25 Օգոստոսի 2011, 1209 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՕԳՈՍՏՈՍԻ 25-Ի N 532 ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ Մ Ա Ս Ի Ն
Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 1999 թվականի օգոստոսի 25-ի «Հայաստանի Հանրապետության հիմնական, ավագ, միջնակարգ հանրակրթական դպրոցներում, վարժարաններում, կրթահամալիրներում և միջին մասնագիտական ուսումնական հաստատություններում նախազորակոչային պատրաստության կարգը հաստատելու մասին» N 532 որոշմամբ հաստատված կարգում կատարել հետևյալ լրացումներն ու փոփոխությունները`
1) 1-ին կետի «ա» ենթակետը «42-րդ հոդվածների» բառերից հետո լրացնել «Սահմանապահ զորքերի մասին» Հայաստանի Հանրապետության օրենքի 8-րդ հոդվածի «ը» կետի» բառերով.
2) 3-րդ կետը «ոստիկանության» բառից հետո և 5-րդ կետի «գ», «զ» և «է» ենթակետերը «սպորտի և երիտասարդության հարցերի նախարարության» բառերից հետո լրացնել «, Հայաստանի Հանրապետության կառավարությանն առընթեր ազգային անվտանգության ծառայության» բառերով.
3) 5-րդ կետի «ժա» ենթակետի երկրորդ պարբերությունում «մանկավարժների» բառը փոխարինել «սպասարկող անձնակազմի» բառերով.
4) 5-րդ կետի «ժգ» ենթակետը շարադրել հետևյալ խմբագրությամբ.
«ժգ) զինվորական ղեկավարն ի պաշտոնե համարվում է ուսումնական հաստատության քաղաքացիական պաշտպանության շտաբի պետը, որը համակարգում է տվյալ ուսումնական հաստատության քաղաքացիական պաշտպանության շտաբի աշխատանքները.».
5) 6-րդ կետի «դ» ենթակետի երրորդ պարբերությունում «տեխնիկական» բառը փոխարինել «տեխնիկային» բառով.
6) 8-րդ կետի`
ա. «ա» ենթակետը շարադրել հետևյալ խմբագրությամբ.
«ա) իրականացնում է վերահսկողություն ուսումնական հաստատություններում ուսումնական զենք և ռազմամթերք պահելու` սահմանված կարգի ապահովման նկատմամբ.»,
բ. «բ» ենթակետն ուժը կորցրած ճանաչել,
գ. «դ» ենթակետը շարադրել հետևյալ խմբագրությամբ.
«դ) ուսումնական հաստատություններին ցուցաբերում է մեթոդական օգնություն, կատարում է հրահանգավորում, մանկավարժական կոլեկտիվի և սովորողների համար կազմակերպում է գործնական-տեսական պարապմունքներ` զենքի հետ անվտանգ վարվելու կանոնների իմացությանը, հասարակական կարգի և հասարակական անվտանգության ապահովմանը, հանցագործություններից և վարչական իրավախախտումներից` օրենքի սահմաններում պաշտպանվելու իմացությանը, ինչպես նաև ոստիկանություն-ուսումնական հաստատություն կապի անհրաժեշտությանը վերաբերող թեմաներով.».
7) կարգը լրացնել հետևյալ բովանդակությամբ նոր` 12-րդ կետով.
«12. Հայաստանի Հանրապետության կառավարությանն առընթեր ազգային անվտանգության ծառայությունը`
ա) աջակցում է ուսումնական հաստատությունների` զորամասերի, սահմանապահ ուղեկալների հետ կապերի ամրապնդմանը, սովորողների և զինվորական ղեկավարների հետ դաշտային պարապմունքների (հավաքների) անցկացմանը.
բ) զորամասերի հրամանատարների, կրթության ոլորտի և այլ շահագրգիռ մարմինների հետ համատեղ սովորողների համար կազմակերպում է մարտական փամփուշտներով հրաձգություն, ռազմահայրենասիրական խաղեր, մրցումներ և այլ միջոցառումներ.
գ) կրթական ոլորտի և այլ շահագրգիռ մարմինների հետ համատեղ ուսումնական հաստատություններում ստեղծում է «Սահմանապահի պատանի ընկերներ» ռազմահայրենասիրական բնույթի ակումբներ և աջակցում ակումբների աշխատանքներին.
դ) շահագրգիռ նախարարությունների հետ համատեղ կազմակերպում է խորհրդակցություններ պետական սահմանի պահպանմանը, քաղաքացիական պարտքի գիտակցմանը վերաբերող և այլ թեմաներով.
ե) ուսումնական հաստատությունը կցում է ուղեկալի կամ զորամասի, որը մշտական օգնություն է ցուցաբերում ՆԶՊ-ի և ռազմահայրենասիրական դաստիարակության կազմակերպման գործին.
զ) կազմակերպում է սովորողների այցելություններ ուղեկալ և սահմանապահ զորքերի ուսումնական կենտրոն, բաց դռների օրեր, հանդիպումներ մարտական գործողությունների մասնակիցների, մարտական պատրաստության գերազանցիկների հետ.
է) սովորողներին ծանոթացնում է ռազմական տեխնիկային, զինծառայողների կյանքին ու կենցաղին.
ը) պարապմունքների համար տրամադրում է հրաձգարաններ, ինքնաձիգ հրազեն, փամփուշտներ և այլ անհրաժեշտ միջոցներ.
թ) սովորողների հետ գործնական պարապմունքներ անցկացնելու նպատակով առաջարկում է թեկնածություններ սպաների, ենթասպաների և սերժանտների կազմից.
ժ) օժանդակում է ուսումնական հաստատությունների ՆԶՊ-ի ուսումնական ու նյութատեխնիկական բազայի հարստացման գործին:»:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
