Հայաստանի Հանրապետության էլեկտրոնային կառավարում | e-gov

Հիմք ընդունելով «Առևտրի և ծառայությունների մասին» Հայաստանի Հանրապետության օրենքը և ղեկավարվելով «Իրավական ակտերի մասին» Հայաստանի Հանրապետության օրենքի 9-րդ հոդվածի 4-րդ կետի պահանջով` Հայաստանի Հանրապետության կառավարությունը ո ր ո շ ու մ է.

1. Ուժը կորցրած ճանաչել`

ա) Հայաստանի Հանրապետության կառավարության 1998 թվականի հունվարի 28-ի «Մանրածախ առևտրի հիմնական կանոնները հաստատելու մասին» N 35 որոշումը,

բ) Հայաստանի Հանրապետության կառավարության 1997 թվականի դեկտեմբերի 16-ի «Կենցաղային սպասարկման հիմնական կանոնները հաստատելու մասին» N 586 որոշումը,

գ) Հայաստանի Հանրապետության կառավարության 1997 թվականի դեկտեմբերի 19-ի «Մեծածախ առևտրի հիմնական կանոնները հաստատելու մասին» N 595 որոշումը,

դ) Հայաստանի Հանրապետության կառավարության 1997 թվականի դեկտեմբերի 24-ի «Հանրային սննդի կազմակերպման կանոնները հաստատելու մասին» N 605 որոշումը,

ե) Հայաստանի Հանրապետության կառավարության 1997 թվականի դեկտեմբերի 24-ի «Սպառողական ապրանքների շուկաներում առևտրի կանոնները հաստատելու մասին» N 606 որոշումը,

զ) Հայաստանի Հանրապետության կառավարության 1997 թվականի դեկտեմբերի 18-ի «Գյուղատնտեսական արտադրանքի շուկաներում առևտրի կանոնները հաստատելու մասին» N 592 որոշումը,

է) Հայաստանի Հանրապետության կառավարության 2002 թվականի դեկտեմբերի 13-ի «Հայաստանի Հանրապետության կառավարության մի շարք որոշումներում լրացումներ կատարելու մասին» N 2035-Ն որոշումը:

2. Սույն որոշումն ուժի մեջ է մտնում 2006 թվականի հունվարի 1-ից: