Հայաստանի Հանրապետության էլեկտրոնային կառավարում | e-gov

Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2008 թվականի հոկտեմբերի 30-ի «Հարկային վարչարարությանն օժանդակության նպատակով վիճակահանության անցկացման և պարգևավճարների տրամադրման կարգը հաստատելու մասին» N 1330-Ն որոշման մեջ կատարել հետևյալ լրացումները և փոփոխությունները`
1) որոշման 1-ին կետը լրացնել հետևյալ բովանդակությամբ նոր` 3-րդ ենթակետով.
«3) հարկային վարչարարությանն օժանդակության նպատակով վիճակահանության արդյունքում չշահած կտրոնների խմբաքանակների համար բոնուսի չափերը` համաձայն N 3 հավելվածի։».
2) որոշմամբ հաստատված կարգում`
ա. 1-ին կետը «պարգևավճարների» բառից հետո լրացնել «, ինչպես նաև վիճակահանության արդյունքում չշահած կտրոնների խմբաքանակներ տիրապետող ֆիզիկական անձանց բոնուսների հաշվարկման և» բառերով,
բ. 2-րդ կետի 8-րդ ենթակետը շարադրել հետևյալ խմբագրությամբ.
«8) բոնուս` վիճակահանության արդյունքում չշահած կտրոնների խմբաքանակների համար սույն կարգին համապատասխան հաշվարկվող գումար։»,
գ. ուժը կորցրած ճանաչել 6-րդ կետը,
դ. 10-րդ կետը «պարգևավճարների» բառից հետո լրացնել «(բազային պարգևավճարների և բոնուսների)» բառերով,
ե. 12-րդ կետը շարադրել հետևյալ խմբագրությամբ.
«12. Յուրաքանչյուր եռամսյակի ընթացքում տրամադրված` հսկիչ-դրամարկղային մեքենաների` հատուկ համարներ պարունակող և սույն կարգին համապատասխան իրականացված վիճակահանությունների արդյունքում չշահած կտրոնները Հայաստանի Հանրապետության կառավարության 2008 թվականի հոկտեմբերի 30-ի N 1330-Ն որոշմամբ սահմանված կարգով ու ժամկետներում հարկային մարմին ներկայացնելու դեպքում կտրոնների խմբաքանակների համար հաշվարկվում և վճարվում է բոնուս` Հայաստանի Հանրապետության կառավարության 2008 թվականի հոկտեմբերի 30-ի
N 1330-Ն որոշման N 3 հավելվածով սահմանված չափերով։»,
զ. 13-րդ կետում «տրամադրման» բառը փոխարինել «և վճարման» բառերով,
է. կարգը լրացնել հետևյալ բովանդակությամբ նոր` 13.1-ին կետով.
«13.1. Պարգևավճարների հիմնադրամը կարող է համալրվել Հայաստանի Հանրապետության կառավարությանն առընթեր պետական եկամուտների կոմիտեի կողմից «Հրապարակային սակարկությունների մասին» Հայաստանի Հանրապետության օրենքով սահմանված կարգով իրականացվող` հսկիչ-դրամարկղային մեքենաների` որոշակի խմբաքանակների կտրոնների դարձերեսներին ֆիրմային անվանումներ, ապրանքային և սպասարկման նշաններ տեղադրելու համար հրապարակային սակարկությունների արդյունքում Հայաստանի Հանրապետության պետական բյուջե վճարվող գումարների հաշվին։»,
ը. 14-րդ կետի առաջին և երրորդ նախադասություններից հանել «և բոնուս» բառերը,
թ. 15-րդ կետից հանել «և բոնուս» բառերը, իսկ «տրամադրվում են» բառերը փոխարինել «տրամադրվում է» բառերով,
ժ. 18-րդ կետից հանել «և բոնուսի» բառերը,
ժա. կարգը լրացնել հետևյալ բովանդակությամբ նոր` 18.1-ին կետով.
«18.1. Սույն կարգի 12-րդ կետում նշված վիճակահանությունների արդյունքում չշահած կտրոններ տիրապետող ֆիզիկական անձինք բոնուս ստանալու նպատակով կարող են մինչև յուրաքանչյուր եռամսյակին հաջորդող եռամսյակի վերջին աշխատանքային օրը Հայաստանի Հանրապետության կառավարությանն առընթեր պետական եկամուտների կոմիտեի հարկային (տարածքային) տեսչություն ներկայանալ անձնագրով կամ անձը հաստատող փաստաթղթով` ներկայացնելով դիմում, որին կցվում են հսկիչ-դրամարկղային մեքենայի կտրոնների բնօրինակները (խմբավորելով ըստ Հայաստանի Հանրապետության կառավարության 2008 թվականի հոկտեմբերի 30-ի N 1330-Ն որոշման N 3 հավելվածում նշված խմբաքանակների և գործարքների ընդհանուր արժեքի նվազագույն չափերի, ստորագրելով յուրաքանչյուր կտրոնի դարձերեսին), անձնագրի կամ անձը հաստատող փաստաթղթի պատճենը։ Ներկայացված խմբաքանակներով կտրոնները հարկային մարմնի կողմից ստուգվելուց հետո դրանք ներկայացնող ֆիզիկական անձին տրվում է հարկային մարմնի ղեկավարի կողմից հաստատված ձևով միջնորդագիր` հաշվարկված բոնուսն ստանալու նպատակով բանկ ներկայացնելու համար։ Ներկայացված խմբաքանակները սույն կարգին չհամապատասխանելու դեպքում դրանք վերադարձվում են ներկայացնողին։ Ֆիզիկական անձինք բոնուս ստանալու համար մինչև յուրաքանչյուր եռամսյակին հաջորդող եռամսյակի վերջին աշխատանքային օրը բանկ են ներկայանում անձնագրով կամ անձը հաստատող փաստաթղթով` ներկայացնելով հարկային մարմնի կողմից տրված միջնորդագիրը, անձնագրի կամ անձը հաստատող փաստաթղթի պատճենը։»,
ժբ. 19-րդ կետի 3-րդ ենթակետը «նախորդող ամսվան» բառերից հետո լրացնել «(բոնուս ստանալու նպատակով նախորդ եռամսյակին)» բառերով.
3) որոշումը լրացնել N 3 հավելվածով` համաձայն հավելվածի։
3. Հայաստանի Հանրապետության կառավարությանն առընթեր պետական եկամուտների կոմիտեի նախագահին` սույն որոշումն ուժի մեջ մտնելուց հետո`
1) մեկամսյա ժամկետում, «Հրապարակային սակարկությունների մասին» Հայաստանի Հանրապետության օրենքին համապատասխան, ստեղծել աճուրդային հանձնաժողով.
2) եռամսյա ժամկետում, «Հրապարակային սակարկությունների մասին» Հայաստանի Հանրապետության օրենքին համապատասխան, հաստատել աճուրդի կանոնակարգը։
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։ 2009 թվականի մարտ ամսվա ընթացքում տրամադրված` հսկիչ-դրամարկղային մեքենաների շահող կտրոնների համար բոնուսը հաշվարկվում և վճարվում է մինչև սույն որոշումն ուժի մեջ մտնելը գործող կարգով։ 2009 թվականի ապրիլի 1-ից սկսած` տրամադրված հսկիչ-դրամարկղային մեքենաների կտրոնների համար բոնուսը հաշվարկվում և վճարվում է սույն որոշմամբ սահմանված կարգով։
Հավելված