Հայաստանի Հանրապետության էլեկտրոնային կառավարում | e-gov

Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 1997 թվականի հուլիսի 31-ի «Հայաստանի Հանրապետության տարածքում առաքվող կամ տրամադրվող կամ տեղափոխվող արտադրանքի, ապրանքների գրանցման (հաշվառման) մասինե N 314 որոշման մեջ կատարել հետևյալ փոփոխությունները և լրացումները`
1) որոշման 2-րդ կետում «հարկային պետական ծառայությունըե բառերը փոխարինել «պետական եկամուտների կոմիտենե բառերով և կետից հանել «և էկոնոմիկայիե բառերը.
2) որոշման 1-ին կետով հաստատված՝ Հայաստանի Հանրապետության տարածքում առաքվող կամ տրամադրվող կամ տեղափոխվող արտադրանքի, ապրանքների գրանցման (հաշվառման) մասին կարգի՝
ա. 1-ին կետի երկրորդ պարբերությունը շարադրել հետևյալ խմբագրությամբ.
«Սույն կարգի դրույթները չեն տարածվում՝
ա) «Ավելացված արժեքի հարկի մասինե Հայաստանի Հանրապետության օրենքի 3-րդ հոդվածի համաձայն ԱԱՀ վճարող համարվող այն անձանց վրա, որոնք հարկային հաշիվները ԱԱՀ-ի հաշվետու ժամանակաշրջանում օրենքով սահմանված կարգով դուրս են գրում բացառապես էլեկտրոնային եղանակով։ Այն ԱԱՀ վճարողները, որոնք ԱԱՀ-ի որևէ հաշվետու ժամանակաշրջանում էլեկտրոնային եղանակից բացի հարկային հաշիվներն օրենքով սահմանված կարգով դուրս են գրել նաև թղթային եղանակով, սույն կարգին համապատասխան գրանցումները (հաշվառումը) իրականացնում են առաջին անգամ թղթային եղանակով հարկային հաշվի դուրսգրման օրվանից մինչև հաշվետու ժամանակաշրջանի վերջին օրը (ներառյալ),
բ) «Ավելացված արժեքի հարկի մասինե Հայաստանի Հանրապետության օրենքի 3-րդ հոդվածի համաձայն` ԱԱՀ վճարող չհամարվող այն անձանց վրա, որոնց համար օրենքով սահմանված կարգով հսկիչ-դրամարկղային մեքենաների կիրառումը պարտադիր է ԱԱՀ վճարող չհամարվելու ժամանակատվածում,
գ) ավտոտրանսպորտային միջոցների գազալցման (գազալիցքավորման) գործունեություն իրականացնողների վրա՝ գազալցման (գազալիցքավորման) այն կետերի մասով, որտեղ Հայաստանի Հանրապետության կառավարության սահմանած տեխնիկական կանոնակարգին համապատասխան առկա են լիցքավորման բաշխիչ աշտարակներ,
դ) բանկերի, ապահովագրական ընկերությունների, արժեթղթերի շուկայի մասնագիտացված մասնակիցների, վճարահաշվարկային և վարկային կազմակերպությունների վրա,
ե) «Հաստատագրված վճարների մասինե Հայաստանի Հանրապետության օրենքով սահմանված կարգով հաստատագրված վճար վճարողների վրա` բացառապես հաստատագրված վճարով հարկվող գործունեության մասով (անկախ օրենքով սահմանված սահմանային չափերը գերազանցելու հանգամանքից)։ե,
բ. 2-րդ կետի երկրորդ պարբերությունը «ձևաթղթերի տեղափոխումըե բառերից հետո լրացնել «, ԱԱՀ վճարող համարվող անձանց կողմից oրենքով սահմանված կարգով էլեկտրոնային եղանակով դուրս գրված հարկային հաշիվներով առաքումըե բառերով,
գ. 5-րդ կետի առաջին պարբերությունում «մասումե բառը փոխարինել «պարբերությունումե բառով, իսկ երկրորդ պարբերության «բե ենթակետում «տրամադրումը (հատկացումը, բացթողումը, այլ ձևով օտարումը, այդ թվում` անհատույց)ե բառերը՝ «, շարժական (նյութական) գույք հանդիսացող հիմնական միջոցների տրամադրումը (օտարումը, այդ թվում` անհատույց)ե բառերով,
դ. 8-րդ կետի երկրորդ պարբերության առաջին նախադասությունը «անմիջապես հաջորդ տողումե բառերից հետո լրացնել «(սխալ գրառումից հետո գրքում տողեր լրացված լինելու դեպքում` վերջին գրառման տողից հետո)ե, իսկ երկրորդ նախադասությունը «սխալ գրառման մասինե բառերից հետո՝ «, նշելով սխալի ուղղման, ամսաթիվը, ամիսը, տարեթիվը, ճիշտ գրառման տողի համարը՝ հաստատելով գրառում կատարողի ստորագրությամբ։ե բառերով։
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։