Հայաստանի Հանրապետության էլեկտրոնային կառավարում | e-gov

Համաձայն «Ճանապարհային երթևեկության անվտանգության ապահովման մասինե Հայաստանի Հանրապետության 2005 թվականի հուլիսի 8-ի ՀՕ-166-Ն օրենքի 9-րդ հոդվածի 1-ին մասի «ժաե կետի, 13-րդ հոդվածի 1-ին և 24-րդ մասերի՝ Հայաստանի Հանրապետության կառավարությունը ո ր ո շ ու մ է.
1. Սահմանել՝
1) պետական գրանցման ենթակա տրանսպորտային միջոցների տեսակների ցանկը՝ համաձայն N 1 հավելվածի.
2) տրանuպորտային միջոցների պետական հաշվառման կարգը` համաձայն N 2 հավելվածի.
3) տրանuպորտային միջոցի պետական հաշվառման համար պարտադիր ներկայաց-վող փաuտաթղթերի ցանկը` համաձայն N 3 հավելվածի.
4) տրանuպորտային միջոցի սեփականության իրավունքի պետական գրանցման համար պարտադիր ներկայացվող փաuտաթղթերի ցանկը` համաձայն N 4 հավելվածի.
5) միաժամանակ տրանuպորտային միջոցի սեփականության իրավունքի պետական գրանցում և պետական հաշվառում իրականացնելու համար պարտադիր ներկայացվող փաuտաթղթերի ցանկը` համաձայն N 5 հավելվածի.
6) տրանuպորտային միջոցի սեփականության իրավունքի պետական գրանցման վկայականի ձևը՝ համաձայն N 6 հավելվածի.
7) տրանսպորտային միջոցի հաշվառման ազգային վկայագրի ձևը և նկարագիրը՝ համաձայն N 7 հավելվածի.
8) տրանսպորտային միջոցի հաշվառման միջազգային վկայագրի ձևը և նկարագիրը՝ համաձայն N 8 հավելվածի.
9) «Ժամանակավոր ներմուծումե մաքuային ռեժիմով Հայաuտանի Հանրապետություն ներմուծված տրանuպորտային միջոցի հաշվառման վկայագրի ձևը՝ համաձայն N 9 հավելվածի.
10) «Ժամանակավոր ներմուծումե մաքuային ռեժիմով Հայաuտանի Հանրապետություն ներմուծված տրանuպորտային միջոցների հաշվառման կարգը՝ համաձայն N 10 հավելվածի։
2. Սահմանել, որ եթե «Ճանապարհային եթրևեկության անվտանգության ապահովման մասինե Հայաստանի Հանրապետության օրենքի 13-րդ հոդվածով նախատեսված տրանսպորտային միջոցների սեփականության իրավունքի պետական գրանցման և սույն որոշմամբ սահմանված տրանսպորտային միջոցների պետական հաշվառման գործողությունները կատարվում են միաժամանակ, ապա դրանք իրականացվում են որպես մեկ միասնական գործողություն, որի դեպքում ներկայացվում են սույն որոշման 1-ին կետի 5-րդ ենթակետով սահմանված ցանկով նախատեսված փաստաթղթերը։
3. Սահմանել, որ սույն որոշմամբ սահմանված կարգով տրանսպորտային միջոցը հաշվառումից ժամանակավոր հանվելու, ինչպես նաև խոտանման հիմքով տրանսպորտային միջոցը հաշվառումից հանվելու դեպքում համապատասխան տրանսպորտային միջոցը համարվում է «Ավտոտրանսպորտային միջոցների օգտագործումից բխող պատասխա-
նատվության պարտադիր ապահովագրության մասինե Հայաստանի Հանրապետության օրենքի իմաստով պետական հաշվառումից հանված (չհաշվառված)։
4. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին` սույն որոշումն ուժի մեջ մտնելուց հետո 5-օրյա ժամկետում հաստատել սույն որոշման 1-ին կետի 2-րդ ենթակետով սահմանված կարգի 11-րդ կետով, 12-րդ կետի 7-րդ ենթակետով, 16-րդ կետի 7-րդ ենթակետով, 20-րդ և 24-րդ կետերով, ինչպես նաև սույն որոշման 1-ին կետի 10-րդ ենթակետով սահմանված կարգի 8-րդ և 13-րդ կետերով նախատեսված վարչական ակտի, մատյանների, հաշվառման քարտի և տեղեկանքների ձևերը։
5. Ուժը կորցրած ճանաչել Հայաuտանի Հանրապետության կառավարության 2006 թվականի նոյեմբերի 30-ի «Տրանսպորտային միջոցների պետական հաշվառման կարգը հաստատելու մասինե N 1853-Ն որոշման 1-ին, 2-րդ, 3-րդ և 6-րդ կետերն ու 2007 թվականի oգոuտոuի 30-ի «Հայաստանի Հանրապետություն ժամանակավորապես ներմուծված տրանսպորտային միջոցներին հաշվառման փաստաթղթեր և հաշվառման համարանիշեր չտրամադրելու դեպքերը սահմանելու մասինե N 1041-Ն որոշումը։
6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։
7. Սույն որոշմամբ սահմանված ավտոտրանսպորտային միջոցների օգտագործումից բխող պատասխանատվության պարտադիր ապահովագրության գործող կտրոն ներկայացնելու վերաբերյալ դրույթներն ուժի մեջ են մտնում 2011 թվականի հունվարի 1-ից։
8. Ճանապարհային ոստիկանության համապատասխան ստորաբաժանումներն առցանց տեխնիկական միջոցներով ապահովելու հանգամանքով պայմանավորված` սույն որոշման 1-ին կետի 4-րդ ենթակետով հաստատված ցանկի 1-ին կետի 4-րդ ենթակետով և 2-րդ կետով նախատեսված դրույթներն ուժի մեջ են մինչև 2012 թվականի դեկտեմբերի 31-ը։
Հավելված