11 Դեկտեմբերի 2008, 1467 - Ա
«ՆԵՅՏՐՈՆ ԳԱՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՎԱՌՈԴ ՆԵՐՄՈՒԾԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ Մ Ա Ս Ի Ն
Հայաստանի Հանրապետության կառավարության 1995 թվականի դեկտեմբերի 29-ի N 124 որոշման 8-րդ կետին համապատասխան` Հայաստանի Հանրապետության կառավարությունը ո ր ո շ ու մ է.
1. Թույլատրել «ՆԵՅՏՐՈՆ ԳԱՄ» փակ բաժնետիրական ընկերությանը փամփուշտների արտադրության համար 2008-2009 թվականների ընթացքում Ռուսաստանի Դաշնությունից Հայաստանի Հանրապետություն ներմուծել վառոդ` հետևյալ մակնիշների և քանակության`
Սունար 7,62 17 000 կգ
Իրբիս-Լյուգեր 1000 կգ
Սունար 24/2 1 000 կգ
Սունար 35 M 10 000 կգ
Սունար 5,56 5000 կգ
2. Հայաստանի Հանրապետության բնապահպանության նախարարին, Հայաստանի Հանրապետության առողջապահության նախարարին, Հայաստանի Հանրապետության կառավարությանն առընթեր ազգային անվտանգության ծառայության տնօրենին, Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին և Հայաստանի Հանրապետության կառավարությանն առընթեր պետական եկամուտների կոմիտեի նախագահին` սահմանված կարգով ապահովել «ՆԵՅՏՐՈՆ ԳԱՄ» փակ բաժնետիրական ընկերության կողմից ներմուծվող վառոդի ստացման, փոխադրման, պահեստավորման, պահպանության և անվտանգության պայմանների նկատմամբ վերահսկողությունը։
3. Ներմուծված վառոդը երրորդ կողմին վաճառելու դեպքում «ՆԵՅՏՐՈՆ ԳԱՄ» փակ բաժնետիրական ընկերությունը պարտավոր է դրա մասին նախօրոք տեղեկացնել Հայաստանի Հանրապետության կառավարությանն առընթեր ազգային անվտանգության ծառայությանը և Հայաստանի Հանրապետության կառավարությանն առընթեր Հայաստանի Հանրապետության ոստիկանությանը տրամադրելով համապատասխան տեղեկություններ գործարքի կողմի, վաճառվող ապրանքատեսակի և քանակի մասին։
