.2-րդ կետում «Ճակատային մասում» բառերը փոխարինել «Գագաթնամասում» բառով,
գ) 1.3-րդ կետի երկրորդ նախադասությունից հանել «և տաբատը» բառերը,
դ) 1.3-րդ կետը լրացնել հետևյալ բովանդակությամբ` նոր նախադասությամբ.
«Գլխարկահովհարի արտաքին մակերեսի վրա, առջևի մասում, 2 կողմից ոսկեզօծ թելերով ասեղնագործվում են դափնե ճյուղեր»,
ե) 1.8-րդ կետը շարադրել հետևյալ խմբագրությամբ.
«1.8. Կիտել՝ բրդյա, պողպատագույն, տոնական, ուսադիրներով
Երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ):
2 թևքաբերանին ոսկեզօծ թելով ասեղնագործված են դափնեճյուղեր, կարմիր կանտերին զուգահեռ ասեղնագործված են ոսկեզօծ մակաշերտեր: Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: Ուսադիրները` կարովի, ոսկեզօծ»,
զ) 1.9-րդ կետը շարադրել հետևյալ խմբագրությամբ.
«1.9. Կիտել՝ բրդյա, ուսադիրներով
Մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Հետծալված, կարմիր եզրով օձիքի վրա ոսկեզօծ թելով ասեղնագործված է հատուկ պատկեր (դափնեճյուղ): Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: Ուսադիրները` կարովի, ոսկեզօծ»,
է) 1.12-րդ կետի երկրորդ նախադասությունը շարադրել հետևյալ խմբագրությամբ.
«Կարվում է մուգ կապույտ գույնի կտորից»,
ը) 2-րդ կետը «ավագ» բառից հետո լրացնել «միջին» բառով.
թ) 2.3-րդ կետում «Ճակատային մասում» բառերը փոխարինել «Գագաթնամասում» բառով.
ժ) 2.10-րդ կետը շարադրել հետևյալ խմբագրությամբ.
«2.10. Կիտել՝ բրդյա, ամենօրյա ուսադիրներով
Գլխավոր կոչում ունեցող ծառայողի համար` մուգ մոխրագույն կտորից, երկփեշ,
6 ոսկեգույն կոճակը տեղադրված են երկշարք, հետծալված օձիքով: Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:
Ավագ, միջին և կրտսեր կոչումներ ունեցող ծառայողների համար` մուգ մոխրագույն կտորից, միափեշ, միակող, 4 ոսկեգույն կոճակով, վրադիր օձիքով: Կիտելի կրծքամասի 2 կողմում տեղադրված են վրադիր շերտակարով, իսկ փեշերի ներքևի մասերում` ներկարված գրպաններ` ձևավոր կափույրով: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն»,
ժա) 2.11-րդ կետը շարադրել հետևյալ խմբագրությամբ.
«2.11. Կիտել՝ բրդյա, տոնական ուսադիրներով
Գլխավոր կոչում ունեցող ծառայողների համար` մուգ մոխրագույն կտորից, երկփեշ, 6 ոսկեգույն կոճակը տեղադրված են երկշարք: Կիտելի 2 փեշի ներքևի մասերում` ձևավոր կափույրով ներկարված գրպաններ: Աստառը` մետաքսյա, ձախ կողմում ունի ծոցագրպան: Ուսադիրները` կարովի, մուգ մոխրագույն:
Ավագ, միջին և կրտսեր կոչում ունեցող ծառայողների համար` մուգ մոխրագույն կտորից: Կառուցվածքով և ձևով նման է 2.10-րդ կետի երկրորդ պարբերությունում նկարագրված բրդյա կիտելին` առանց կրծքամասի վրադիր գրպանների»,
ժբ) 3-րդ, 4-րդ և 4.2-րդ կետերում «գլխավոր և ավագ» բառերը փոխարինել «գլխավոր, ավագ և միջին» բառերով,
ժգ) ոստիկանության ծառայողների համազգեստի նկարագրության պատկերների վերնագրերը «ավագ» բառերից հետո լրացնել «, միջին» բառերով.
որոշման 1-ին կետով սահմանված N 2 հավելվածի`
ա) նորմա 1-ի 22-րդ կետում «1 լրակազմ» բառերը փոխարինել «2 լրակազմ» բառերով,
բ) նորմա 2-ի վերնագրում «գլխավոր և ավագ» բառերը փոխարինել «գլխավոր, ավագ և միջին» բառերով,
գ) նորմա 3-ի 10-րդ և 13-րդ կետերում «2 տարի» բառերը փոխարինել «1 տարի 6 ամիս» բառերով,
դ) նորմա 3-ի 18-րդ կետում «3 տարի» բառերը փոխարինել «2 տարի» բառերով,
ե) նորմա 3-ի 19-րդ կետում «3 տարի» բառերը փոխարինել «2 տարի» բառերով,
զ) նորմա 3-ում «Նշված ժամկետները տարածվում են նաև ոստիկանության ուսումնական հաստատությունների կուրսանտների (ունկնդիրների) վրա» նախադասությունը շարադրել հետևյալ խմբագրությամբ.
«Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով սովորողների վրա»,
է) նորմա 4-ի վերնագրիրը «ավագ» բառից հետո լրացնել «, միջին» բառով,
ը) նորմա 4-ի 23-րդ կետում «2 հատ» բառերը փոխարինել «3 հատ» բառերով,
թ) նորմա 4-ում «Նշված ժամկետները տարածվում են նաև ոստիկանության ուսումնական հաստատությունների կին կուրսանտների (ունկնդիրների) վրա» նախադասությունը շարադրել հետևյալ խմբագրությանբ.
«Նշված նորմաները և ժամկետները տարածվում են նաև ոստիկանության ուսումնական հաստատություններում առկա ուսուցման ձևով կին սովորողների վրա».
որոշմամբ հաստատված ոստիկանության ծառայողի համազգեստի նկարագրության վերնագրերում «ավագ և կրտսեր» բառերը փոխարինել «ավագ, միջին և կրտսեր» բառերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
