Հայաստանի Հանրապետության էլեկտրոնային կառավարում | e-gov

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի և 23-րդ հոդվածի 3-րդ մասերին համապատասխան` Հայաստանի Հանրապետության կառավարությունը ո ր ո շ ու մ է.

1. «Հայաստանի Հանրապետության 2005 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում` համաձայն N 1 հավելվածի։

2. Հայաստանի Հանրապետության կառավարության 2005 թվականի փետրվարի 24-ի «Հայաստանի Հանրապետության 2005 թվականի պետական բյուջեի կատարումն ապահովող միջոցառումների մասին» N 265-Ն որոշման N 5 հավելվածում կատարել փոփոխություններ և լրացում` համաձայն N 1 հավելվածի, N 5 հավելվածի 23-րդ աղյուսակում կատարել փոփոխություն և լրացումներ` համաձայն NN 2 և 3 հավելվածների։

3. Հայաստանի Հանրապետության 2005 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից հատկացնել`

ա) Հայաստանի Հանրապետության գյուղատնտեսության նախարարությանը՝ Հայաստանի Հանրապետության Արմավիրի մարզի Հացիկի գյուղական համայնքում 120 հեկտար հողատարածության ոռոգման նպատակով խորքային հոր հորատելու համար` 14000.0 հազ. դրամ (բյուջետային ծախսերի տնտեսագիտական դասակարգման «Կապիտալ շինարարության ծախսեր» հոդվածով).

բ) Հայաստանի Հանրապետության Գեղարքունիքի մարզպետարանին՝ հողօգտագործողներին աջակցելու նպատակով կարտոֆիլի տնկանյութ ձեռք բերելու համար 15000.0 հազ.դրամ (բյուջետային ծախսերի տնտեսագիտական դասակարգման «Այլ ծախսեր» հոդվածով).

գ) Հայաստանի Հանրապետության Սյունիքի մարզպետարանին՝ հողօգտագործողներին աջակցելու նպատակով կարտոֆիլի տնկանյութ ձեռք բերելու համար` 4500.0 հազ. դրամ (բյուջետային ծախսերի տնտեսագիտական դասակարգման «Այլ ծախսեր» հոդվածով)։

4. Սույն որոշման 3-րդ կետի «բ» և «գ» ենթակետերում նշված ծախսերի հաշվին ձեռքբերված կարտոֆիլի տնկանյութը բաշխել համաձայն N 4 հավելվածի։

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից