7 Հուլիսի 2005, 984 - Ն
ՇԵՆՔԵՐ ՕՏԱՐԵԼՈՒ ՄԱՍԻՆ
Համաձայն Հայաստանի Հանրապետության քաղաքացիական օրենսգրքի 594-րդ և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածների` Հայաստանի Հանրապետության կառավարությունը
ո ր ո շ ու մ է.
1. Հայաստանի Հանրապետության կրթության և գիտության նախարարության «Հայկական գյուղատնտեսական ակադեմիա» պետական ոչ առևտրային կազմակերպությանն ամրացված` Հայաստանի Հանրապետության Արմավիրի մարզի Ոսկեհատի և Հայաստանի Հանրապետության Կոտայքի մարզի Բալահովտի ուսանողական հանրակացարանների շենքերը հետ վերցնել և անհատույց օտարել համապատասխանաբար Հայաստանի Հանրապետության Արմավիրի մարզի Ոսկեհատի և Հայաստանի Հանրապետության Կոտայքի մարզի Բալահովտի գյուղական համայնքներին:
2. Հայաստանի Հանրապետության կրթության և գիտության նախարարին՝ մեկամսյա ժամկետում համապատասխան գյուղական համայնքների ղեկավարների հետ համատեղ` սահմանված կարգով ապահովել սույն որոշման 1-ին կետում նշված շենքերի նվիրատվության պայմանագրերի կնքումը և գույքային իրավունքների պետական գրանցումը` պետական գրանցման ծախսերը կատարելով գյուղական համայնքների միջոցների հաշվին:
3. Ուժը կորցրած ճանաչել Հայաստանի Հանրապետության կառավարության
2002 թվականի ապրիլի 27-ի «Հայկական գյուղատնտեսական ակադեմիան վերակազմակերպելու մասին» N 471 որոշմանը կից ցանկի 9-րդ և 10-րդ կետերը:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։
