15 Փետրվարի 2021, 120 - Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏԻ 2019 ԹՎԱԿԱՆԻ ԴԵԿՏԵՄԲԵՐԻ 24-Ի N 950-Ա ՈՐՈՇՄԱՄԲ ՀԱՍՏԱՏՎԱԾ ԾՐԱԳՐԻՆ ՀԱՐԱԿԻՑ ԳՈՐԾԱՐՔՆԵՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 3-րդ կետը՝
1. Սահմանել, որ «Սիմոնյան» կրթական հիմնադրամի կողմից (ՀՎՀՀ՝ 01245672) կնքված՝ ստորև նշված պայմանագրերով նախատեսված գործարքները, անմիջականորեն կապված են Հայաստանի Հանրապետության փոխվարչապետի 2019 թվականի դեկտեմբերի 24-ի «Սիմոնյան» կրթական հիմնադրամի կողմից իրականացվող «Թումո ստեղծարար տեխնոլոգիաների կենտրոններ» ծրագրի մասին» N 950 Ա որոշմամբ հաստատված ծրագրի իրականացման հետ և դրա համար ունեն զգալի նշանակություն՝
1) «Վալիռով» ՍՊԸ-ի (ՀՎՀՀ՝ 01007901) հետ 2021 թվականի հունվարի 25-ին կնքված պայմանագրում նշված գործարքը, որով նախատեսվում է շինանյութի ձեռքբերում՝ 500,000 դրամի չափով, առանց ավելացված արժեքի հարկի.
2) «Սոֆադ» ՍՊԸ-ի (ՀՎՀՀ՝ 00019746) հետ 2021 թվականի հունվարի 25-ին կնքված պայմանագրում նշված գործարքը, որով նախատեսվում է տնտեսական և կենցաղային ապրանքների ձեռքբերում՝ 2,000,000 դրամի չափով, առանց ավելացված արժեքի հարկի.
3) «Նոր գինդ» ՍՊԸ-ի (ՀՎՀՀ՝ 00801756) հետ 2021 թվականի հունվարի 25-ին կնքված պայմանագրում նշված գործարքը, որով նախատեսվում է Թումո Սևանի, Կապանի և Արենիի կենտրոնների հատակների պոլիուրեթանային ծածկույթով պատում՝ 2,478,000 դրամի չափով, առանց ավելացված արժեքի հարկի.
4) «Բեսթ փրոջեքթ» ՍՊԸ-ի (ՀՎՀՀ՝ 00891838) հետ 2021 թվականի հունվարի 25-ին կնքված պայմանագրում նշված գործարքը, որով է տրանսպորտային ծառայությունների մատուցում՝ 105,000 դրամի չափով, առանց ավելացված արժեքի հարկի:
