13 Հոկտեմբերի 2005, 1731 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՄԱՅԻՍԻ 12-Ի N 938-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ Մ Ա Ս Ի Ն
Հայաստանի Հանրապետության կառավարությունը ո ր ո շ ու մ է.
Հայաստանի Հանրապետության կառավարության 2005 թվականի մայիսի 12-ի «Պետական կենսաթոշակային սոցիալական ապահովագրության համակարգում անհատական (անձնավորված) հաշվառման ներդրումն ապահովող միջոցառումների մասին» N 938-Ն որոշման մեջ կատարել հետևյալ փոփոխությունը`
որոշման N 4 հավելվածում Հայաստանի Հանրապետության սոցիալական ապահովագրության պետական հիմնադրամի, Հայաստանի Հանրապետության արդարադատության նախարարության և Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից տրամադրվող տեղեկատվության ցանկի 1-ին կետի «Տրամադրվող տեղեկատվության բովանդակությունը» սյունակից հանել «2002 թ. հունվարի 1-ից մահվան ակտերում գրանցված անձանց անունը, ազգանունը, հայրանունը, ծննդյան օրը, ամիսը, տարեթիվը, սեռը, անձը հաստատող փաստաթղթի (Հայաստանի Հանրապետության անձնագիր, փախստականի վկայական, կացության հատուկ կարգավիճակի անձնագիր) սերիան ու համարը, մահվան օրը, ամիսը, տարեթիվը» բառերը:
