Հայաստանի Հանրապետության էլեկտրոնային կառավարում | e-gov

Համաձայն «Ոստիկանությունում ծառայության մասին», «Փրկարար ծառայության մասին», «Քրեակատարողական ծառայության մասին», «Զինծառայողների և նրանց ընտանիքի անդամների սոցիալական ապահովության մասին» Հայաuտանի Հանրապետության օրենքների` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2007 թվականի դեկտեմբերի 13-ի «Հայաստանի Հանրապետության պաշտպանության նախարարության, Հայաստանի Հանրապետության կառավարությանն առընթեր ազգային անվտանգության ծառայության և Հայաստանի Հանրապետության կառավարությանն առընթեր Հայաստանի Հանրապետության ոստիկանության կենտրոնական ապարատի, դրա անմիջական ենթակայության ստորաբաժանումների և տարածքային մարմինների սպայական, ենթասպայական և կրտսեր հրամանատարական կազմի պաշտոնային դրույքաչափերը (նվազագույն և առավելագույն) սահմանելու և Հայաստանի Հանրապետության կառավարության 2000 թվականի նոյեմբերի 27-ի N 778 որոշման մեջ փոփոխություն կատարելու մասին» N 1554-Ն որոշման մեջ կատարել հետևյալ փոփոխությունները և լրացումը`
1) որոշման N 1 հավելվածը շարադրել նոր խմբագրությամբ` համաձայն N 1 հավելվածի.
2) որոշումը լրացնել նոր` N 1.1 հավելվածով` համաձայն N 1.1 հավելվածի.
3) որոշման N 2 հավելվածը շարադրել նոր խմբագրությամբ` համաձայն N 2 հավելվածի:
2. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության պաշտպանության նախարարության համակարգի զինծառայողների և զինվորական կոչում չունեցող աշխատողների լրավճարների, հավելավճարների և պարգևավճարների չափերը սահմանելու մասին» N 479-Ն որոշման N 1 հավելվածը շարադրել նոր խմբագրությամբ` համաձայն N 3 հավելվածի:
3. Հայաստանի Հանրապետության կառավարության 2010 թվականի մարտի 25-ի «Հայաստանի Հանրապետության պաշտպանության համակարգի քաղաքացիական ծառայողներին տրվող ամսական հավելումների սահմանային չափերը և հաշվարկման կարգը հաստատելու մասին» N 325-Ն որոշման մեջ կատարել հետևյալ լրացումները և փոփոխությունը`
1) որոշման վերնագիրը, 1-ին կետի 1-ին և 2-րդ ենթակետերը, ինչպես նաև N 2 հավելվածի վերնագիրը «պաշտպանության» բառից հետո լրացնել «նախարարության» բառով.
2) որոշման N 1 հավելվածը շարադրել նոր խմբագրությամբ` համաձայն N 4 հավելվածի:
4. Հայաստանի Հանրապետության կառավարության 2009 թվականի փետրվարի 26-ի «Ռուսաստանի Դաշնության և այլ պետությունների ռազմաուսումնական հաստատություններ ուսման ու ծառայության կամ այլ պետություններ ծառայության գործուղված Հայաստանի Հանրապետության զինված ուժերի զինծառայողների դրամական բավարարման և դրան հավասարեցված վճարումների, ինչպես նաև Հայաստանի Հանրապետության կառավարության 1999 թվականի մարտի 30-ի N 191 որոշումն ուժը կորցրած ճանաչելու մասին» N 190-Ն որոշման 1-ին կետում կատարել հետևյալ փոփոխությունները`
1) 1-ին ենթակետում «92.100 դրամ» բառերը փոխարինել «124.459 դրամ» բառերով.
2) 2-րդ ենթակետում «67.500 դրամ» բառերը փոխարինել «91.216 դրամ» բառերով.
3) 3-րդ ենթակետում «61.400 դրամ» բառերը փոխարինել «82.973 դրամ» բառերով.
4) 6-րդ ենթակետում «153.400 դրամ» բառերը փոխարինել «207.297 դրամ» բառերով:
5. Հայաստանի Հանրապետության կառավարության 2007 թվականի նոյեմբերի 15-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության քննչական գլխավոր վարչության աշխատողների պաշտոնային դրույքաչափերը սահմանելու մասին» N 1354-Ն որոշման հավելվածը շարադրել նոր խմբագրությամբ` համաձայն N 5 հավելվածի:
6. Հայաստանի Հանրապետության կառավարության 2010 թվականի օգոստոսի 12-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանությունում արտաժամյա, հանգստյան և տոն օրերի ծառայության, ինչպես նաև հերթապահության ժամանակի համար հավելավճար վճարելու կարգը և չափը սահմանելու մասին» N 1011-Ն որոշման հավելվածը շարադրել նոր խմբագրությամբ` համաձայն N 6 հավելվածի:
7. Հայաստանի Հանրապետության կառավարության 2005 թվականի հուլիսի 14-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության ստորաբաժանումների կողմից պայմանագրային հիմունքներով պահպանության և անվտանգության ապահովման գծով իրականացվող ծառայությունների դիմաց ստացվող վճարների գումարների օգտագործման ուղղությունները 2005 թվականի տարեկան ծախսերի նախահաշվի ձևով հաստատելու, նախահաշվի կատարման հետ կապված առանձին հարցեր կանոնակարգելու և ծախսերի նորմատիվները հաստատելու մասին» N 1176-Ն որոշման N 2 հավելվածը շարադրել նոր խմբագրությամբ` համաձայն N 7 հավելվածի:
8. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության կենտրոնական ապարատի, դրա անմիջական ենթակայության ստորաբաժանումների և տարածքային մարմինների ծառայողների ու զինվորական կոչում չունեցող աշխատողների լրավճարների, հավելավճարների և պարգևավճարների չափերը սահմանելու մասին» N 469-Ն որոշման N 1 հավելվածը շարադրել նոր խմբագրությամբ` համաձայն N 8 հավելվածի:
9. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության կառավարությանն առընթեր ազգային անվտանգության ծառայության համակարգի զինծառայողների և զինվորական կոչում չունեցող աշխատողների լրավճարների, հավելավճարների և պարգևավճարների չափերը սահմանելու մասին» N 477-Ն որոշման մեջ կատարել հետևյալ փոփոխությունները`
1) որոշման 1-ին կետի 2-րդ ենթակետում «50,000 դրամ» և «30,000 դրամ» բառերը համապատասխանաբար փոխարինել «66,138 դրամ» և «39,682 դրամ» բառերով.
2) որոշման հավելվածը շարադրել նոր խմբագրությամբ` համաձայն N 9 հավելվածի:
10. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության կառավարությանն առընթեր ազգային անվտանգության ծառայության պետական պահպանության ծառայության համակարգի զինծառայողների և զինվորական կոչում չունեցող աշխատողների լրավճարների և պարգևավճարների չափերը սահմանելու մասին» N 476-Ն որոշման հավելվածը շարադրել նոր խմբագրությամբ` համաձայն N 10 հավելվածի:
11. Հայաստանի Հանրապետության կառավարության 2005 թվականի դեկտեմբերի 29-ի «Փրկարարական ծառայության ծառայողի պաշտոնային դրույքաչափը, փրկարարական ծառայության կոչման հավելավճարի չափը և փրկարարական ծառայության ծառայողին տրվող սննդի փոխհատուցման գումարի չափը սահմանելու մասին» N 2323-Ն որոշման մեջ կատարել հետևյալ փոփոխությունները և լրացումը`
1) որոշման 2-րդ և 3-րդ կետերում «Հայաստանի փրկարար» բառերը փոխարինել «փրկարար» բառով.
2) որոշումը լրացնել հետևյալ բովանդակությամբ նոր` 3.2-րդ կետով.
«3.2. Փրկարարական ծառայության ծառայողների առողջության, տարիքի, ժամկետը լրանալու, հաստիքների կամ թվաքանակի թվակազմի կրճատման պատճառով ծառայությունից սահմանված կարգով արձակվելու, ինչպես նաև երկարամյա ծառայության կենսաթոշակի անցնելու դեպքում ծառայողներին դրամական օգնություն տալու ժամանակ դրամական բավարարման հաշվարկման ժամանակ հիմք է հանդիսանում սույն որոշման NN 1 և 2 հավելվածներով սահմանված նվազագույն պաշտոնային դրույքաչափը և կոչման հավելավճարը:».
3) որոշման N 1 հավելվածը շարադրել նոր խմբագրությամբ` համաձայն N 11 հավելվածի.
4) որոշման N 2 հավելվածը շարադրել նոր խմբագրությամբ` համաձայն N 12 հավելվածի:

12. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության արտակարգ իրավիճակների նախարարության Հայաստանի փրկարար ծառայության համակարգի փրկարարական ծառայողների լրավճարների չափերը սահմանելու մասին» N 446-Ն որոշման մեջ կատարել հետևյալ փոփոխությունները`
1) որոշման վերնագրում, 1-ին և 2-րդ կետերում «Հայաստանի փրկարար» բառերը փոխարինել «փրկարար» բառով.
2) որոշման հավելվածը շարադրել նոր խմբագրությամբ` համաձայն N 13 հավելվածի:
13. Հայաստանի Հանրապետության կառավարության 2011 թվականի ապրիլի 21-ի «Հայաստանի Հանրապետության արդարադատության նախարարության քրեակատարողական ծառայության համակարգի քրեակատարողական ծառայողների և քրեակատարողական ծառայության կոչում չունեցող աշխատողների լրավճարների, հավելավճարների և պարգևավճարների չափերը սահմանելու մասին» N 487-Ն որոշման մեջ կատարել հետևյալ փոփոխությունները`
1) որոշման N 1 հավելվածը շարադրել նոր խմբագրությամբ` համաձայն N 14 հավելվածի.
2) որոշման N 2 հավելվածը շարադրել նոր խմբագրությամբ` համաձայն N 15 հավելվածի:
14. Հայաստանի Հանրապետության կառավարության 2006 թվականի փետրվարի 23-ի «Քրեակատարողական ծառայողի լրացուցիչ աշխատավարձի հավելումները սահմանելու մասին» N 393-Ն որոշման 1-ին կետի «զ» և «է» ենթակետերում «8-ապատիկը, սակայն 8000 դրամից» բառերը փոխարինել «11-ապատիկը, սակայն 10582 դրամից» բառերով:
15. Հայաստանի Հանրապետության կառավարության 2000 թվականի նոյեմբերի 27-ի «Զինծառայողների և նրանց ընտանիքի անդամների սոցիալական ապահովության մասին» Հայաստանի Հանրապետության օրենքի կիրարկումն ապահովող միջոցառումների մասին» N 778 որոշման մեջ կատարել հետևյալ փոփոխությունները և լրացումները`
1) որոշման 7-րդ կետում «կոչման դրույքաչափը» բառերը փոխարինել «կոչման նվազագույն դրույքաչափը» բառերով.
2) որոշումը լրացնել հետևյալ բովանդակությամբ նոր` 7.1-ին և 7.2-րդ կետերով.
«7.1. Սույն որոշման 7-րդ կետում նախատեսված դրամական օգնության հաշվարկային դրույքաչափերը Հայաստանի Հանրապետության պաշտպանության նախարարության և զինված ուժերի գլխավոր շտաբի կառավարման կենտրոնական մարմնի ղեկավար պաշտոն զբաղեցնող զինծառայողների համար կազմում են`
1) ՀՀ զինված ուժերի գլխավոր շտաբի պետ` 93,000 դրամ.
2) ՀՀ պաշտպանության նախարարի տեղակալ` 77,500 դրամ.
3) ՀՀ զինված ուժերի գլխավոր շտաբի պետի առաջին տեղակալ` 64,579 դրամ.
4) ՀՀ զինված ուժերի գլխավոր շտաբի պետի տեղակալ` 53,813 դրամ:
7.2. Առողջության, տարիքի, ժամկետը լրանալու, հաստիքների կրճատման պատճառով ծառայությունից սահմանված կարգով արձակվելու, ինչպես նաև երկարամյա ծառայության կենսաթոշակի անցնելու դեպքում քրեակատարողական ծառայողներին տրվող դրամական օգնության հաշվարկման հիմք են ընդունվում Հայաստանի Հանրապետության օրենքով սահմանված քրեակատարողական ծառայողների բազային պաշտոնային դրույքաչափը և սույն որոշման NN 2 և 3 հավելվածներով սահմանված գործակիցները, ինչպես նաև սույն որոշման 1.2-րդ կետով սահմանված` զինծառայողի զինվորական ծառայության ստաժի համար հաշվարկվող հավելումը:».
3) որոշման 1-ին կետի «դ» ենթակետում «համաձայն հավելվածի» բառերը փոխարինել «համաձայն N 1 հավելվածի» բառերով.
4) որոշման 1-ին կետի «դ» ենթակետով հաստատված հավելվածի «Հավելված ՀՀ կառավարության 2000 թվականի նոյեմբերի 27-ի N 778 որոշման» բառերը փոխարինել «Հավելված N 1 ՀՀ կառավարության 2000 թվականի նոյեմբերի 27-ի N 778 որոշման» բառերով.
5) որոշումը լրացնել նոր` NN 2 և 3 հավելվածներով` համաձայն NN 16 և 17 հավելվածների:
16. Սահմանել, որ սույն որոշումն ուժի մեջ մտնելուց հետո զինծառայողին և նրան հավասարեցված անձին, փրկարար ծառայողին, ինչպես նաև զինվորական ու փրկարարական կոչում չունեցող աշխատողին վճարվող գումարները պետք է չգերազանցեն մինչև «Եկամտային հարկի մասին» Հայաստանի Հանրապետության օրենքի կիրառումը տվյալ ծառայողին փաստացի վճարված դրամական բավարարումը, աշխատավարձը և դրան հավասարեցված վճարումները:
17. Գաղտնի:
18. Սույն որոշումն ուժի մեջ է մտնում 2013 թվականի հունվարի 1-ից:

Հավելված