30 Ապրիլի 2009, 464 - Ա
1988-1992 ԹՎԱԿԱՆՆԵՐԻՆ ԱԴՐԲԵՋԱՆԻՑ ԲՌՆԱԳԱՂԹԱԾ, ԵՐԵՎԱՆ ՔԱՂԱՔՈՒՄ ԲՆԱԿՎՈՂ ՍԵԴԱ ԳԱՍՊԱՐՅԱՆԻ ԲՆԱԿԱՐԱՆԱՅԻՆ ԽՆԴԻՐԸ ԼՈՒԾԵԼՈՒ ՄԱՍԻՆ
Հայաստանի Հանրապետության կառավարության 2005 թվականի փետրվարի 24-ի N 309-Ն որոշմանը համապատասխան` Հայաստանի Հանրապետության կառավարությունը ո ր ո շ ու մ է.
1. «Հայաստանի Հանրապետության 2009 թվականի պետական բյուջեի մասին» Հայաստանի Հանրապետության օրենքի N 1 հավելվածի N 1 աղյուսակի 10 բաժնի 06 խմբի
01 դասի «02. Բնակարանային ապահովում` բնակարանների գնման վկայագրերի տրամադրման միջոցով» ծախսային ծրագրով փախստական ընտանիքների համար նախատեսված հատկացումների սահմաններում անհատույց պետական ֆինանսական աջակցության տրամադրման միջոցով լուծել 1988-1992 թվականներին Ադրբեջանից բռնագաղթած, Երևան քաղաքում բնակվող Սեդա Գասպարյանի բնակարանային խնդիրը։
2. Հայաստանի Հանրապետության քաղաքաշինության նախարարին` Սեդա Գասպարյանին ֆինանսական աջակցությունը տրամադրել բնակարանի գնման վկայագրի միջոցով` Հայաստանի Հանրապետության կառավարության 2005 թվականի փետրվարի 24-ի N 309-Ն որոշմամբ հաստատված կարգով սահմանված ընթացակարգին համապատասխան։
