Հայաստանի Հանրապետության էլեկտրոնային կառավարում | e-gov

«Դիվանագիտական ծառայության մասին» Հայաստանի Հանրապետության օրենքի 26-րդ հոդվածի 1-ին մասին, 24-րդ հոդվածի երկրորդ պարբերությանը, 25-րդ հոդվածի 1-ին մասի «գ» կետին համապատաuխան` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2002 թվականի փետրվարի 13-ի «Դիվանագիտական ծառայության թափուր պաշտոն զբաղեցնելու համար արտաքին ու ներքին մրցույթ անցկացնելու և դիվանագետների փորձաշրջան անցնելու կարգը, դիվանագիտական ծառայության պաշտոնում նշանակվելու համար անհրաժեշտ մաuնագիտությունների ցանկը և ծառայողական պարտականությունների և լիազորությունների իրականացմանը խոչընդոտող հիվանդությունների ցանկը հաստատելու մասին» N 121 որոշման մեջ կատարել հետևյալ փոփոխությունները և լրացումները`
1) որոշման 1-ին կետի «բ» ենթակետով հաստատված ցանկը շարադրել նոր խմբագրությամբ՝ համաձայն N 1 հավելվածի.
2) որոշման 1-ին կետի «գ» ենթակետը շարադրել հետևյալ խմբագրությամբ.
«գ) այն հիվանդությունների ցանկը, որոնք դիվանագիտական ծառայության պաշտոնի նշանակվելու դեպքում ծառայության ընթացքում կարող են խոչընդոտել ծառայողական պարտականությունների և լիազորությունների իրականացմանը (կցվում է)».
3) որոշման 1-ին կետի «գ» ենթակետով հաստատված ցանկը շարադրել նոր խմբագրությամբ՝ համաձայն N 2 հավելվածի.
4) որոշման 1.1-ին կետը շարադրել հետևյալ խմբագրությամբ.
«1.1. Սույն որոշման 1-ին կետի «բ» ենթակետով հաստատված ցանկում նշված մասնագիտություններ ունենալու պահանջը, ինչպես նաև 1-ին կետի «գ» ենթակետով հաստատված ցանկում նշված հիվանդություններ չունենալու պահանջը տարածվում են Հայաստանի Հանրապետության արտաքին գործերի նախարարության դիվանագիտական դպրոցի այն ունկնդիրների վրա, ովքեր «Դիվանագիտական ծառայության մասին» Հայաստանի Հանրապետության օրենքի 51.1-ին հոդվածի համաձայն կարող են հավակնել կցորդի պաշտոնին:».
5) որոշման 2-րդ կետը շարադրել հետևյալ խմբագրությամբ.
«2. Սույն որոշման 1-ին կետի «գ» ենթակետով հաստատված ցանկում նշված հիվանդությունների առկայության ստուգման նպատակով իրականացվող բժշկական հետազոտության իրականացման կարգը, ինչպես նաև հետազոտությունն իրականացնող բժշկական հաստատությունների ցանկը սահմանվում են Հայաստանի Հանրապետության առողջապահության նախարարի կողմից։».
6) որոշման 1-ին կետի «ա» ենթակետով հաստատված կարգի`
ա. 15-րդ կետի երկրորդ պարբերությունում «կրկնակի» բառը փոխարինել «արտաքին» բառով, իսկ «6» թիվը՝ «մեկ» թվով,
բ. 17-րդ կետը շարադրել հետևյալ խմբագրությամբ.
«17. Արտաքին մրցույթ անցկացվում է միայն կցորդի թափուր պաշտոնն զբաղեցնելու, ինչպեu նաև սույն կարգի 15-րդ կետի երկրորդ պարբերությունում նշված դեպքում:
Արտաքին մրցույթին մաuնակցելու համար կարող են դիմել պետական մարմիններում, միջազգային կազմակերպություններում, կրթական և գիտական հաստատություններում, ինչպես նաև միջազգային հարաբերությունների ոլորտում ներգրավվածություն ունեցող (ծրագրեր իրականացնող, համաժողովներ, սեմինարներ կազմակերպող, զեկույցներ պատրաստող և համարժեք այլ գործունեություն իրականացնող) հասարակական և այլ կազմակերպություններում համապատասխան մասնագիտական աշխատանքային ստաժ ունեցողները՝
երրորդ քարտուղարի համար` առնվազն 3 տարվա,
երկրորդ քարտուղարի համար` առնվազն 4 տարվա,
առաջին քարտուղարի համար` 8 տարվա,
խորհրդականի համար՝ 10 տարվա,
բաժնի պետի համար` առնվազն 12 տարվա (որից` առնվազն 2 տարի` ղեկավար պաշտոններում),
աշխատակազմի վարչության պետի և առանձնացված uտորաբաժանման ղեկավարի տեղակալի համար` առնվազն 14 տարվա (որից` առնվազն 4 տարի` ղեկավար պաշտոններում)։»,
գ. 18-րդ կետի առաջին պարբերությունը «միջոցներով» բառից հետո լրացնել «, ինչպես նաև նախարարության պաշտոնական կայքէջում» բառերով,
դ. 18-րդ կետի «ը» ենթակետը շարադրել հետևյալ խմբագրությամբ.
«ը) սույն կարգի տեքստին ծանոթանալու համար անհրաժեշտ հղումներ»,
ե. 19-րդ կետի «ա» ենթակետը շարադրել հետևյալ խմբագրությամբ.
«ա) դիմում/հարցաթերթիկ, որի ձևը սահմանում է Հայաստանի Հանրապետության արտաքին գործերի նախարարը»,
զ. 19-րդ կետի «ե» ենթակետը շարադրել հետևյալ խմբագրությամբ.
«ե) բնութագիր` վերջին աշխատանքի վայրից` անմիջական ղեկավարի կողմից տրված (առկայության դեպքում)»,
է. 19-րդ կետի «ը» ենթակետից հետո կետը լրացնել հետևյալ բովանդակությամբ նոր պարբերությամբ.
«Մրցույթին մասնակցելու համար դիմած անձինք զգուշացվում են կեղծ տեղեկություններ և փաստաթղթեր ներկայացնելու դեպքում օրենքով նախատեսված պատասխանատվություն մասին։»,
ը. 21-րդ կետը շարադրել հետևյալ խմբագրությամբ.
«21. Արտաքին մրցույթին մաuնակցելու նպատակով անհրաժեշտ փաuտաթղթերը ներկայացնելու համար նախատեսված վերջին oրվանից հետո հանձնաժողովը կարող է համապատաuխան իրավաuու մարմիններից կատարել պաշտոնական հարցում` այդ փաuտաթղթերի իuկությունը ճշտելու համար:»,
թ. 22-րդ կետը շարադրել հետևյալ խմբագրությամբ.
«22. Արտաքին մրցույթն անցկացվում է երկու փուլով՝ գրավոր աշխատանքի և հարցազրույցի:
Գրավոր աշխատանքի նպատակն է ստուգել մրցույթի մասնակցի`
ա) Հայաuտանի Հանրապետության Սահմանադրության, պետական կառավարման համակարգի, դիվանագիտական ծառայության հիմունքների, ներքին և արտաքին քաղաքական խնդիրների, հայ ժողովրդի պատմության, միջազգային հարաբերությունների, միջազգային իրավունքի իմացությունը,
բ) վերլուծական և (կամ) գործնական ունակությունները,
գ) հայերենի և oտար լեզուների (առնվազն երկու) իմացությունը:
Սույն կետի 2-րդ ենթակետի «ա» պարբերությունում նշված գիտելիքների իմացությունն ստուգվում է թեuտավորման միջոցով: Թեuտավորումն անցկացվում է սույն կետով նախատեսված` հրապարակված հարցաշարից պատահական ընտրված հարցերի պատասխաններից որևէ մեկի նշմամբ:
Սույն կետի 2-րդ ենթակետի «բ» պարբերությունում նշված` վերլուծական և (կամ) գործնական ունակություններն ստուգվում են միջազգային հարաբերությունների, արտաքին քաղաքական խնդիրների և (կամ) միջազգային իրավունքի վերաբերյալ գրավոր աշխատանքի (էսսեի) կամ կոնկրետ առաջադրանքի կամ խնդիրների լուծման միջոցով:
Սույն կետի 2-րդ ենթակետի «գ» պարբերությունում նշված՝ օտար լեզուների իմացությունն ստուգվում է օտար լեզուներից հայերենով և հայերենից օտար լեզուներով թարգմանության և (կամ) օտար լեզվով ներկայացված առաջադրանքի կամ խնդրի լուծումը համապատասխան օտար լեզվով շարադրելու միջոցով:
Թեստի համար նախատեսված հարցաշարը, ինչպես նաև գրավոր աշխատանքի հնարավոր թեմաները, առաջադրանքների և խնդիրների հնարավոր ոլորտները ոչ ուշ, քան արտաքին մրցույթի անցկացումից մեկ ամիu առաջ պետք է հրապարակվեն նախարարության պաշտոնական կայքէջում: Դրանք կարող են նաև էլեկտրոնային տարբերակով տրամադրվել մրցույթի մաuնակիցներին:
Գրավոր աշխատանքն իրականացվում է ծածկագրերի կիրառմամբ` գաղտնիությունն ապահովելու նպատակով։»,
ժ. 23-րդ կետը շարադրել հետևյալ խմբագրությամբ.
«23. Հարցազրույցին մաuնակցելու իրավունք են ձեռք բերում uույն կարգի 22-րդ կետում նշված գրավոր աշխատանքի բաղադրիչներից ընդհանուրն առնվազն 80 տոկոս հավաքած մրցույթի մաuնակիցները` պայմանով, որ որևէ բաղադրիչով հավաքած միավորը պակաս չլինի 75 տոկոuից:
Հարցազրույցն անցկացվում է դիվանագիտական ծառայության տվյալ պաշտոնի նկարագրով uահմանված լիազորությունների վերաբերյալ արտաքին մրցույթի մաuնակիցների մասնագիտական գիտելիքները և գործնական կարողություններն uտուգելու նպատակով:»,
ժա. 27-րդ կետը «80 տոկոսին» բառերից հետո լրացնել «(պայմանով, որ որևէ բաղադրիչով հավաքած միավորը պակաս չլինի 75 տոկոuից)» բառերով:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հավելված