24 Մայիսի 2012, 661 - Ն
ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Հայաստանի Հանրապետության կառավարությունը ո ր ո շ ու մ է.
1. Թույլատրել Հայաստանի Հանրապետության կառավարությանն առընթեր ազգային անվտանգության ծառայության պետական պահպանության ծառայության 2012 թվականի բյուջետային տարվա արդյունքներով «Հայաստանի Հանրապետության 2012 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 03 բաժնի 01 խմբի 02 դասի «02. Պետական պահպանության ապահովում» ծրագրով նախատեսված բյուջետային ծախսերի տնտեսագիտական դասակարգման «Աշխատողների աշխատավարձեր և հավելավճարներ» հոդվածով տնտեսված 15000.0 հազ. դրամ գումարը տեղափոխել բյուջետային ծախսերի տնտեսագիտական դասակարգման «Շենքերի և շինությունների ձեռքբերում» հոդված` Հայաստանի Հանրապետության կառավարությանն առընթեր ազգային անվտանգության ծառայության պետական պահպանության ծառայության կողմից Հայաստանի Հանրապետության կառավարության 2008 թվականի դեկտեմբերի 18-ի «Երևանի մերձքաղաքային ուղևորատար ավտոտրանսպորտային» բաց բաժնետիրական ընկերությանը գույք օտարելու թույլտվություն տալու և ընկերությունը լուծարելու մասին» N 1525-Ա որոշման 1-ին կետում նշված գույքի ձեռքբերման դիմաց Հայաստանի Հանրապետության 2012 թվականի բյուջետային տարվա երկրորդ եռամսյակում վճարում կատարելու համար:
2. Սույն որոշման 1-ին կետում նշված գումարը Հայաստանի Հանրապետության կառավարությանն առընթեր ազգային անվտանգության ծառայության պետական պահպանության ծառայության կողմից «Երևանի մերձքաղաքային ուղևորատար ավտոտրանսպորտային» բաց բաժնետիրական ընկերությանը փոխանցվելուց հետո եռօրյա ժամկետում նշված ընկերության կողմից ամբողջությամբ ուղղել իր` Հայաստանի Հանրապետության պետական բյուջեի հանդեպ ունեցած հարկային պարտավորությունների մարմանը:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
