Հայաստանի Հանրապետության էլեկտրոնային կառավարում | e-gov

Հայաստանի Հանրապետության կառավարությունը ո ր ո շ ու մ է.

1. Հաստատել`

1) գիտական կամ գիտատեխնիկական կազմակերպություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 1 հավելվածի.

2) Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնվող, ինչպես նաև պետական ոչ առևտրային կազմակերպություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 2 հավելվածի.

3) հանրակրթական դպրոցներին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 3 հավելվածի.

4) հատուկ (օժանդակ) հանրակրթական դպրոցներին, ընդհանուր տիպի մանկատներին, երեխաների խնամքի և պաշտպանության կազմակերպություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 4 հավելվածի.

5) միջին մասնագիտական ուսումնական հաստատություններին (քոլեջներին) և նախնական մասնագիտական (արհեստագործական) ուսումնական հաստատություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 5 հավելվածի.

6) բարձրագույն ուսումնական հաստատություններին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 6 հավելվածի.

7) ծերերի և հաշմադամների տուն-ինտերնատներին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 7 հավելվածի.

8) մասնագիտացված մանկատներին անհատույց օգտագործման իրավունքով ամրացվող տարածքների հաշվարկման նվազագույն նորմատիվները (այսուհետ` նորմատիվներ)` համաձայն N 8 հավելվածի:

2. Սահմանել, որ սույն որոշման մեջ օգտագործվող հասկացություններն ունեն հետևյալ իմաստը`

1) հաշվարկային մակերես` շենքի, շինության բոլոր սենքերի մակերեսների հանրագումարը` բացառությամբ օժանդակ սենքերի մակերեսների.

2) օժանդակ սենքեր` սենքի, շինության հաշվարկային մակերեսում չներառված սենքերը, այդ թվում` միջանցքներ, նախամուտքեր, հանդերձարաններ, անցումներ, նկուղներ, աստիճանավանդակներ, վերելակային հորեր, ներքին բաց աստիճաններ և թեքահարթակներ, ինչպես նաև ինժեներատեխնիկական սարքավորումների և ցանցերի տեղադրման համար նախատեսված վերգետնյա և ստորգետնյա տարածքներ.

3) այլ տարածքներ` սույն նորմատիվների սենքերի կազմում չներառված, սակայն տվյալ կազմակերպության բնականոն գործունեության ապահովման համար անհրաժեշտ գործառնական տարածքներ:

3. Սույն որոշման 1-ին կետով հաստատված տարածքների հաշվարկային մակերեսների նորմատիվները ենթակա են կիրառման շենքերի և շինությունների սանիտարահիգիենիկ, հակահրդեհային, լուսավորվածության, ինչպես նաև տարահանման նորմատիվային պահանջների կատարման ապահովմամբ:

4. Սահմանել, որ սույն որոշման 1-ին կետով հաստատված նորմատիվները չեն տարածվում պատմամշակութային անշարժ հուշարձան հանդիսացող շենքերի և շինությունների, ինչպես նաև մշակույթի և արվեստի ոլորտի պետական ոչ առևտրային կազմակերպություններին անհատույց օգտագործման իրավունքով ամրացվող տարածքների հաշվարկման վրա` բացառությամբ միջնակարգ մասնագիտական երաժշտական դպրոցների, գեղարվեստական (երաժշտություն, պարարվեստ, կերպարվեստ, թատրոն, կիրառական արվեստ) ուղղվածությամբ մասնագիտական ուսումնական հաստատությունների, ինչպես նաև 7-ամյա կրթությամբ երաժշտական դպրոցների:

5. Ուժը կորցրած ճանաչել Հայաստանի Հանրապետության կառավարության 2001 թվականի հունիսի 14-ի «Պետական հիմնարկներին տրամադրվող տարածքների հաշվարկման նորմատիվները հաստատելու մասին» N 532 և մայիսի 3-ի «Նախագծային աշխատանքներ իրականացնող ընկերություններին անհատույց օգտագործման տրամադրվող տարածքների նորմատիվները հաստատելու մասին» N 379 որոշումները:

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: