Հայաստանի Հանրապետության էլեկտրոնային կառավարում | e-gov

Վերակառուցման ու զարգացման եվրոպական բանկի ու Եվրոպական ներդրումային բանկի հետ Հայաստանի Հանրապետության կնքված վարկային համաձայնագրերի շրջանակներում Հայաստանի Հանրապետության ֆինանսների նախարարության և «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության միջև կնքված ենթավարկային պայմանագրերի (այսուհետ` պայմանագրեր) 3-րդ հոդվածին, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի 11-րդ հոդվածի 6-րդ կետին համապատասխան` Հայաստանի Հանրապետության կառավարությունը ո ր ո շ ո ւ մ է.
1. «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի և Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման մեջ կատարել փոփոխություններ` համաձայն N N 1, 2, 3, 4, 5 և 6 հավելվածների:
2. Պայմանագրերից բխող «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության մինչև 2011 թվականի հոկտեմբերի 16-ը առաջացած ենթավարկի սպասարկման պարտավորությունների կատարմանն աջակցելու նպատակով Երևանի քաղաքապետին տրամադրելու համար Հայաստանի Հանրապետության տարածքային կառավարման նախարարությանը հատկացնել 106,906.9 հազ. դրամ` Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Սուբսիդիաներ ոչ ֆինանսական պետական կազմակերպություններին» հոդվածով)։
3. Առաջարկել Երևանի քաղաքապետին ապահովել «Կարեն Դեմիրճյանի անվան Երևանի մետրոպոլիտեն» փակ բաժնետիրական ընկերության պայմանագրերից բխող ենթավարկի սպասարկման պարտավորությունների կատարումը սույն որոշման 2-րդ կետով հատկացվող գումարն ստանալուց հետո եռօրյա ժամկետում:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
 

Հավելված