14 Հուլիսի 2005, 1015 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2005 ԹՎԱԿԱՆԻ ՊԵՏԱԿԱՆ ԲՅՈՒՋԵԻ «ՏԱՐԵՑՆԵՐԻՆ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԾՐԱԳՐԻ ՇՐՋԱՆԱԿՆԵՐՈՒՄ ՏԱՐԵՑՆԵՐԻ ՏՈՒՆ-ԻՆՏԵՐՆԱՏՆԵՐԻ ԾԱՌԱՅՈՒԹՅՈՒՆՆԵՐԻ ՁԵՌՔԲԵՐՈՒՄ» ԵՎ «ԸՆՏԱՆԻՔՆԵՐԻՆ, ԿԱՆԱՆՑ ԵՎ ԵՐԵԽԱՆԵՐԻՆ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԾՐԱԳՐԻ ՇՐՋԱՆԱԿՆԵՐՈՒՄ ԵՐԵԽԱՆԵՐԻ ՏՈՒՆ-ԻՆՏԵՐՆԱՏՆԵՐԻ ԾԱՌԱՅՈՒԹՅՈՒՆՆԵՐԻ ՁԵՌՔԲԵՐՈՒՄ» ԾՐԱԳՐԵՐՈՎ ՆԱԽԱՏԵՍՎԱԾ ՄԻՋՈՑՆԵՐԻ ՀԱՇՎԻՆ ԻՐԱԿԱՆԱՑՎՈՂ ՎՃԱՐՈՒՄՆԵՐԻ ԵՎ ԾԱՎԱԼՆԵՐԻ ՆԵՐՔԻՆ ՎԵՐԱԲԱՇԽՄԱՆ ՄԱՍԻՆ
«Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածին համապատասխան` Հայաստանի Հանրապետության կառավարությունը ո ր ո շ ու մ է.
1. Թույլատրել Հայաստանի Հանրապետության աշխատանքի և սոցիալական հարցերի նախարարությանը «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 06 խմբի 04 ենթախմբի «07. Տարեցներին մատուցվող ծառայությունների ծրագրի շրջանակներում տարեցների տուն-ինտերնատների ծառայությունների ձեռքբերում» և 06 խմբի 04 ենթախմբի «20. Ընտանիքներին, կանանց և երեխաներին մատուցվող ծառայությունների ծրագրի շրջանակներում երեխաների տուն-ինտերնատների ծառայությունների ձեռքբերում» ծրագրերով նախատեսված միջոցների հաշվին 2005 թվականին տարեցների և երեխաների տուն-ինտերնատներում խնամվողների՝
ա) ժամանակավոր բացակայությունների դեպքում (բացառությամբ խնամվողների հիվանդանոցային բուժման մեջ գտնվելու դեպքերի)` ծառայություններ մատուցող կազմակերպություններին վճարելիս՝ մեկ խնամվողի միջին օրական ծախսից պակասեցնել միայն «Սննդի ձեռքբերման ծախսեր» ծախսային հոդվածի գծով ծախսերը,
բ) հաստատված թվի մինչև 20 տոկոսի թերակատարման դեպքում` ծառայություններ մատուցող կազմակերպություններին վճարելիս` մեկ խնամվողի միջին օրական ծախսից պակասեցնել միայն «Սննդի ձեռքբերման ծախսեր», «Այլ ծառայությունների ձեռքբերման ծախսեր» և «Այլ ծախսեր» ծախսային հոդվածների գծով ծախսերը,
գ) հաստատված թվի 20 և ավելի տոկոս թերակատարման դեպքում՝ ծառայաություններ մատուցող կազմակերպություններին վճարելիս` մեկ խնամվողի միջին օրական ծախսից պակասեցնել բոլոր` բացառությամբ «Աշխատավարձ» և «Պարտադիր սոցիալական ապահովագրական վճարներ» ծախսային հոդվածների գծով ծախսերը,
դ) փաստացի թվի վրա հիմնվելով` կատարել ծրագրերն իրականացնող կազմակերպությունների համար սահմանված ծավալների ներքին վերաբաշխումներ` «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածի բյուջետային ծախսերի գործառական դասակարգման 06 խմբի 04 ենթախմբի «07. Տարեցներին մատուցվող ծառայությունների ծրագրի շրջանակներում տարեցների տուն-ինտերնատների ծառայությունների ձեռքբերում» և 06 խմբի 04 ենթախմբի «20. Ընտանիքներին, կանանց և երեխաներին մատուցվող ծառայությունների ծրագրի շրջանակներում երեխաների տուն-ինտերնատների ծառայությունների ձեռքբերում» ծրագրերով նախատեսված ընդհանուր միջոցների սահմաններում:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
