20 Հոկտեմբերի 2005, 1839 - Ն
ԱՊԱՀՈՎԱԳՐԱԿԱՆ ԸՆԿԵՐՈՒԹՅՈՒՆՆԵՐԻ ՖԻՆԱՆՍԱՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇՎԱՅԻՆ ՊԼԱՆԸ, ԴՐԱ ԿԻՐԱՌՄԱՆ ՄԱՍԻՆ ՀՐԱՀԱՆԳԸ, ՖԻՆԱՆՍԱԿԱՆ ՀԱՇՎԵՏՎՈՒԹՅՈՒՆՆԵՐԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ՄԱՍԻՆ ՀՐԱՀԱՆԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Ապահովագրության մասին» Հայաստանի Հանրապետության օրենքի 22-րդ հոդվածի 2-րդ մասը` Հայաստանի Հանրապետության կառավարությունը ո ր ո շ ու մ է.
1. Սահմանել`
ա) ապահովագրական ընկերությունների ֆինանսատնտեսական գործունեության հաշվապահական հաշվառման հաշվային պլանը, դրա կիրառման մասին հրահանգը` համաձայն N 1 հավելվածի.
բ) ապահովագրական ընկերության հաշվապահական հաշվեկշռի N 1 ձևը` համաձայն N 2 հավելվածի.
գ) ապահովագրական ընկերության ֆինանսական արդյունքների մասին հաշվետվության N 2 ձևը` համաձայն N 3 հավելվածի.
դ) ապահովագրական ընկերության սեփական կապիտալի որոշ հոդվածների շարժի մասին հաշվետվության N 3 ձևը` համաձայն N 4 հավելվածի.
ե) ապահովագրական ընկերության դրամական միջոցների հոսքերի մասին հաշվետվության N 4 ձևը` համաձայն N 5 հավելվածի.
զ) ապահովագրական ընկերության ֆինանսական հաշվետվություններին կից ծանոթագրությունների N 5 ձևը` համաձայն N 6 հավելվածի.
է) ապահովագրական ընկերությունների ֆինանսական հաշվետվությունների ձևերի լրացման մասին հրահանգը` համաձայն N 7 հավելվածի։
2. Ապահովագրական ընկերությունների կողմից ֆինանսական հաշվետվությունները լիազորված պետական կառավարման մարմին ներկայացնելու հաշվետու ժամանակաշրջանների պարբերականությունը սահմանել եռամսյակը։
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
