Հայաստանի Հանրապետության էլեկտրոնային կառավարում | e-gov

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը ո ր ո շ ու մ է.
  1. Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության քաղաքաշինության նախարարությանը 2008 թվականի երրորդ եռամսյակում հատկացնել 84022.0 հազ. դրամ (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով), որից`
  1) Հայաստանի Հանրապետության Վայոց ձորի մարզի տարածքային հատակագծման նախագծի (Ջերմուկի նոր օդանավակայանի տարածքի ընտրության ներառմամբ) մշակման համար` 44022.0 հազ. դրամ.
  2) Ջերմուկ քաղաքի չգործող օդանավակայանի տարածքում առաջնահերթ կառուցապատման սխեմաների նախագծերի մշակման համար` 30000.0 հազ. դրամ.
  3) Ջերմուկ քաղաքի ուղղաթիռների գրունտային հարթակի և սպասարկման կայանի նախագծի մշակման համար` 10000 .0 հազ. դրամ: