4 Ապրիլի 2008, 325 - Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՓԵՏՐՎԱՐԻ 12-Ի N 218-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ «ՆՈՐ ԱԿՈՒՆՔ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՍՈՒԲՍԻԴԻԱ ՀԱՏԿԱՑՆԵԼՈՒ ՄԱՍԻՆ
Համաձայն Հայաստանի Հանրապետության կառավարության 2007 թվականի դեկտեմբերի 20-ի N 1540-Ն որոշման 18-րդ կետի 1-ին ենթակետի «բ» պարբերության, ինչպես նաև ելնելով «Նոր Ակունք» փակ բաժնետիրական ընկերության կողմից սպասարկվող ջրամատակարարման և ջրահեռացման համակարգերի անխափան շահագործման ու ընկերության ֆինանսատնտեսական գործունեության բարելավման անհրաժեշտությունից` Հայաստանի Հանրապետության կառավարությունը ո ր ո շ ու մ է.
1. Հայաստանի Հանրապետության կառավարության 2004 թվականի փետրվարի 12-ի «Նոր Ակունք» փակ բաժնետիրական ընկերության գործունեության բարելավման միջոցառումների և Հայաստանի Հանրապետության կառավարության 2003 թվականի հունիսի 5-ի N 751-Ն որոշման մեջ փոփոխություններ կատարելու մասին» N 218-Ն որոշման մեջ կատարել հետևյալ փոփոխությունները`
1) որոշման 5-րդ կետում «2008» թիվը փոխարինել «2009» թվով.
2) որոշման 6-րդ կետի «բ» ենթակետի երկրորդ պարբերությունում «2007» թիվը փոխարինել «2009» թվով:
2. «Նոր Ակունք» փակ բաժնետիրական ընկերության 2008 թվականի ֆինանսական գործունեության արդյունքում առաջացող ճեղքվածքը մարելու նպատակով ընկերությանը հատկացնել 73486.0 հազ. դրամի չափով սուբսիդիա:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
