Հայաստանի Հանրապետության էլեկտրոնային կառավարում | e-gov

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին և 23-րդ հոդվածի 3-րդ մասին համապատասխան` Հայաստանի Հանրապետության կառավարությունը ո ր ո շ ու մ է.
1. «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման NN 5, 10 և 11 հավելվածներում կատարել փոփոխություններ ու լրացումներ` համաձայն NN 1, 2, 3, 4 և 5 հավելվածների:
2. Երևան քաղաքի Սարյան 22 հասցեում գտնվող շենքի 10-րդ հարկի վերանորոգման և նախագծանախահաշվային փաստաթղթերի կազմման նպատակով Հայաստանի Հանրապետության քաղաքաշինության նախարարությանը հատկացնել 27,500.0 հազ. դրամ` Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով՝ 500.0 հազ. դրամ, «Շենքերի և շինությունների կապիտալ վերանորոգում» հոդվածով՝ 27,000.0 հազ. դրամ)։
3. Սահմանել, որ Հայաստանի Հանրապետության կառավարական N 2 շենքի
կոյուղագծի կապիտալ վերանորոգման և նախագծանախահաշվային փաստաթղթերի կազմման, ինչպես նաև Երևան քաղաքի Սարյան 22 հասցեում գտնվող շենքի 10-րդ հարկի վերանորոգման և նախագծանախահաշվային փաստաթղթերի կազմման աշխատանքները ձեռք են բերվում բանակցային ընթացակարգ կիրառելու միջոցով` առանց գնումների մասին հայտարարությունը նախապես հրապարակելու, «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված ընթացակարգով:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հավելված