22 Դեկտեմբերի 2011, 1840 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՄԻՋԵՎ 2011 ԹՎԱԿԱՆԻ ՕԳՈՍՏՈՍԻ 27-ԻՆ ԵՎ ՆՈՅԵՄԲԵՐԻ 10-ԻՆ ՍՏՈՐԱԳՐՎԱԾ ՊԱՅՄԱՆԱԳՐԵՐԻ ՇՐՋԱՆԱԿՆԵՐՈՒՄ ՔԱՂԱՔԱՅԻՆ ԱՎՏՈԲՈՒՍՆԵՐԸ ԵՎ ԴՐԱՆՑ ՊԱՀԵՍՏԱՄԱՍԵՐԸ ՆՎԻՐԱԲԵՐԵԼՈՒ ՄԱՍԻՆ
Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը` Հայաստանի Հանրապետության կառավարությունը ո ր ո շ ո ւ մ է.
1. Ընդունել Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև 2011 թվականի օգոստոսի 27-ին և նոյեմբերի 10-ին ստորագրված պայմանագրերով Հայաստանի Հանրապետությանը` որպես նվիրատվություն փոխանցված KLQ6770G մոդելի 249 քաղաքային ավտոբուսները և դրանց պահեստամասերը:
2. Սահմանել, որ սույն որոշման 1-ին կետում նշված քաղաքային ավտոբուսները և դրանց պահեստամասերը նվիրաբերվում են Երևանի քաղաքային համայնքին` Երևանի քաղաքային համայնքի ենթակայության կազմակերպության կողմից Երևան քաղաքում հասարակական տրանսպորտի աշխատանքը կազմակերպելու պայմանով:
3. Հայաստանի Հանրապետության տարածքային կառավարման նախարարին` Հայաստանի Հանրապետության օրենսդրությամբ սահմանված կարգով ապահովել սույն որոշման
1-ին կետում նշված ավտոբուսների և դրանց պահեստամասերի նվիրաբերության պայմանագրի կնքումը Երևանի քաղաքային համայնքի հետ: Պայմանագրում նախատեսել, որ գույքային իրավունքների գրանցման հետ կապված ծախսերն իրականացվելու են Երևանի քաղաքային համայնքի բյուջեի միջոցների հաշվին` Հայաստանի Հանրապետության օրենսդրությամբ սահմանված կարգով։
