4 Հոկտեմբերի 2019, 692 - Ա
ՀԱՅ ԱՌԱՔԵԼԱԿԱՆ ԵԿԵՂԵՑՈՒ ԱՐԱԳԱԾՈՏՆԻ ԹԵՄԻ ԿՈՂՄԻՑ ԻՐԱԿԱՆԱՑՎՈՂ «ՍՈՒՐԲ ՄԱՐԻԱՆԵ» ՍՈՑԻԱԼԱԿԱՆ ԿԵՆՏՐՈՆՈՒՄ ԱՐԵՎԱՅԻՆ ՎԱՀԱՆԱԿՆԵՐԻ ՀԱՄԱԿԱՐԳԻ ՏԵՂԱԴՐՈՒՄ» ԾՐԱԳՐԻ Մ Ա Ս Ի Ն
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել Հայ Առաքելական Եկեղեցու Արագածոտնի թեմի կողմից իրականացվող՝ 1,600,000 դրամ ընդհանուր արժողությամբ «Սուրբ Մարիանե» սոցիալական կենտրոնում արևային վահանակների համակարգի տեղադրում» ծրագիրը՝ համաձայն հավելվածի:
2. Սահմանել, որ Հայ Առաքելական Եկեղեցու Արագածոտնի թեմի կողմից (ՀՎՀՀ՝ 04703401) «Պրոֆպանել» ՍՊԸ-ի հետ (ՀՎՀՀ` 02809799) 2019 թվականի օգոստոսի 5-ին կնքված N 96 պայմանագրում նշված գործարքը, որով նախատեսվում է արևային վահանակների պատրաստում և տեղադրում՝ 1, 600,000 դրամի չափով, առանց ավելացված արժեքի հարկի, անմիջականորեն կապված է սույն որոշման 1 ին կետում նշված ծրագրի իրականացման հետ և դրա համար ունի զգալի նշանակություն:
3. Հայ Առաքելական Եկեղեցու Արագածոտնի թեմին՝ ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
